Matiyu 13:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹¹ Tampung si Isa, “Kon meꞌ looy sabap pangahati pasal pamarinta Tuhan ma yaꞌ gi bay lahil maruhuꞌ, ndean na ningkaam, saꞌ ninsila.

Matiyu 13:11 ပူးပေါင်းရင်းမြစ်များ

Matiyu 13:10

Pag-anu siꞌ, pasōng na baw pa mman si Isa siga mulit na nilaw, yuk da, “Tuwan, ongoy ko lay la ngandalil man nu noan sila?”

Matiyu 16:17

Yuk si Isa niiya, “Saymon, anak si Yahiya, sinupaatan ko batan pangahati nu pasal aku lay na pinalahil ningkau meꞌ Mmaꞌ ku ni sulgaꞌ, saꞌ man kapandoyan manusiyaꞌ.

Matiyu 19:11

Tampung si Isa, “Yaꞌ baw bina sikamimon jama katatas yaꞌ sitampu. Kamasaꞌ luu du baw ina jama ma bay binuwanan meꞌ Tuhan gaos man da gāk san yaꞌ luu soheꞌ da sitampu.

Matiyu 20:23

Yuk si Isa, “Bana sina, takissa bi du mintu kabinsanaan meꞌ karuha ilooy mintu ma sinōng meꞌ ku. Sugaꞌ bong baw hāl meꞌ meneꞌ bong soy ningkōꞌ ni kawnan ku ka kayli ku marinta, saꞌ inaa sukuꞌ ku. Siga paningkoan looy ilay ndang lay na hinalliꞌ meꞌ Mmaꞌ ku para ni jama ma karomanan na pinatingkōꞌ ndooy.”

Malkus 10:40

Sugaꞌ bong baw hāl meꞌ meneꞌ bong soy ningkōꞌ ni kawnan ku ka kayli ku marinta, saꞌ inaa sukuꞌ ku. Ndang lay na silay ginantaꞌ meꞌ Mmaꞌ ku bong soy pinatingkōꞌ ndooy.”

Malkus 4:11

Yuk si Isa ninsila, “Ohoꞌ, baan ta sa kam, batan ndang bay sina sinukuꞌ ningkaam pinahatiyan hāl pamarinta Tuhan ma yaꞌ gi bay lahil maruhuꞌ. Sugaꞌ bong ni siga jama sarī ma yaꞌ pitsayaꞌ niyaku, ngandalil jaꞌ ku man ku noan sila.

Lukas 8:10

Pag tampung si Isa, “Kaam, siga mulit ku, ndang sinukuꞌ sina ningkaam pinahatiyan hāl pamarinta Tuhan ma yaꞌ gi bay lahil maruhuꞌ. Sugaꞌ bong ni siga jama sarī ma yaꞌ pitsayaꞌ niyaku, ngkod ngandalil jaꞌ ku man ku noan sila. Kon ku buwat meꞌ looy supaya san sila ngita, sibuꞌ du sila ka yaꞌ ngita. Maka san sila kale, yaꞌ du sila kahati.

Yahiya 6:65

Ilooy silay siꞌ man na bay māꞌ yaꞌ luu kapa-mmeꞌ niiya bong sila yaꞌ bay lliyun meꞌ Mmaꞌ na.

Yahiya 7:17

Soysoy ina doman mean kahandak Tuhan, malaingkan tasilang na jaꞌ bong tōꞌ ku tud lakka man Tuhan atawa lakka man dī ku sadjaꞌ.

Salsila siga Rasul 16:14

Yaꞌ gi siꞌ hallom, lay na si Pol masampayan sila umanat mahap pasal si Isa. Kuwan ilooy siꞌ disu ma pakale niiya, yana si Lidiya, danda man daira Tatira. Iya ilay tukang dagang kakanaꞌ tawuk ma hagaan. Ndang lay na silay ya mmeꞌ ni agama Yahudi sampay ngisbat Tuhan. Pag-anu, sasang na pakale ni si Pol, lay na bukaꞌ Tuhan puad na sampay lay na ya pitsayaꞌ ni si Isa.

