Matiyu 15:32 - Sabahagiꞌ Kitab Tawrat: Panagnaan ni Awwal Jaman maka Kitab Injil

³² Pag-anu siꞌ, lay na baw linganan si Isa ga mulit na pa mman na. Luu jaꞌ siꞌ, yuk na, “Luuy ku la ni siga jama naa. Tallu ngallaw na sila ntuu mman ku, boꞌ lay na katis lutuꞌ da. Gampang ku mapoleꞌ sila, taggahaꞌ lay na baw mintu sila kappisan ni tangngaꞌ lān ni kalingantu da.”

Matiyu 15:32 ပူးပေါင်းရင်းမြစ်များ

Matiyu 12:40

Batan yana meꞌ iya tallum bahangi tallu ngallaw bay njawom battong daying mehe, boꞌ na pōꞌ, damikiyan Anak Manusiyaꞌ pun itu mintu, tallum bahangi tallu ngallaw du njawom kubu, boꞌ na pōꞌ du.

Matiyu 14:13

Na pag taaka si Isa lay na pinapatoy si Yahiya, lay ya song pilay taꞌ kumpit ka ga mulit na pa lahat lau-lau yaꞌ maglumaꞌ supaya sila-sila jaꞌ ndooy. Sugaꞌ pag taaka jaꞌ siꞌ meꞌ siga baanan jama lay na ga si Isa lakka, lay du sila patuhut lumān nusu bihing danaw jaꞌ.

Matiyu 15:33

Yuk siga mulit na niiya, “Noy baw tu la man tabi ngaddoꞌ sukup man makan sila, meꞌ naa na eka da, boꞌ ni lahat yaꞌ maglumaꞌ lagi?”

Matiyu 20:34

Dari ni kaluuy si Isa ninsila, lay na purut na mata da sampay sarunduun du sila ngita. Maka lay na sila mmeꞌ niiya.

Matiyu 27:63

yuk da, “Tuwan, baꞌ-bāꞌ lalla looy ma pangandustaꞌ jaman na llum, paddus tallu ngallaw, llum du ya konoꞌ pabalik.

Matiyu 9:36

Pag ndaꞌ na siga baanan manusiyaꞌ ndooy, kapaluuy ya ninsila sabap yaꞌ luu pag-asa da, boꞌ meka gi kasusahan da. Subay ga sila baanan bili-bili ma yaꞌ san luu tukang ngipat sila.

Malkus 9:22

Boꞌ daran gi ya pinatimbag meꞌ seytan na pa jawom api atawa pa jawom boheꞌ tandaꞌ seytan na doman mapatoy iya. Sugaꞌ bong siꞌ luu tarapat nu, panimbangan doꞌ kami. Tulungun doꞌ kami.”

Lukas 7:13

Pag takita jaꞌ bawu looy meꞌ Papuꞌ Isa, kapaluuy ya. Dari yuk na, “Daa na ko Daꞌ nangis.”

Salsila siga Rasul 27:33

Tapit jaꞌ siꞌ deꞌ subu, lay na si Pol mitsalahan sikamimon taꞌ adjung looy nohoꞌ mangan. Yuk na, “Luu na situ sapu-mpat ngallaw halloman bi yaꞌ na san bay mangan ni kahanggaw bi.

Hibrani 4:15

Meꞌ iya ina panghuluꞌ imam tabi, tahati na kulang kawasa manusiyaꞌ man naggaꞌ siga sasat seytan. Takissa na parasahan tabi sabap iya mismu lay du lumingkaꞌ ni jinisan sasat seytan meꞌ karuha ningkitabi du. Sat na jaꞌ kuwan niiya, yaꞌ luu dusa na samasakali.