Matiyu 13:51 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵¹ Pag-anu siꞌ, tinilaw na baw meꞌ si Isa ga mulit na, yuk na, “Tahati bi kilay siꞌ sikamimon bay halling ku?” Tampung da, “Ohoꞌ, Tuwan.”

Matiyu 13:51 ပူးပေါင်းရင်းမြစ်များ

Matiyu 13:11

Tampung si Isa, “Kon meꞌ looy sabap pangahati pasal pamarinta Tuhan ma yaꞌ gi bay lahil maruhuꞌ, ndean na ningkaam, saꞌ ninsila.

Matiyu 13:19

Bani looy ilay siꞌ yana umanat Tuhan pinasaplag. Kuwan tanaꞌ ni tangngaꞌ lān man bani looy bay tumiluꞌ, tuwaꞌ pa sagannap ma bay kale umanat Tuhan sugaꞌ yaꞌ tahati da. Dari takka du Ibilis boꞌ na ngandagmit umanat looy man jawom atay da.

Matiyu 13:50

Kuwan ma maat, hiniyakan na meꞌ malaikat pa jawom api nalkaꞌ. Maka ndooy na sila mag-ulawi sampay magkattop naggaan paddi.”

Matiyu 13:52

Pag-anu, yuk si Isa, “Soysoy ina guru lahal ni kitab kanabi-nabihan, boꞌ isbat na lagi tōꞌ ku pasal pamarinta Tuhan, sibuꞌ du ya ka jama dayahan. Bila ya magnasihat, dansusun du ya ka jama makitahan siga pagkahi na altaꞌ na ma bahau ka altaꞌ na man maruhuꞌ-ruhuꞌ lagi.”

Matiyu 15:17

Yaꞌ kina tahati bi oy-oy inisi pa jawom behe jama yaꞌ katamak niiya? Batan inaa du katiluan na battong, boꞌ na pōꞌ du man jawom baran.

Matiyu 16:11

Tud jayip ku yaꞌ san bay tahati bi saꞌ tinapay bay awnan ku ni bay halling ku nsiniꞌ, ‘Iyakin kam ni pasulig siga Parisi ka ga Saddusi.’ ”

Matiyu 24:15

Maka yuk si Isa, “Ni sinōng, luu sina takita bi ilooy ma kabinasa ma tud sinukang meꞌ Tuhan pinatangge ni langga sutsiꞌ. Ilooy ilay siꞌ ndang bay tinunaꞌ meꞌ Nabi Danyel njawom kitab mattoꞌ. (Soysoy matsa tunaꞌ looy, pahamun bi paayad.)

Malkus 4:34

Tuktuk na noan sila, wā ya ngandalil. Sugaꞌ pag taabut sila-sila sa ka ga mulit na, lay du passaꞌ na kamaatunan siga dalil looy labbasakayi.

Malkus 7:18

Yuk si Isa ninsila, “Hati, sampay kaam, yaꞌ gi du kina kam kahati? Subay siꞌ tahati bi na, oy-oy kakan jama, yaꞌ du luu katamak ninsila pa Tuhan

1 Yahiya 5:20

Damikiyan, katoonan tabi na du luu na bay pitu Anak Tuhan pa junyaꞌ. Maka lay na ya muwanan kitabi pangahati supaya dari na kitabi lungbid ka Tuhan sabanna. Pag batnaa tibuuk na kitabi ka Tuhan sabanna sabap meꞌ tabi tibuuk na ka Anak na si Isa Almasi. Iya ina Tuhan sabanna maka poonan kasampulnaan nyawa ma yaꞌ luu katapusan na.