Matiyu 14:29 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁹ Tampung si Isa, “Tu na ko.” Pag-anu, duwai na si Pitel boꞌ na lumān taꞌ kuwit boheꞌ tiluꞌ pa mman si Isa.

Matiyu 14:29 ပူးပေါင်းရင်းမြစ်များ

Matiyu 14:28

Dari ilooy ma ngalingan na si Pitel, yuk na, “Tuwan, bong tud bana du kau na, sohoun doꞌ ku lumān taꞌ kuwit boheꞌ pa mman nu.”

Matiyu 14:30

Sugaꞌ pag ndaꞌ na landos baliyu, takkahan tawu du ya sampay tumallob na ya sambayan na killahap, yuk na, “Tuwan, tabangun ku!”

Matiyu 17:20

Tampung si Isa, “Sabap kulang pangando bi niyaku. Baan ta kam banahan, bong ina luu pangando bi san lasa bateheꞌ bigi mustard, minsan punu naa tahalin bi du bong sohoꞌ bi halin. Yaꞌ sina luu saꞌ tapabuwat bi bong tud luu du pangando bi niyaku.

Matiyu 21:21

Yuk si Isa, “Baan ta kam banahan, bong ina luu pangando bi pa Tuhan maka yaꞌ kam hawal-hawalan, tapabuwat bi du sina meꞌ ilooy ma bay pabuwat ku siꞌ ni poon igira looy. Maka san labi gi man ilooy siꞌ. Nduwan jaꞌ sina kam san gi sohoꞌ bi punu naa pungkad boꞌ na nohoꞌ ngahiyakan dī na pa dilawut.

Malkus 9:23

Yuk si Isa niiya, “Ongoy lay yuk nu, ‘bong siꞌ’ lagi? Yaꞌ bina luu tunmanūn basta ko pitsayaꞌ jaꞌ niyaku.”

Lukas 17:6

Yuk si Isa ninsila, “Bong siꞌ ina luu jaꞌ dangkitiꞌ pangando bi pa Tuhan, san lasa bateheꞌ-teheꞌ bigi mustard, takaya bi jaꞌ sina minsan pabuwatan tunmanūn pa manusiyaꞌ. San gi ina sohoꞌ bi poon kayu naa pungkad boꞌ nohoꞌ nanom dī na ni dilawut, mastiꞌ inasip jaꞌ du kam.”

Salsila siga Rasul 3:16

“Na lalla tuu itu, tasayu bi na du ndang yaꞌ ya bay kapalān lakka man kūn induꞌ na lagi. Pag batnaa, itu na ya bay inulian ni pag-awpan bi. Boꞌ poonan na baw itu siꞌ bay kaulian isu-isu man sabapan pangando kami ni si Isa ka ni kawasa awon na.”

Pilipi 4:13

batan man sabapan Papuꞌ Isa nganggaosan aku, yaꞌ luu saꞌ yaꞌ takaya ku.