Matiyu 17:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ Pag-anu siꞌ, pakiyaka na baw siga mulit na niiya, yuk da, “Tuwan, baꞌ-bāꞌ siga guru saraꞌ agama mastiꞌ duhuꞌ doꞌ Nabi Eliyas pōꞌ nohoꞌ jama saddiya ni katakka Almasi. Bana kilay bitsala da? Na pasal kau, katoonan kami baw luu na ko, sugaꞌ yaꞌ gi baw bay tumatandaꞌ ga luu na Nabi Eliyas bay duhuꞌ pitu man kau.”

Matiyu 17:10 ပူးပေါင်းရင်းမြစ်များ

Matiyu 16:14

Tampung da, “Pamāꞌ kasohean, kau na konoꞌ si Yahiya ma Tukang Mandi lay na llum pabalik. Yuk kasohean baw, kau na konoꞌ Nabi Eliyas. Boꞌ yuk kasohean baw, kau na konoꞌ Nabi Jeremaya atawa disu nabi sarī man maruhuꞌ-ruhuꞌ bay pinakallum pabalik.”

Matiyu 17:11

Tampung si Isa, “Ohoꞌ, bana silay yuk njawom kitab mastiꞌ duhuꞌ doꞌ pōꞌ Nabi Eliyas noan jama mari sila saddiya ni katakka Almasi.

Malkus 9:11

Pag-anu, tilaw da ni si Isa, “Ongoy lay la baꞌ-bāꞌ ga guru saraꞌ agama talpaksaꞌ doꞌ duhuꞌ Nabi Eliyas pōꞌ boꞌ takka Almasi?”

Yahiya 1:21

Yuk da na baw, “Bong ko saꞌ Almasi, soy baw ina ko? Kau na kina Nabi Eliyas?” Iya tampung na, “Ssaꞌ du ba.” Tilaw da, “Bong meꞌ naa, soy tu ko la? Kau na kina nabi looy ma pinag-agad meꞌ bangsa tabi?” Iya tampung si Yahiya, “Ssaꞌ du ba.”

Yahiya 1:25

Dari yuk da, “Bong ko saꞌ Almasi atawa Nabi Eliyas atawa nabi looy ma pinag-agad, ongoy baw ko taggahaꞌ mandi jama?”