Matiyu 13:19 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁹ Bani looy ilay siꞌ yana umanat Tuhan pinasaplag. Kuwan tanaꞌ ni tangngaꞌ lān man bani looy bay tumiluꞌ, tuwaꞌ pa sagannap ma bay kale umanat Tuhan sugaꞌ yaꞌ tahati da. Dari takka du Ibilis boꞌ na ngandagmit umanat looy man jawom atay da.

Matiyu 13:19 ပူးပေါင်းရင်းမြစ်များ

Matiyu 12:26

Belsibul pun ina, bong ya mapōꞌ pagkahi na seytan, sibuꞌ du ya ka naggaꞌ dī na. Dari yaꞌ du sina natas parinta na.

Matiyu 13:20

“Kuwan tanaꞌ looy ma njawom kabatuhan man bani looy bay tumiluꞌ, tuwaꞌ pa sagannap ma bay kale umanat Tuhan sampay magti pitsayaꞌ ni kagāk da.

Matiyu 13:38

Huma looy yana junyaꞌ tuu. Siga bani ma mahap, yana sukuꞌ Tuhan njawom pamarinta na. Kuwan lumput looy, yana jama ma sukuꞌ Ibilis.

Matiyu 4:23

Lakka mandooy siꞌ, lay na baw ga si Isa ngalataan Jalil magnasihat ni kalangga-langgahan ndooy sampay masaplag umanat mahap pasal pamarinta Tuhan. Maka san gi oy jinis saki jama, lay du inulian meꞌ na.

Matiyu 5:37

Sangkon, ddong na kam napa. Bong kam bay halling, ‘Ohoꞌ,’ saddong ohoꞌ jaꞌ. Atawa bong kam bay halling, ‘Niyaꞌ,’ saddong niyaꞌ jaꞌ. Batan bong sambungan bi lagi ka sapa, malaingkan tumatandaꞌ lay jaꞌ kam takoleꞌ ndupang meꞌ Ibilis.

Malkus 4:15

Kuwan tanaꞌ ni tangngaꞌ lān man bani looy bay tumiluꞌ, tuwaꞌ pa sagannap ma bay kale umanat Tuhan, sugaꞌ magti ndagmit meꞌ Ibilis man jawom atay da.

Lukas 10:9

Maka bong luu ndooy sakihan, ulian bi, boꞌ baan bi, ‘Luu na pamarinta Tuhan tapit mman bi.’

Lukas 9:2

Pus meꞌ looy, lay na sila sinohoꞌ ngalataan lahat masaplag umanat mahap pasal pamarinta Tuhan sampay nohoꞌ ngulian jama ma sakihan.

Yahiya 18:38

Yuk Gubnul Pilatu, “Oy doꞌ itu kabanahan?” Pus na halling meꞌ looy, lay na baw ya pōꞌ balik pa mman siga Yahudi ndooy, yuk na, “Yaꞌ bilay la luu tatammu ku kasaan na.

Yahiya 8:43

Tud yaꞌ bitu tahati bi bitsala ku batan yaꞌ tatimaꞌ bi tōꞌ ku.

Salsila siga Rasul 17:32

Na pag takale da bitsala si Pol hāl jama matoy pinakallum, kuwan kasohean, ngaludjum lagi. Boꞌ kasohean baw, yuk da, “Bong siꞌ luu gi dapat, doman gi kami la pakale ningkau pabalik.”

Salsila siga Rasul 18:15

Sugaꞌ bong ya du sat palkalaꞌ pasal kabtangan ka ga awon jama sampay saraꞌ agama bi, kaam na jaꞌ ba nalassay. Yaꞌ na ku doman palamud ngahukum bong sat hāl meꞌ naa.”

Salsila siga Rasul 20:25

“Siga danganakan, kahapan lay na talataan ku lahat bi masaplagan kaam sikamimon pasal pamarinta Tuhan. Sugaꞌ batnaa, katoonan ku na ituu sa katapusan bi ngita aku.

