Matiyu 14:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Ngkon ilay Gubnul Herod bay mitsala meꞌ looy sabap hanggaw na ya pagka iya bay nohoꞌ si Yahiya sinungkuban sampay iningkotan boꞌ njīl. Kon na ilay bay nungkub sabap daran ya bay sinahawi meꞌ si Yahiya pasal kalaatan na bay ngagaw nda ariꞌ na si Pilip binuwat nda na. Awon danda looy siꞌ si Herodiyas.

Matiyu 14:3 ပူးပေါင်းရင်းမြစ်များ

Matiyu 11:2

Ni waktu looy siꞌ, kuwan si Yahiya ma Tukang Mandi, lay tajīl. Ndooy siꞌ, lay ya kaakahan pasal pabuwatan si Isa Almasi. Dari lay ya nohoꞌ mulit na kasohean pilay pa mman si Isa nohoꞌ nilaw.

Matiyu 14:6

Sugaꞌ meꞌ tuu silay bay kadari na. Pag taabut haliyan buwan man Gubnul Herod bay pinamaddihan, lay ya ballang mehe. Ni paballangan looy siꞌ, kuwan anak si Herodiyas ma budjang, lay ngiluk ni awpan Gubnul Herod ka ga bisita na. Dari siꞌ, ni kagāk Gubnul Herod ni ilukan na,

Matiyu 4:12

Song hallom, lay na baw taaka si Isa lay tasungkub si Yahiya ma Tukang Mandi sampay lay na tajīl. Dari lay na baw ya pabeleng pa Nasaret ndooy ni Jalil.

Malkus 6:14

Na yaꞌ gi siꞌ hallom, lay na baw kaakahan Gubnul Herod pasal si Isa batan song patanyag na pin awon na. Habal takka pa mman na, baꞌ-bāꞌ kasohean, “Iya na wapat si Yahiya ma Tukang Mandi llum na baw pabalik. Ilooy na silay kon na luu kawasa na mōꞌ pabuwatan kahaylan-haylan.”

Malkus 6:17

Ngkon ilay Gubnul Herod bay mitsala meꞌ looy sabapan ilooy ma bay pabuwat na ni si Yahiya. Batan iya bay nohoꞌ si Yahiya sinungkuban sampay iningkotan boꞌ njīl. Kon na ilay bay nungkub sabap bay ya sinahawi meꞌ si Yahiya pasal kalaatan na bay ngagaw nda si Pilip, yana si Herodiyas. Boꞌ si Pilip ilay yana ariꞌ Gubnul Herod mismu.

Malkus 6:19

Dari sabap si Yahiya bay halling meꞌ looy, tud maat atay si Herodiyas niiya sampay kainagon na nohoꞌ na ya pinapatoy. Sugaꞌ yaꞌ gi bay luu dapat na

Malkus 6:22

Pag-anu siꞌ, paasok na baw anak si Herodiyas budjang mayla ni awpan Gubnul Herod ka ga soheꞌ na ma bay ngaluruk. Boꞌ tud bay kasulutan sila sikamimon. Dari yuk Gubnul Herod ni budjang looy, “Maku jaꞌ ko oy-oy karomanan nu, basta dean ku jaꞌ sina kau.”

Malkus 8:15

Na sasang da masi ngalē, lay sila binandaan meꞌ si Isa, yuk na, “Paayad-ayad kam. Iyakinan bi pasulig siga Parisi ka Gubnul Herod.”

Lukas 13:1

Na ni waktu looy du siꞌ, luu na baw siga jama bay nuntutan si Isa pasal kasohean jama man Jalil bay sinohoꞌ pinapatoy meꞌ Gubnul Pilatu. Sila bay pinapatoy sasang da nongan kulban pa Tuhan.

Lukas 13:31

Pus si Isa mitsala meꞌ looy, luu na baw pasōng pa mman na siga Parisi, yuk da, “Lakka na ko mantuu batan Gubnul Herod ilay doman mapatoy kau.”

Lukas 23:11

Pag-anu siꞌ, inudjuꞌ na baw si Isa meꞌ Gubnul Herod ka ga sundalu na sampay lay gi ya binuwat kalabbiyan. Bbuwatan da lay mapatukan iya juba alatan bahasa inalak ya subay ga sultan. Pus meꞌ looy, lay na baw ya sinohoꞌ binoo pabeleng pa mman Gubnul Pilatu.

Lukas 23:7

Tampung da, “Ohoꞌ, Tuwan Gubnul.” Tasayu jaꞌ siꞌ meꞌ Gubnul Pilatu si Isa jama Jalil, lay na sohoꞌ na binoo pa mman Gubnul Herod hinukum batan Jalil ilay njawom sakup na. Sarī gi, luu gi du Gubnul Herod ni Jerusalem waktu looy.

Lukas 3:1

Na luu jaꞌ daka dangon taun bay pingkaꞌ, kuwan si Yahiya, yana anak si Jakariya, lay binuwanan meꞌ Tuhan umanat waktu na maglahat ndooy ni lahat lau-lau yaꞌ maglumaꞌ. Ilooy siꞌ bay magkadarihan meꞌ looy sasang si Tiberius panghuluꞌ sultan ni bangsa Rom luu na sapu-liman taun. Boꞌ ilooy na du silay masa man si Puntus Pilatu maggubnul ni Yahudiya. Si Herod Antipas pun, maggubnul du ndooy ni Jalil. Maka danganakan na si Pilip maggubnul du ndooy ni Ituriya ka Tarakuniti. Maka luu gi gubnul ni Abilin inawnan si Lisani. Lay du magsabtan ka jaman si Kayapas gantiꞌ si Annas binuwat panghuluꞌ imam.

Lukas 8:3

Maka luu gi bay mmeꞌ si Jowanna, yana nda si Kusa ma tukang magmalim ni astanaꞌ Gubnul Herod. Maka luu gi si Susana sampay meka gi karandahan bay du mmeꞌ. Sila ilay bay nganggastusan si Isa ka ga mulit na ka sīn da dī da.

Salsila siga Rasul 12:1

Na jaman looy siꞌ, Sultan Herod Agripa na baw nagnaꞌ ngalaugan kasohean ma mmeꞌ ni si Isa.

Salsila siga Rasul 4:27

“Dari batnaa Tuhan, tumatandaꞌ na ningkami, lay na du bana binakbul tunaꞌ looy siꞌ. Batan pag lahil tukang nalamat ma bay peneꞌ nu pa junyaꞌ, yana si Isa, sosohoan nu ma sutsiꞌ, lay du ya bana sinulang meꞌ Sultan Herod ka Gubnul Puntus Pilatu. Maka meka gi Yahudi sampay siga saꞌ Yahudi ni daira tuu lay du magtaayun nulang iya.