Suwat si Pol pa mman Baanan Sukuꞌ si Isa ndooy ni Rom 11:25

Na siga danganakan, supaya kam yaꞌ ngabbu saula-ula patingkat kam man siga Yahudi, bakkasan ta na kam disu kabanahan ma yaꞌ gi bay tahati maruhuꞌ. Minsan kaekahan Yahudi tohas kōk da yaꞌ kuhi pitsayaꞌ, ndang ilooy silay gantaan ninsila ngkod-ngkoran yaꞌ gi tatuman garaꞌ Tuhan matabeꞌ kabangsa-bangsahan saꞌ Yahudi ni sukuꞌ na.

Suwat si Pol pa mman Baanan Sukuꞌ si Isa ndooy ni Rom 16:25

Na katapusan bitsala ku, pudji tabi Tuhan. Iya ina nganggaosan kaam mari kam yaꞌ usik man umanat ma bay tinōꞌ ningkaam. Umanat ma awnan ku yana umanat mahap pasal si Isa Almasi ma pinasaplag meꞌ ku. Umanat mahap itu, ndang luu na njawom siga suwat kanabi-nabihan, sat na jaꞌ yaꞌ gi bay tumampak kamaatunan na.

1 Korin 13:2

Damikiyan, san sawpama kita lay kaladjikian masampay siga umanat Tuhan, boꞌ katoonan ta lagi mimon ilmuꞌ ma yaꞌ gi bay pinalahil ni manusiyaꞌ, bong yaꞌ du luu aseꞌ ta ni jama, yaꞌ du luu pūs ta. Damikiyan, san sawpama yaꞌ luu kulang pangahati ta ni mimon-mimon, boꞌ sukup lagi pangando ta pa Tuhan sampay takaya ta nohoꞌ punu paenseg, bong yaꞌ du luu aseꞌ ta ni jama, yaꞌ du luu pūs ta.

1 Korin 15:51

Batnaa baan ta doꞌ kam hāl ma yaꞌ gi bay pinalahil meꞌ Tuhan maruhuꞌ. Ni katakka Almasi ina bbos-bbos, kasohean sukuꞌ na yaꞌ gi bay matoy, sugaꞌ mimon kitabi, ma llum ma matoy, pinabahauwan na.

1 Korin 2:14

Sugaꞌ sagannap ma yaꞌ pitsayaꞌ ni Almasi, yaꞌ sila doman pakale ni tōꞌ lakka man Rū Sutsiꞌ sabap kaawran sila kahati. Bong ninsila, karupangan jaꞌ. Yaꞌ tahati da hāl Tuhan sabap yaꞌ luu Rū na njawom atay da muwanan sila pangahati.

1 Korin 2:7

Arapun tōꞌ ma awnan ku itu yana pasal lawom akka Tuhan ka garaꞌ na ma yaꞌ gi bay pinalahil maruhuꞌ. Yaꞌ gi luu junyaꞌ, ndang luu na garaꞌ Tuhan matabeꞌ kitabi ni kabantugan na.

1 Korin 4:1

Dari meꞌ halling sambat ku na siꞌ, kuwan kami ma noan kaam, subay ingatun bi saliꞌ-saliꞌ du kami sosohoan Almasi sadjaꞌ. Maka saliꞌ-saliꞌ du kami bay sinukuan meꞌ Tuhan nohoꞌ masampay kabanahan ma yaꞌ gi bay tumampak kamaatunan na maruhuꞌ.

1 Korin 4:7

Kaam ina nnaa ma tigiꞌ nilang jama, kanna bi mareꞌ luu kam patingkat man pagkahi bi. Tilaw ta teꞌ kam, luu kina kapandoyan bi ma saꞌ lakka man Tuhan? Na pagka yaꞌ luu, ongoy taggahaꞌ subay na pin kam ngabbu saula-ula kapandoyan bi lakka man dī bi?

Epesus 1:18

Maka pakuhan ta na pin kam duwaa, kamura-murahan binuwanan du kam meꞌ Tuhan pangahati supaya tasayu bi na bong oy taholat bi pagka lay na kam lliyun pa jawom okoman na. Maka kamura-murahan pinalahil du ningkaam siga supaat hagaan saꞌ alang-alang ma bay hinalliꞌ meꞌ Tuhan ni sukuꞌ na.

