Matiyu 17:17 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁷ Tampung si Isa, “Uy la! Angkat-angkatan batnaa tud kulang bitu pangando da pa Tuhan maka tud bingkok pamiki da. Subay meꞌ noy gi doꞌ tu hallom ku dambuwaꞌ ka kaam boꞌ bi pitsayaꞌ niyaku? Agon yaꞌ na bitu tatatas ku arat bi.” Pag-anu, yuk na ni mmaꞌ anak-anak looy, “Bōn na pitu anak nu.”

Matiyu 17:17 ပူးပေါင်းရင်းမြစ်များ

Matiyu 13:58

Dari yaꞌ na meka pakaradjaan kahaylan-haylan bay pabuwat na ndooy sabap yaꞌ sila pitsayaꞌ niiya.

Matiyu 16:8

Na si Isa siꞌ tu, tasayu na du bong oy binitsala meꞌ da. Dari yuk na ninsila, “Ongoy na inaa na pagbitsalahan bi sat ga hāl tinapay yaꞌ luu? Kulang bitu pangando bi niyaku.

Matiyu 17:16

Bay na silay ya boo ku pa mman ga mulit nu sugaꞌ yaꞌ du bay takoleꞌ da.”

Matiyu 17:18

Luu jaꞌ siꞌ, lay na sohoꞌ si Isa seytan njawom baran anak-anak looy pōꞌ. Dari lay du pōꞌ sampay magti kaulian na anak-anak looy.

Matiyu 6:30

Na bong katumbu-tumbuhan ma dari jaꞌ llabas sumawung sampay tinunu tapamakoyan meꞌ Tuhan ka sumping-sumping, kaam palagi saꞌ binuwanan pamakoy meꞌ na. Pagka meꞌ looy, ongoy subay na pin kulang pangando bi niiya ngayaran kaam?

Matiyu 8:26

Yuk si Isa, “Ongoy subay na pin kam tawu? Tud kulang bitu pangando bi pa Tuhan.” Dari siꞌ, lay na ya bangun sambayan na nohoꞌ baliyu looy ka siga lamba na patagong. Pag ndaꞌ da, taddoꞌ na lahat saꞌ alang-alang.

Malkus 16:14

Yaꞌ hallom, si Isa na mismu bay patammu ni ga mulit na sikasapu-dambuwaꞌ sasang da mangan. Sampay lay gi sila sinahawi meꞌ na sabap ni katohas kōk da yaꞌ sila kuhi pitsayaꞌ ni siga pagkahi da ma bay ngita iya pus na bay pinakallum.

Malkus 9:19

Yuk si Isa, “Uy la, angkat-angkatan batnaa tud kulang bitu pangando da pa Tuhan! Meꞌ noy na pin doꞌ tu hallom ku dambuwaꞌ ka kaam natasan arat bi boꞌ bi pitsayaꞌ?” Pag-anu, yuk na ni lalla looy siꞌ, “Bōn na pitu anak nu.”

Lukas 24:25

Dari yuk si Isa ninsila, “Uy kaam tu, ongoy kam yaꞌ kahati? Ongoy kam kaawran pitsayaꞌ ni siga tunaꞌ kanabi-nabihan pasal Almasi?

Lukas 9:41

Tampung si Isa, “Uy la, angkat-angkatan batnaa, tud kulang pangando da pa Tuhan maka tud bingkok pamiki da. Meꞌ noy na pin doꞌ tu hallom ku dambuwaꞌ ka kaam natasan arat bi?” Pus meꞌ looy, yuk si Isa ni lalla looy siꞌ, “Bōn na pitu anak nu.”

Yahiya 20:27

Pag-anu siꞌ, yuk na ni si Tomas, “Tu ko Nges. Ndaun na tangan ku, boꞌ sallokun na ka timbōꞌ nu, maka purutun na ka tangan nu limpaꞌ budjak ni saddi ku. Pitsayaꞌ na ko ba. Daa na ko hawal-hawalan.”

Salsila siga Rasul 13:18

“Pag lakka da man Ejip, san sila yaꞌ kanaalla pa Tuhan, lay na pin tatasan Tuhan arat da njawom mpatpūꞌ taun sasang da ndooy ni lahat lau-lau yaꞌ maglumaꞌ.

Salsila siga Rasul 2:40

Na sarī man ilooy siꞌ, meka gi bitsala si Pitel man na noan sila kabanahan. Sigi-sigi ya nganjunjung ninsila, yuk na, “Bean bi na bay halling ku siꞌ mari kam salamat man mulkaꞌ ma labuꞌ bbos-bbos ni siga jama maat ni angkat-angkatan batnaa.”

2 Korin 11:1

Batnaa, tatasan bi na doꞌ samantalaꞌ pakale niyaku ngakig jama dupang meꞌ ku mantug dī ku.