Salsila siga Rasul 28:23

Dari lay na baw sila isun bong llaw oy tanam man da pakale ni bitsala si Pol. Na taabut llaw looy, meka na lay pilay pa lumaꞌ man si Pol. Pag-anu siꞌ, lay na sila pahatiyan si Pol kabanahan pasal pamarinta Tuhan. Boꞌ na, lay gi ya mōꞌ buktiꞌ man jawom saraꞌ Nabi Musa ka kitab kanabi-nabihan inaa si Isa yana tukang nalamat ma bay njanjiꞌ meꞌ Tuhan. Boꞌ tud bay pinagtuyuan bana meꞌ si Pol mitsalahan sila labba man sayu ngabut sampay sangom bong pin sila pitsayaꞌ jaꞌ ni si Isa.

Suwat si Pol pa mman Baanan Sukuꞌ si Isa ndooy ni Rom 1:28

Pagka bistahan da yaꞌ luu pūs na bong kita ngisbat Tuhan, pinabiya na sina sila meꞌ Tuhan pinagmundaan meꞌ pamiki bingkok buwat kajinisan ma yaꞌ pataꞌ pinabuwat.

Suwat si Pol pa mman Baanan Sukuꞌ si Isa ndooy ni Rom 14:17

Kamasaꞌ ni sabana na, bong hāl meꞌ nginum-mangan, yaꞌ du sina luu kabigiꞌ-bigian na ni pamarinta Tuhan. Ilooy ya hagaan ni pamarinta na yana kaintongan, kasalassayan ka kagakan njawom atay tabi lakka man Rū Sutsiꞌ.

Suwat si Pol pa mman Baanan Sukuꞌ si Isa ndooy ni Rom 2:8

Sugaꞌ luu baw sina kasohean ngulihal pa kaayaran ni dī da sadjaꞌ. Boꞌ nuwak gi sila kabanahan. Pagka doman jaꞌ sila pabingkok, mastiꞌ kalabuan jaꞌ sina sila mulkaꞌ Tuhan ni kaehe duga na ninsila.

Epesus 3:8

Sabana na, ni mimon sukuꞌ Tuhan, aku ya labi yaꞌ tawop inawnan sukuꞌ na. Lipara, lay gi baw ku tapeneꞌ nohoꞌ masaplag ni siga bangsa saꞌ Yahudi pasal siga supaat mehe saꞌ taangan-angan ma takoleꞌ da bong sila tibuuk na ka Almasi.

2 Tesaloneka 2:12

Pag toklas na, kalabuan na sina sila hukuman ma hinalliꞌ ni mimon ma yaꞌ pitsayaꞌ ni kabanahan ka tigiꞌ buwat kalaatan.

Hibrani 2:1

Na pagka meꞌ looy na ehe hagaꞌ Anak Tuhan, subay kanna tabi umanat na, taggahaꞌ lay na baw mintu kitabi patā man kabanahan.

1 Yahiya 3:12

Daa na kitabi mmeꞌ meꞌ uwahan jaman si Kain. Iya ilay sukuꞌ Ibilis, boꞌ tumatandaꞌ du ni buwatan na bay mapatoy ariꞌ na si Habil. Kon na ilay bay buwat meꞌ looy sabap nabiat ya buwat kalaatan, boꞌ dugahan ya ni ariꞌ na buwat kaintongan.

1 Yahiya 5:18

Na kitabi itu, katoonan tabi na sikamimon jama ma bay dari anak Tuhan, patagong na sila buwat dusa batan luu na pin Anak Tuhan nganggaosan sila buwat kaintongan. Sangkon yaꞌ na sila tumandiyoꞌ meꞌ Ibilis.

1 Yahiya 5:20

Damikiyan, katoonan tabi na du luu na bay pitu Anak Tuhan pa junyaꞌ. Maka lay na ya muwanan kitabi pangahati supaya dari na kitabi lungbid ka Tuhan sabanna. Pag batnaa tibuuk na kitabi ka Tuhan sabanna sabap meꞌ tabi tibuuk na ka Anak na si Isa Almasi. Iya ina Tuhan sabanna maka poonan kasampulnaan nyawa ma yaꞌ luu katapusan na.