Matiyu 16:23 - Sabahagiꞌ Kitab Tawrat: Panagnaan ni Awwal Jaman maka Kitab Injil

²³ Pag-anu, ilooy ma paawop si Isa ni si Pitel sambayan na halling, “Lakka na ko man bihing ku Ibilis! Pamiki nu ina kahandak manusiyaꞌ, saꞌ ga kahandak Tuhan.”

Matiyu 16:23 ပူးပေါင်းရင်းမြစ်များ

Panagnaan 3:17

Pag-anu, yuk Tuhan na baw ni lalla looy, “Pagka lay jaꞌ ko kuhi tagayu meꞌ nda nu nohoꞌ mangan buwaꞌ kayu looy ma bay tinagga meꞌ ku, sumpaan ku na sina tanaꞌ sabapan nu. Labba man batnaa, halloman nu llum, malasahi sina ko miha balanjaꞌ.

Matiyu 16:22

Pag takale si Pitel bitsala si Isa, ilooy ma lay doꞌ boo na si Isa palawak-lawak, boꞌ na naggong, yuk na, “Uy, Tuwan, daa ko ba halling meꞌ naa. Sipais du pin ko! Niyaꞌ bina dari meꞌ naa katuwaꞌ ningkau.”

Matiyu 18:7

Baan ta kam banahan, siya-siya sina manusiyaꞌ ma mandang hāl junyaꞌ sabap wā sila takoleꞌ sinasat. Ni junyaꞌ tuu itu ndang yaꞌ taambat sasat ma moo jama buwat dusa. Sugaꞌ tud siya-siya sina mintu sagannap ma bay moo sasat meꞌ looy.

Matiyu 4:10

Iya tampung si Isa, “Lakka na ko Ibilis. Yuk njawom kitab, ‘Isu-isu Papuꞌ bi Tuhan sumbahun bi maka iya jaꞌ isbatun bi.’ ”

Malkus 8:33

Sugaꞌ lay doꞌ pateleꞌ si Isa ngandaꞌ ni siga mulit na, boꞌ na mahallingan si Pitel, yuk na, “Lakka na ko man bihing ku Ibilis! Pamiki nu ina kahandak manusiyaꞌ, saꞌ ga kahandak Tuhan.”

Lukas 4:8

Iya tampung si Isa, “Yuk njawom kitab baw ba, ‘Isu-isu Papuꞌ bi Tuhan sumbahun bi maka iya jaꞌ isbatun bi.’ ”

Yahiya 6:70

Pag-anu yuk si Isa, “Saꞌ ba, luu kam sapu-duwa bay peneꞌ ku? Sugaꞌ luu situ disu ningkaam sineytan.”

Suwat si Pol pa mman Baanan Sukuꞌ si Isa ndooy ni Rom 14:13

Sangkon, pagka luu du Tuhan manding sikamimon, ddong na kita manding pagkahi ta pa kalaatan. Arapun inaa ya bintusan ta njawom atay ta meꞌ ta ngilagan siga pabuwatan ma kanna pagkahi ta tagga pa Tuhan. Yaꞌ kita doman siga danganakan ta taboo-boo buwat ilooy ma dusa ninsila.

Suwat si Pol pa mman Baanan Sukuꞌ si Isa ndooy ni Rom 14:21

Sangkon, bong inawnan mangan lawuk, nginum tubaꞌ anggul, atawa buwat oy maka oy na, bong gantaꞌ man danganakan tabi ndusa, gam na yaꞌ pabuwat tabi.

Pilipi 3:19

Ga jama meꞌ looy ilay, sibogan da katiksaan njawom nalkaꞌ sabap tuhan da yana napsu da. Bila sila buwat kalaatan, yaꞌ gi sila iyaꞌ, gam pin pinag-abbu gi meꞌ da. Ilooy du njawom pamiki da hāl junyaꞌ.

Kolossa 3:2

Pandangun bi na hāl ma hagaan pa Tuhan. Bong hāl junyaꞌ, san daa na.