Matiyu 14:36 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁶ Boꞌ lay gi sila muhun niiya bong ya dari pinurut san lasa ni bihing-bihing juba na. Dari siꞌ, soysoy bay kapurut juba na, magti du kaulian.

Matiyu 14:36 ပူးပေါင်းရင်းမြစ်များ

Matiyu 14:35

Pag duwai si Isa man taꞌ kumpit, takila ya meꞌ siga jama ndooy. Dari lay sila ngalataan lahat mahati luu na takka si Isa. Dari mimon jama ma sakihan ndooy lay na binoo pa mman na.

Matiyu 23:5

“Sikamimon tangge-tingkōꞌ da man magpakita-kita sadjaꞌ mari sila sinanglitan. Ndaun bi doꞌ ba pangannaan suwat man jawom kitab bay kinabit ni tundun da ka langngon da. Maka ndaun bi doꞌ ba tahaꞌ jambu ni battis juba da man da magpakita-kita.

Malkus 3:10

Batan sagannap ma sakihan ndooy, pag ndaꞌ da ndang meka na bay kaulian meꞌ si Isa, palogos na pin sila papassūt bong pin ya tapurut da jaꞌ.

Malkus 6:56

Maka paninggai-paninggai jaꞌ ya, ni kakawum-kawman, ni siga daira atawa ni siga tabuꞌ, luu jaꞌ jama ngannaꞌ siga soheꞌ da sakihan ni bihing lān mehe. Dari pag pingkaꞌ si Isa, bbuwatan da maku junjung niiya nohoꞌ mapurutan ga soheꞌ da ma sakihan san lasa ni bihing-bihing juba na. Boꞌ lay jaꞌ du kaulian soysoy bay kapurut.

Malkus 8:22

Na pag takka ga si Isa pa Betsayda ni dambilaꞌ danaw, luu na baw baanan jama moo disu lalla buta pa mman na. Pag-anu, lay sila maku junjung niiya nohoꞌ murut lalla looy siꞌ mari ya ngita na.

Lukas 6:19

Dari sikamimon siꞌ ndooy magtuyuꞌ na pin papassūt murut iya sabap luu kawasa pōꞌ man baran na ngulian sila sikamimon.

Yahiya 6:37

Sugaꞌ sagannap ma bay sinukuꞌ leꞌ Mmaꞌ ku niyaku, mastiꞌ mmeꞌ jaꞌ sina niyaku. Boꞌ na, sagannap ma mmeꞌ niyaku, yaꞌ sina luu tuwak ku.

Salsila siga Rasul 3:16

“Na lalla tuu itu, tasayu bi na du ndang yaꞌ ya bay kapalān lakka man kūn induꞌ na lagi. Pag batnaa, itu na ya bay inulian ni pag-awpan bi. Boꞌ poonan na baw itu siꞌ bay kaulian isu-isu man sabapan pangando kami ni si Isa ka ni kawasa awon na.”