Epesus 1:9

Boꞌ garaꞌ na ilay, ndang bay ginantaꞌ pinajatu njataꞌ si Isa Almasi, batan ndang inaa nulut ni kahandak na. Kamaatunan garaꞌ na ilay yaꞌ gi bay tasayu meꞌ manusiyaꞌ maruhuꞌ. Sakayi na pinalahil noy ningkitabi na ni timpu batnaa.

Epesus 5:32

Na suwat looy ilay siꞌ, luu gi kamaatunan na lawom ma yaꞌ gi bay kinatoonan maruhuꞌ. Batan ilooy ilay tuwaꞌ du pa Almasi ka kitabi sikamimon ma pitsayaꞌ niiya, batan tibuuk na kitabi ka iya meꞌ karuha jama sitampu.

Epesus 6:19

Damikiyan aku pun, pakuhan bi du baw ku duwaa supaya ku binuwanan meꞌ Tuhan bitsala hantap bila ku magnasihat. Maka pakuhan bi ku duwaa supaya ku tawakka masaplag umanat mahap ma yaꞌ gi bay kinatoonan meꞌ jama maruhuꞌ.

Kolossa 2:2

Kon ku magtuyuꞌ supaya pataggu na pin iman bi maka supaya kam wā dambuwaꞌ atay ka tattap sikaaseꞌ-kaaseꞌ. Kainagon ku sukup na pangahati bi ni garaꞌ Tuhan ma yaꞌ gi bay tumampak ni siga angkat-angkatan maruhuꞌ, yana garaꞌ na pasal Almasi.

1 Timuti 3:16

Kabanahan ina ma kinapitsayaan meꞌ tabi, yaꞌ tapakilubaan, boꞌ tud kahaylan-haylan. Maruhuꞌ yaꞌ gi bay tahati meꞌ manusiyaꞌ. Pag batnaa, lay na pinalahil meꞌ Tuhan ningkitabi. Meꞌ tuu situ karuha na: Almasi ina bay dari manusiyaꞌ ntuu ni junyaꞌ. Maka iya ilay, luu na pin Rū Sutsiꞌ bay mōꞌ buktiꞌ bong soy ya. Boꞌ lay gi ya tinammuhan meꞌ siga malaikat. Awon na lay na pinasaplag pa kabangsa-bangsahan. Maka kinapitsayaan na ya meꞌ manusiyaꞌ ni sikaliput junyaꞌ. Boꞌ lay gi ya inangkat pa sulgaꞌ njawom kabantugan mehe.

1 Timuti 3:9

Subay sila tattap pitsayaꞌ ni kabanahan ma bay pinalahil meꞌ Tuhan ningkitabi. Maka subay sila yaꞌ buwat oy maka oy na ma nulang ni honaꞌ-honaꞌ da.

Yaꞌkub 1:5

Bong luu ni baanan bi kulang pangahati, maku jaꞌ kam pa Tuhan. Kabuwanan jaꞌ sina kam batan Tuhan ina gāk nabangan mimon jama ma maku niiya. Boꞌ yaꞌ sina luu loog-loog atay na bong kitabi maku.

1 Yahiya 2:20

Sugaꞌ kaam ina yaꞌ sibuꞌ ka sila. Lay na kam pinaasokan Rū Sutsiꞌ ma tattap muwanan kaam pangahati. Sangkon katoonan bi na kabanahan.

1 Yahiya 2:27

Boꞌ ni sabana na, san sina kam yaꞌ na pinagpandoyan meꞌ soy maka soy na. Ndang-ndang lay na du kam bay pinaasokan Rū Sutsiꞌ meꞌ Almasi. Rū Sutsiꞌ ina tattog njawom atay bi. Maka iya magpandoyan kaam ni oy-oy ma talpaksaꞌ subay katoonan bi. Boꞌ na, oy-oy jaꞌ ina pamāꞌ na ningkaam bana jaꞌ, yaꞌ sina luu palsu. Sangkon bean bi jaꞌ suwara na mari yaꞌ maglumba meꞌ bi lungbid ka Almasi.