Matiyu 15:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹¹ Saꞌ ba, luu halling jama, ‘Daa ko mangan inaa batan katamak sina ningkau?’ Sugaꞌ meꞌ tuu baw meꞌ ku ka kaam: Saꞌ sina ilooy ma inisi njawom behe makatamak ni jama. Arapun ilooy ya makatamak yana siga pakaradjaan ma pōꞌ man behe da.”

Matiyu 15:11 ပူးပေါင်းရင်းမြစ်များ

Matiyu 15:10

Pag-anu, lay na baw sohoꞌ si Isa baanan ga jama ndooy patapit. Luu jaꞌ siꞌ, yuk na ninsila, “Pakale doꞌ kam ka hatiyun bi banahan bitsala ku.

Matiyu 15:12

Pag lupus si Isa mitsala, pasōng na baw siga mulit na pa mman na, yuk da, “Tuwan, tabista nu kilay siꞌ dugahan siga Parisi looy ni bay bitsala nu nsiniꞌ?”

Malkus 7:15

Oy-oy ina makanan ma isi jama pa jawom behe da, yaꞌ sina makatamak ninsila ni mata Tuhan. Arapun ilooy ya makatamak yana kalaatan ma pōꞌ man jawom atay da.

Suwat si Pol pa mman Baanan Sukuꞌ si Isa ndooy ni Rom 14:14

Kamasaꞌ meꞌ aku itu disu jama tibuuk ka Papuꞌ Isa, basta katoonan ku baw tu, yaꞌ luu lawuk hinaram meꞌ Tuhan. Sugaꞌ bong baw luu pagkahi tabi mista luu lawuk haram niiya, malaingkan subay yaꞌ kakan na. Bong ilay ya bay mangan, dari dusa niiya batan nulang ni honaꞌ-honaꞌ na.

Suwat si Pol pa mman Baanan Sukuꞌ si Isa ndooy ni Rom 14:17

Kamasaꞌ ni sabana na, bong hāl meꞌ nginum-mangan, yaꞌ du sina luu kabigiꞌ-bigian na ni pamarinta Tuhan. Ilooy ya hagaan ni pamarinta na yana kaintongan, kasalassayan ka kagakan njawom atay tabi lakka man Rū Sutsiꞌ.

Suwat si Pol pa mman Baanan Sukuꞌ si Isa ndooy ni Rom 14:20

Daa langkat tabi kaayaran ma pabuwat Tuhan njawom atay pagkahi tabi sat ga sabap lawuk. Bana na, yaꞌ sina luu lawuk haram. Sugaꞌ saꞌ sina aseꞌ bong kitabi mangan yaꞌ biddaꞌ ni pag-awpan siga danganakan tabi ma mista haram lawuk tabi. Ilooy ilagan tabi taggahaꞌ kitabi na baw dari poonan man da ndusa bong sila mmeꞌ na pin mangan ilooy ma kanna da haram.

1 Timuti 4:3

Dari njawom tōꞌ da, bong jama doman sutsiꞌ banahan, subay sila konoꞌ yaꞌ handa atawa halla. Maka baꞌ-bāꞌ da, luu lawuk yaꞌ dari kinakan. Mingkan ilay siꞌ, mimon lawuk ma pamāꞌ da haram bay pinapayak meꞌ Tuhan. Dari mimon ma pitsayaꞌ ni si Isa ka toon tōꞌ sabanna dari muwan pagsukuhan pa Tuhan sabapan lawuk looy sampay mangan.

Taytus 1:15

Jama meꞌ looy ilay ma yaꞌ pitsayaꞌ ni si Isa, ndang yaꞌ du bay sinutsiꞌ meꞌ Tuhan atay da. Yaꞌ luu niyat atay da sutsiꞌ batan ndang lamaꞌ pamiki da. Maka yaꞌ na san luu nulang ni honaꞌ-honaꞌ da bong sila buwat maat. Boꞌ sagannap ma pitsayaꞌ ni si Isa ina, lay na sinutsiꞌ atay da. Sangkon katoonan da na san gi oy sinagid atawa pun kinakan meꞌ da, yaꞌ du luu katamak ninsila.

Hibrani 13:9

Sangkon, daa na kam kuhi binoo magsiꞌ ka jinisan tōꞌ ma yaꞌ sikatuwaꞌ ka kabanahan bay hasi bi. Kasohean ina nōꞌ luu lawuk haram. Tōꞌ meꞌ looy ilay yaꞌ du luu paluntungan na ninsila ma mogbog. Batan hāl makanan ina yaꞌ du kasambu ni nyawa tabi. Arapun iya kasambu yana aseꞌ-tabang Tuhan ningkitabi.

2 Pitel 2:18

Basag sila ngabbu saula-ula pandoy sila, boꞌ ko, karupangan jaꞌ bitsala da. Baꞌ-bāꞌ da, san gi oy kinanapsuhan meꞌ jama, dari jaꞌ nduwan. Sabapan tōꞌ da meꞌ looy, kasohean jama ma bahau jaꞌ pitsayaꞌ ni Papuꞌ Isa, ma bahau jaꞌ bay ngalabbahan napsu da ma maat, lay na baw taboo-boo bbeleng pabalik pa bay kalaatan da.