Matiyu 15:31 - Sabahagiꞌ Kitab Tawrat: Panagnaan ni Awwal Jaman maka Kitab Injil

³¹ Pag takita leꞌ baanan jama ndooy ga jama bay umaw kabitsala na, ma pengkol ka tongkaꞌ kapalān na paayad, maka jama buta ngita na, tud bay haylan sila. Dari lay na ga sila mudji Tuhan. Yuk da, “Pudji tabi Tuhan bangsa Israil.”

Matiyu 15:31 ပူးပေါင်းရင်းမြစ်များ

Panagnaan 32:28

Yuk lalla looy, “Labba man batnaa saꞌ na si Yaꞌkub meꞌ ngawnan kau, si Israil na. Hatiyan na, ‘magbasag-basagan ka Tuhan.’ Batan yaꞌ ko bay kuhi banti magbasag-basagan ka manusiyaꞌ sampay na Tuhan ngkod-ngkoran yaꞌ bay takoleꞌ nu ma puhung nu, boꞌ lay jaꞌ du ko tumanjataꞌ.”

Panagnaan 33:20

Ndooy siꞌ, lay na baw si Yaꞌkub nambak batu binuwat pangulbanan, boꞌ lay inawnan meꞌ na El Elohe Israil, hatiyan na, “Tuhan yana Tuhan ma sinumba meꞌ si Israil.”

Matiyu 15:30

Sasang da ndooy, sakiyan na baw jama patiluꞌ pa mman na moo ga jama tongkaꞌ, ka jama buta, jama pengkol ka jama umaw, sampay jama saki leꞌ kajinisan. Pag takka da pa mman si Isa, lay nnaꞌ da sagannap ma saki ni awpan na. Dari siꞌ lay du ulian si Isa sikamimon.

Matiyu 18:8

Sangkon ilagan bi dī bi. Bong sawpama dambilaꞌ tangan bi atawa dambilaꞌ battis bi kaboo-boo ningkaam buwat dusa, kurungan bi na boꞌ tinimanan. San ina langkap battis-tangan bi sikaduwambilaꞌ, bong man bi taisi pa jawom api nalkaꞌ ma yaꞌ tapawman, gam na baw dambilaꞌ sa tangan bi atawa battis bi bong pin kam koleꞌ jaꞌ kasampulnaan nyawa saumu-umu.

Matiyu 21:14

Sasang si Isa masi ni haman langga mehe, luu na baw pa mman na ga jama buta ka ga jama tongkaꞌ. Pag-anu siꞌ, lay na sila inulian meꞌ na.

Matiyu 8:10

Pag takale si Isa halling na, kapajayip ya sampay yuk na ni siga jama ma ngahaboyan iya, “Baan ta kam banahan, minsan ni bangsa Israil, yaꞌ gi ku bay ngita san disu meꞌ ehe pangando kapitan tuu.”

Matiyu 9:32

Paddus jaꞌ bukut ga lalla looy siꞌ ma duwa, luu na baw disu lalla umaw binoo pa mman si Isa. Kon na umaw sabap lay ya inasok meꞌ seytan.

Matiyu 9:33

Dari siꞌ lay na pōꞌ si Isa seytan na sampay kabitsala na ga ya pabalik. Pag ndaꞌ siga baanan jama ndooy meꞌ looy, tud bay inu-inu sila sampay yuk da, “Uy la, halloman tabi llum, yaꞌ gi kitabi bay pingkaꞌ ngita meꞌ naa ntuu ni Israil.”

Matiyu 9:8

Pag takita leꞌ baanan jama lundooy, takkahan tawu na sila sampay mudji na ga sila Tuhan sabap meꞌ na bay muwanan manusiyaꞌ kapatut meꞌ looy siꞌ.

Malkus 2:12

Dari magti du nangge lalla looy boꞌ na mūt patulihan na sampay lay na pōꞌ ni pag-awpan da labbasakayi. Mimon siꞌ ndooy tud bay haylan sampay mudji na ga sila Tuhan, maka yuk da, “Yaꞌ gi kitabi la bay pingkaꞌ ngita meꞌ tuu!”

Malkus 7:37

Dari siꞌ, sagannap ma bay kaaka, biddaꞌ na haylan da sampay yuk da, “Mimon ma pabuwat na, yaꞌ luu saꞌ yaꞌ mahap. Minsan jama ma yaꞌ kale atawa yaꞌ kabitsala, kaulian na du meꞌ na.”

Malkus 9:43

“Sangkon, bong dambilaꞌ tangan bi bay kaboo-boo ningkaam buwat dusa, kurungan bi na. Gam na dambilaꞌ sa tangan bi bong pin sampulnaꞌ jaꞌ nyawa bi saumu, man bi nnaa taisi pa jawom api nalkaꞌ ma yaꞌ tapawman ddas ka tangan bi sikaduwambilaꞌ.

Lukas 14:13

Arapun, bong ko ngaddoꞌ jama, patabeun sagannap ma miskin, ma pengkol, ma tongkaꞌ atawa buta.

Lukas 14:21

“Dari lay na pabeleng tindog looy siꞌ maan bōs na bong oy bay tampung ga jama looy siꞌ ma bay kinaddoꞌ. Pag-anu, tud bay lasu bōs na. Dari yuk na ni tindog na, ‘Pilay ko deꞌ-dēꞌ. Lataan nu mimon lān. Ambatun sampay siga look-look daira tuu. Boonun pitu pa paballangan tuu sagannap ma miskin, ma pengkol, ma tongkaꞌ atawa buta.’

Lukas 18:43

Dari siꞌ, sarunduun du ya ngita sampay lay na ya mmeꞌ ni ga si Isa sambayan na mudji Tuhan. Pag ndaꞌ baanan jama ndooy meꞌ looy, lay na du sila mmeꞌ mudji Tuhan.

Lukas 7:16

Pag takita leꞌ baanan jama ndooy, takkahan tawu na sila labbasakayi sampay mudji na ga sila Tuhan, yuk da, “Luu na bitu Tuhan pitu nabang kitabi sukuꞌ na. Batan luu na bay papitu na disu nabi biddaꞌ na ehe kawasa na pa mman tabi.”

Yahiya 9:24

Pag-anu siꞌ, lay na baw linganan da pabalik lalla looy ma bay buta. Maka yuk da niiya, “Magsabanna na ko ba ni awpan Tuhan. Katoonan kami du saꞌ lalla looy bay ngulian kau batan baldusa ya.”