Matiyu 16:21 - Sabahagiꞌ Kitab Tawrat: Panagnaan ni Awwal Jaman maka Kitab Injil

²¹ Na pus meꞌ looy, nagnaꞌ na baw si Isa mahati siga mulit na bong oy katuwaꞌ niiya ni sinōng. Yuk na, “Aku itu, talpaksaꞌ niyaku pilay na pa Jerusalem. Ndooy ilay mintu, subay ku natasan jinisan kabinsanaan meꞌ siga matatoa ni agama ka ga imam langkaw sampay ga guru saraꞌ agama, boꞌ pinapatoy lagi ku. Sugaꞌ pag ina mintu taabut ni katallu ngallaw, llum na du sina ku pabalik.”

Matiyu 16:21 ပူးပေါင်းရင်းမြစ်များ

Matiyu 12:40

Batan yana meꞌ iya tallum bahangi tallu ngallaw bay njawom battong daying mehe, boꞌ na pōꞌ, damikiyan Anak Manusiyaꞌ pun itu mintu, tallum bahangi tallu ngallaw du njawom kubu, boꞌ na pōꞌ du.

Matiyu 16:22

Pag takale si Pitel bitsala si Isa, ilooy ma lay doꞌ boo na si Isa palawak-lawak, boꞌ na naggong, yuk na, “Uy, Tuwan, daa ko ba halling meꞌ naa. Sipais du pin ko! Niyaꞌ bina dari meꞌ naa katuwaꞌ ningkau.”

Matiyu 16:28

Maka baan ta kam banahan, kasohean kam ma luu nangge ntuu, yaꞌ gi situ kam mintu bay matoy, ndang takita bi na katakka Anak Manusiyaꞌ ddas ka pamarinta na.”

Matiyu 17:12

Sugaꞌ baan ta kam banahan, luu na silay bay pitu Nabi Eliyas sugaꞌ yaꞌ ya bay takila. Sarī gi, lay jaꞌ du manusiyaꞌ nganduwan dī da pooy-pooy karomanan da meꞌ buwat iya. Damikiyan, meꞌ naa du sina mintu meꞌ da buwat aku, yana Anak Manusiyaꞌ.”

Matiyu 17:9

Na sasang da palūd man taꞌ punu looy, ilooy ma lay sila sinupali meꞌ si Isa, yuk na, “Daa kam māꞌ ni soysoy bong oy bay tasakup bi ngkod-ngkoran yaꞌ gi ku, yana Anak Manusiyaꞌ, bay pinakallum pabalik.”

Matiyu 20:28

Minsan aku, Anak Manusiyaꞌ, yaꞌ du ga kon ku bay pitu muhung inintu. Arapun kon ku itu bay pitu mari ku kaintu manusiyaꞌ sampay nongan umu ku mari meka na jama pinaddusan man hukuman ni dusa da.”

Matiyu 26:2

“Ndang katoonan bi na du, njawom duwa ngallaw taabut na paballangan Ngalingkaꞌ. Ni waktu looy ilay mintu sinungkuban na Anak Manusiyaꞌ boꞌ llansang taꞌ tehang sampay matoy.”

Matiyu 26:47

Yaꞌ gi siꞌ lupus si Isa mitsala, ilooy ma takka du si Judas, yana disu mulit ni ilooy ma sikasapu-duwa. Maka meka du jama bay boo na ddas ka kataliꞌ da maka takaka da. Sila siꞌ tu bay pilay nungkuban si Isa man panohoan siga imam langkaw ka ga matatoa ni agama.

Matiyu 27:12

Na pag lay pinōꞌ mimon sumbung njataꞌ na meꞌ siga imam langkaw ka ga matatoa ni agama, yaꞌ san ya bay halling-halling.

Matiyu 27:63

yuk da, “Tuwan, baꞌ-bāꞌ lalla looy ma pangandustaꞌ jaman na llum, paddus tallu ngallaw, llum du ya konoꞌ pabalik.

Matiyu 28:6

Sugaꞌ yaꞌ na ya luntuu, batan lay na ya pinakallum pabalik meꞌ bay halling sambat na du. Tu kam. Ndaun bi na limpaꞌ man na bay pinabāk,

Malkus 8:31

Na puwas mandooy, lay na baw si Isa mahati siga mulit na bong oy katuwaꞌ niiya ni sinōng, yuk na, “Ndang lay na situ ginantaꞌ niyaku, yana Anak Manusiyaꞌ, natasan jinisan kabinsanaan. Boꞌ tinuwak lagi ku meꞌ siga matatoa ni agama ka ga imam langkaw sampay ga guru saraꞌ agama. Maka pinapatoy lagi ku. Sugaꞌ pag ina mintu taabut ni katallu ngallaw, llum na du sina ku pabalik.”

Malkus 9:12

Tampung si Isa ninsila, “Bana du baw bilay ninsila mastiꞌ duhuꞌ doꞌ Nabi Eliyas pōꞌ manyap labbasakayi boꞌ takka Almasi. Sugaꞌ baan ta kam banahan, luu na silay Nabi Eliyas bay pōꞌ. Sugaꞌ meꞌ jama bay buwat iya, lay jaꞌ sila madara kahandak da makaat iya meꞌ ndang bay tinunaꞌ njawom kitab. Damikiyan Anak Manusiyaꞌ pun, yuk njawom kitab, subay du lumingkaꞌ njawom jinisan kabinsanaan sampay tinuwak.”

Lukas 17:25

Sugaꞌ talpaksaꞌ doꞌ sina mintu niyaku duhuꞌ lumingkaꞌ njawom jinisan kabinsanaan sampay tinuwak meꞌ jama angkat-angkatan batnaa.

Lukas 24:46

Maka lay gi ya maintoman sila tunaꞌ njawom kitab, ilooy ma yuk na, “Almasi ina talpaksaꞌ lumingkaꞌ njawom kabinsanaan sampay pinapatoy, sugaꞌ pinakallum du ya ni katallu ngallaw.”