Matiyu 17:20 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁰ Tampung si Isa, “Sabap kulang pangando bi niyaku. Baan ta kam banahan, bong ina luu pangando bi san lasa bateheꞌ bigi mustard, minsan punu naa tahalin bi du bong sohoꞌ bi halin. Yaꞌ sina luu saꞌ tapabuwat bi bong tud luu du pangando bi niyaku.

Matiyu 17:20 ပူးပေါင်းရင်းမြစ်များ

Matiyu 13:31

Pag-anu, lay na baw si Isa ngandalil pabalik, yuk na, “Pamarinta Tuhan ina meꞌ karuha bigi mustard bay tinanom njawom huma.

Matiyu 14:29

Tampung si Isa, “Tu na ko.” Pag-anu, duwai na si Pitel boꞌ na lumān taꞌ kuwit boheꞌ tiluꞌ pa mman si Isa.

Matiyu 17:17

Tampung si Isa, “Uy la! Angkat-angkatan batnaa tud kulang bitu pangando da pa Tuhan maka tud bingkok pamiki da. Subay meꞌ noy gi doꞌ tu hallom ku dambuwaꞌ ka kaam boꞌ bi pitsayaꞌ niyaku? Agon yaꞌ na bitu tatatas ku arat bi.” Pag-anu, yuk na ni mmaꞌ anak-anak looy, “Bōn na pitu anak nu.”

Matiyu 17:19

Na yaꞌ jaꞌ siꞌ luu jama, lay na baw pasōng ga mulit si Isa pa mman na. Tilaw da, “Tuwan, ongoy lay la yaꞌ bay tapōꞌ kami seytan looy man baran anak-anak looy?”

Matiyu 17:9

Na sasang da palūd man taꞌ punu looy, ilooy ma lay sila sinupali meꞌ si Isa, yuk na, “Daa kam māꞌ ni soysoy bong oy bay tasakup bi ngkod-ngkoran yaꞌ gi ku, yana Anak Manusiyaꞌ, bay pinakallum pabalik.”

Matiyu 21:21

Yuk si Isa, “Baan ta kam banahan, bong ina luu pangando bi pa Tuhan maka yaꞌ kam hawal-hawalan, tapabuwat bi du sina meꞌ ilooy ma bay pabuwat ku siꞌ ni poon igira looy. Maka san labi gi man ilooy siꞌ. Nduwan jaꞌ sina kam san gi sohoꞌ bi punu naa pungkad boꞌ na nohoꞌ ngahiyakan dī na pa dilawut.

Matiyu 8:26

Yuk si Isa, “Ongoy subay na pin kam tawu? Tud kulang bitu pangando bi pa Tuhan.” Dari siꞌ, lay na ya bangun sambayan na nohoꞌ baliyu looy ka siga lamba na patagong. Pag ndaꞌ da, taddoꞌ na lahat saꞌ alang-alang.

Malkus 11:22

Yuk si Isa ninsila, “Ndang sina. Pitsayaꞌ jaꞌ kam pa Tuhan.

Malkus 11:23

Baan ta kam banahan, minsan gi ina punu naa, bong yuk bi, ‘Pungkad ko, boꞌ nu ngahiyakan dī nu pa dilawut,’ mastiꞌ ngasip jaꞌ sina bong kam yaꞌ duwa-duwa pitsayaꞌ nduwan meꞌ Tuhan paku bi.

Malkus 4:31

pa bigi mustard bay tinanom njawom huma. Minsan lannik bigi looy man sikamimon,

Malkus 9:23

Yuk si Isa niiya, “Ongoy lay yuk nu, ‘bong siꞌ’ lagi? Yaꞌ bina luu tunmanūn basta ko pitsayaꞌ jaꞌ niyaku.”

Lukas 1:37

sugaꞌ bong Tuhan, yaꞌ luu tunmanūn niiya.”

Lukas 17:6

Yuk si Isa ninsila, “Bong siꞌ ina luu jaꞌ dangkitiꞌ pangando bi pa Tuhan, san lasa bateheꞌ-teheꞌ bigi mustard, takaya bi jaꞌ sina minsan pabuwatan tunmanūn pa manusiyaꞌ. San gi ina sohoꞌ bi poon kayu naa pungkad boꞌ nohoꞌ nanom dī na ni dilawut, mastiꞌ inasip jaꞌ du kam.”

Lukas 18:27

Yuk si Isa ninsila, “Ndang tunmanūn sina meꞌ manusiyaꞌ nalamat dī da, sugaꞌ bong Tuhan, yaꞌ luu tunmanūn niiya.”

Yahiya 11:40

Pag tampung si Isa, “Saꞌ ba, ndang bay ko baan ku bong ko pitsayaꞌ, malaingkan ngita na ko ehe kawasa Tuhan?”

1 Korin 12:9

Kasohean kaladjikian meꞌ Rū Sutsiꞌ pangando basag ni kawasa Tuhan. Kuwan kasohean, kaladjikian ngulian jama sakihan.

1 Korin 13:2

Damikiyan, san sawpama kita lay kaladjikian masampay siga umanat Tuhan, boꞌ katoonan ta lagi mimon ilmuꞌ ma yaꞌ gi bay pinalahil ni manusiyaꞌ, bong yaꞌ du luu aseꞌ ta ni jama, yaꞌ du luu pūs ta. Damikiyan, san sawpama yaꞌ luu kulang pangahati ta ni mimon-mimon, boꞌ sukup lagi pangando ta pa Tuhan sampay takaya ta nohoꞌ punu paenseg, bong yaꞌ du luu aseꞌ ta ni jama, yaꞌ du luu pūs ta.

Hibrani 3:19

Maka tabista tabi na du, poonan da yaꞌ bay kapaasok sabap yaꞌ sila pitsayaꞌ ni palman Tuhan ninsila.