Matiyu 14:19 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁹ Pag-anu siꞌ, lay sohoꞌ na ga baanan jama looy ningkōꞌ ni jataꞌ kuhun. Lay jaꞌ siꞌ sila ningkōꞌ, lay kaddoꞌ na tinapay looy sikalimam batang ka daying looy sikaduwa, boꞌ na pahangad pa taꞌ langit sambayan na muwan pagsukuhan pa Tuhan. Pag lupus, pinong-pōng na meꞌ na ga tinapay looy ka ga daying na, boꞌ lay songan na pa mman siga mulit na nohoꞌ ndean ga baanan jama looy.

Matiyu 14:19 ပူးပေါင်းရင်းမြစ်များ

Matiyu 14:18

Yuk si Isa ninsila, “Boonun bi pitu tinapay looy maka daying na.”

Malkus 6:39

Pag-anu siꞌ, lay na si Isa nohoꞌ ga mulit na nappuk-nappuk baanan ga jama ndooy, boꞌ nohoꞌ ningkōꞌ taꞌ kuhun.

Malkus 6:41

Pag-anu, lay na kaddoꞌ si Isa tinapay looy sikalimam batang ka daying looy sikaduwa, boꞌ na pahangad pa taꞌ langit sambayan na muwan pagsukuhan pa Tuhan. Pag lupus, pinong-pōng na meꞌ na ga tinapay looy ka ga daying looy boꞌ sinongan na pa mman siga mulit na nohoꞌ man makan ga baanan jama looy.

Malkus 7:34

Pus meꞌ looy, lay na baw pahangad si Isa taꞌ langit sambayan na ngahelaꞌ inansong na, boꞌ na halling, “Eppata.” (Hatiyan na, “Bukaꞌ na kam!”)

Lukas 22:17

Pag-anu siꞌ, lay si Isa ngaddoꞌ mbuwaꞌ sawan tubaꞌ anggul boꞌ pinagsukuhan pa Tuhan. Yuk na ni siga mulit na, “Atu, magsing-sīng kam nginum.

Lukas 22:19

Pag-anu, lay na baw ya ngaddoꞌ dambatang tinapay boꞌ pinagsukuhan pa Tuhan. Pag lupus, pinong-pōng meꞌ na boꞌ sinongan ni siga mulit na sambayan na halling, “Atu, ngaddoꞌ kam boꞌ kakanun bi. Ingatun bi ituu baran ku ma song pinaglillaꞌ kalnaꞌ kaam. Buwat kam tabiat meꞌ tuu bilang pangintoman bi niyaku.”

Lukas 24:30

Na pag tingkōꞌ da mangan, lay si Isa ngaddoꞌ tinapay boꞌ pinagsukuhan meꞌ na pa Tuhan. Pag lupus, pinong-pōng na baw meꞌ na boꞌ sinongan pa mman da.

Lukas 9:14

Kon da ilay siꞌ bay halling meꞌ looy batan eka ga lalla ndooy siꞌ, luu ga lima libu, sarī gi karandahan ka ga anak-anak. Sugaꞌ yuk si Isa ninsila, “Kumpohun bi jaꞌ sila ga lima-limampūꞌ njawom disu baanan nohoꞌ ningkōꞌ.”

Lukas 9:16

lay kaddoꞌ si Isa tinapay looy sikalimam batang ka daying looy sikaduwa, boꞌ na pahangad pa taꞌ langit sambayan na muwan pagsukuhan pa Tuhan. Pag lupus, lay pinong-pōng meꞌ na mimon boꞌ lay songan na pa mman siga mulit na nohoꞌ ndean ga baanan jama ndooy.

Yahiya 11:41

Dari siꞌ, lay na du lakkahan da batu looy. Pag-anu, lay si Isa pahangad sambayan na halling, “Ū Maꞌ, magsuku lay ku duwan nu.

Yahiya 6:23

Pag-anu siꞌ, luu na baw siga kumpit takka man Tiberias lay parungguꞌ tapit pa lahat looy man da bay mangan tinapay ma bay pinagsukuhan meꞌ Papuꞌ Isa.

Salsila siga Rasul 27:35

Paddus si Pol mitsala meꞌ looy, lay ya ngaddoꞌ tinapay boꞌ na pinagsukuhan pa Tuhan ni pag-awpan da sikamimon. Pag-anu, lay na ya nabbeꞌ, boꞌ na mangan.

Suwat si Pol pa mman Baanan Sukuꞌ si Isa ndooy ni Rom 14:6

San ina siga pagkahi ta magsitingka llaw atawa niyaꞌ, saliꞌ-saliꞌ du maksud da maehe Tuhan. Damikiyan, sagannap ma yaꞌ ngaharam kasohean lawuk sampay ma ngaharam, saliꞌ-saliꞌ du maksud da maehe Tuhan. Maka saliꞌ-saliꞌ du sila muwan pagsukuhan pa Tuhan ni lawuk da.

1 Korin 10:16

Katoonan bi na du, tuktuk tabi nginum tubaꞌ anggul bilang pangintoman ni lahaꞌ Almasi, mangaku kitabi tibuuk ka iya. Maka muwan tabi pagsukuhan pa Tuhan. Damikiyan, tuktuk tabi mangan tinapay ma pinong-pōng meꞌ tabi, mangaku du kitabi dambuwaꞌ baran ka iya.

1 Korin 10:31

Sugaꞌ ituu baw meꞌ ku ka jama ma mitsala meꞌ looy: Oy-oy kakan bi ka inum bi atawa oy-oy pabuwat bi, subay kaboo kabantugan pa Tuhan maksud bi.

1 Korin 11:24

boꞌ pinagsukuhan pa Tuhan. Pag lupus, pinong-pōng meꞌ na, boꞌ na halling, “Ingatun bi tinapay tuu yana baran ku ma song paglillaꞌ ku kalnaꞌ kaam. Buwat kam tabiat meꞌ tuu bilang pangintoman bi niyaku.”

Kolossa 3:17

Meꞌ kaam ina wakil Papuꞌ Isa, mimon bitsala bi ka pabuwatan bi subay magbēꞌ ka ntan bi. Maka subay kam wā magsuku ni Mmaꞌ tabi Tuhan sabapan mimon bay pabuwat si Isa ningkaam.