Matiyu 15:22 - Sabahagiꞌ Kitab Tawrat: Panagnaan ni Awwal Jaman maka Kitab Injil

²² Ndooy siꞌ, luu disu danda bangsa Kanan lay pilay pa mman si Isa nganjunjung, yuk na, “Ū Tuwan, panubuꞌ Sultan Daud, panimbangan doꞌ ku sabap tud malasahi la anak ku bay inasok meꞌ seytan.”

Matiyu 15:22 ပူးပေါင်းရင်းမြစ်များ

Matiyu 1:1

Ituu tu usuwan siga pangkatan kabboꞌ-bboan si Isa Almasi, panubuꞌ Sultan Daud, yana disu panubuꞌ Nabi Ibrahim.

Matiyu 15:23

Sugaꞌ yaꞌ san nampung si Isa. Dari pagka amu-amu danda looy patuhut boꞌ hibuk lagi ngalingan, yuk siga mulit si Isa, “Tuwan, danda naa la nasat jaꞌ. Daa busung, sohoun na ba ya lakka.”

Matiyu 17:15

sambayan na halling, “Tuwan, panimbangan doꞌ anak ku. Tud malasahi ya meꞌ bilaw-bawi na. Kansang na ga ya habbaꞌ ni jawom api atawa labuꞌ pa jawom boheꞌ.

Matiyu 4:24

Dari siꞌ habal pasal si Isa lay na magkanatan ni sikaliput lahat ngabut sampay pa Siriya. Sangkon, meka na jama bay moo soheꞌ da ma sakihan pa mman na. San gi oy saki da, minsan jama sineytan, jama binilaw-bawi, jama matoy baran da, lay jaꞌ du kaulian meꞌ na sikamimon.

Matiyu 9:27

Pag lakka ga si Isa mandooy, luu na baw duwa lalla buta patuhut ngahowapan iya, yuk da, “Ū panubuꞌ Sultan Daud, panimbangan doꞌ kami.”

Lukas 17:13

sampay ngahowap, yuk da, “Ū Tuwan Isa, panimbangan doꞌ kami!”

Lukas 18:13

“Na kuwan tukang ninga sukay looy baw siꞌ, lay jaꞌ nangge didihan na palawak-lawak man ga jama ndooy. Patondok jaꞌ ya. Yaꞌ san ya tawakka ngandaꞌ pa jataꞌ tandaꞌ ni kaiyaꞌ na pa Tuhan. Bbuwatan na nugtug dakan na ni kasasso na ni bay kadarihan na sambayan na halling, ‘Tuhan, mangaku ku baldusa jaꞌ ku. Junjung ku na ningkau, panimbangan doꞌ ku.’ ”

Lukas 6:18

Kon da ilay bay pilay, doman sila pakale ni tōꞌ si Isa sampay nohoꞌ inulian jinisan saki da. Maka sila ma malasahi meꞌ siga seytan, lay du inulian meꞌ na.