Matiyu 15:27 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁷ “Bana sina Tuwan,” yuk danda looy, “sugaꞌ minsan siga idoꞌ ndiyoꞌ lumaꞌ, luu du bahagiꞌ da san lasa mimis labuꞌ man taꞌ lamisahan papuꞌ da.”

Matiyu 15:27 ပူးပေါင်းရင်းမြစ်များ

Panagnaan 32:10

Kamasaꞌ meꞌ aku disu ata nu, yaꞌ san ku tawop kaasean nu sampay sigi-sigi tinabang meꞌ nu. Lān ku bay lakka man lahat ku sampay bay ngalintas Sōng Juldan, yaꞌ san luu bay boo ku oy maka oy na sarī man tungkud. Pag poleꞌ ku, itu na ku bay dari duwam baanan mehe.

Matiyu 15:26

Dari pagka doman si Isa nongkad bong pooy basag pangando danda looy niiya, yuk na, “Subay bangsa Yahudi doꞌ paruhuꞌ ku tinabang. Bong ina kau ya paruhuꞌ ku, sibuꞌ du ka bay kaddoꞌ ku kinakan sinukuꞌ ni siga anak ku, boꞌ ndean na baw siga idoꞌ.

Matiyu 15:28

Yuk si Isa ni danda looy, “Nang, biddaꞌ na baw bitu basag pangando nu. Duwan ta na ko.” Dari paddus na pin halling na, magti du kaulian anak na.

Matiyu 5:45

Bong siꞌ ina kam maaseꞌ jaꞌ meꞌ naa, tumatandaꞌ na nutu kam Mmaꞌ bi Tuhan ni sulgaꞌ. Batan tabiat Tuhan ina buwat mahap ni mimon manusiyaꞌ. Mindoga jaꞌ kam ni mataallaw. Saꞌ ba, bila pinasilak na meꞌ Tuhan, sibuꞌ du jama karantaan ma mahap ka jama maat? Damikiyan, hāl uwan, saꞌ sat jama mahap buwanan na uwan, arapun sampay jama maat, buwanan na du.

Matiyu 8:8

Sugaꞌ pag halling kapitan looy, “Tuwan, san ko ba yaꞌ na pilay. Yaꞌ bitu ku la tawop nohoꞌ kau pilay pa lumaꞌ ku meꞌ naa na langkaw kawasa-kapatut nu. Sugaꞌ bong siꞌ ko lay jaꞌ ngabtang mantuu, mastiꞌ kaulian jaꞌ silay tindog ku.

Malkus 7:28

Pag tampung danda looy, “Bana sina Tuwan, sugaꞌ minsan ina ga idoꞌ, masi gi du dari mangan san lasa mimis ma bay talabuꞌ meꞌ siga anak-anak man lamisahan.”

Lukas 16:21

Kainagon na binuwanan na ya san lasa hamo-hamo kinakan ma bay labuꞌ man taꞌ lamisahan sawraga looy. Kaluuy-luuy ya boꞌ pinagdelat lagi meꞌ siga idoꞌ kato na.

Lukas 18:13

“Na kuwan tukang ninga sukay looy baw siꞌ, lay jaꞌ nangge didihan na palawak-lawak man ga jama ndooy. Patondok jaꞌ ya. Yaꞌ san ya tawakka ngandaꞌ pa jataꞌ tandaꞌ ni kaiyaꞌ na pa Tuhan. Bbuwatan na nugtug dakan na ni kasasso na ni bay kadarihan na sambayan na halling, ‘Tuhan, mangaku ku baldusa jaꞌ ku. Junjung ku na ningkau, panimbangan doꞌ ku.’ ”

Suwat si Pol pa mman Baanan Sukuꞌ si Isa ndooy ni Rom 10:12

Na kasalamatan tuu itu para ni mimon bangsa, saꞌ biddaꞌ bong sila Yahudi atawa ssaꞌ, batan Tuhan yaꞌ magsitingka manusiyaꞌ. Mimon kitabi manusiyaꞌ, disu du Papuꞌ tabi. Boꞌ meka sina kaayaran ndean meꞌ na ni sikamimon ma maku tabang niiya.

Suwat si Pol pa mman Baanan Sukuꞌ si Isa ndooy ni Rom 3:19

Na hantak bitsala looy ilay siꞌ njawom kitab, tumatandaꞌ na mimon manusiyaꞌ dusahan pa Tuhan. Tud yaꞌ luu san disu nammu daawa man da nangkisan hukuman Tuhan, awla na bangsa Yahudi ma bay pina-ntanan saraꞌ, boꞌ langga da lagi. Sangkon mimon manusiyaꞌ pataꞌ kalabuan hukuman.

Suwat si Pol pa mman Baanan Sukuꞌ si Isa ndooy ni Rom 3:29

Boꞌ timbang Tuhan ina, saꞌ sat para ni bangsa Yahudi, arapun sampay ni mimon bangsa. Batan bangsa Yahudi atawa ssaꞌ, basta iya du Tuhan tabi saliꞌ-saliꞌ.

Suwat si Pol pa mman Baanan Sukuꞌ si Isa ndooy ni Rom 3:4

Minsan mimon manusiyaꞌ ngandustaꞌ, bong Tuhan, mastiꞌ bonto jaꞌ. Meꞌ bay sinuwatan njawom kitab, yuk Nabi Daud, “Tuhan, bila kau magpalman, song hallom, tumatandaꞌ du bana sadjaꞌ bay palman nu. Bong sinahawi hukuman nu, song hallom, tumatandaꞌ du katuwaꞌ jaꞌ ko.”

Epesus 3:19

Kamura-murahan pasampun boꞌ pasampun na pin pangahati bi ni aseꞌ na supaya taakig bi na ngabut sampay sumibuꞌ na arat-tabiat bi ka Tuhan.

Epesus 3:8

Sabana na, ni mimon sukuꞌ Tuhan, aku ya labi yaꞌ tawop inawnan sukuꞌ na. Lipara, lay gi baw ku tapeneꞌ nohoꞌ masaplag ni siga bangsa saꞌ Yahudi pasal siga supaat mehe saꞌ taangan-angan ma takoleꞌ da bong sila tibuuk na ka Almasi.