Matiyu 12:46 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴⁶ Sasang si Isa masi na pin mitsala ni jama njawom disu lumaꞌ, takka na baw nneꞌ na ka ga danganakan na. Ngagad na pin sila ni poan batan doman sila magbitsala ka iya.

Matiyu 12:46 ပူးပေါင်းရင်းမြစ်များ

Matiyu 1:18

Na si Isa Almasi ilay bay pinamaddihan, meꞌ tuu karuha na. Nneꞌ na, yana si Mariyam, lay sipagtunang ka si Yusup. Sugaꞌ niyaꞌ gi san sila bay takawin, ndang lay na ya battong man kawasa Rū Sutsiꞌ.

Matiyu 12:47

Dari luu bay maan si Isa, yuk na, “Tuwan, alay la nneꞌ nu ka ga danganakan nu nangge ni poan. Doman konoꞌ sila magbitsala ka kau.”

Matiyu 13:55

Iya bina anak tukang kayu looy sadjaꞌ maka katoonan tabi du nneꞌ na si Mariyam maka siga danganakan na si Yaꞌkub, si Yusup, si Saymon maka si Judas.

Matiyu 2:11

Pag-anu, lay na sila paasok pa jawom lumaꞌ looy. Pag takita da jaꞌ siꞌ anak-anak looy maka nneꞌ na si Mariyam, lay na sila sujud sampay numba anak-anak looy. Pag lupus, inungkad na meꞌ da bay boonan da barang hagaan, boꞌ lay pinamuwan anak-anak looy. Ga barang looy siꞌ yana mmas, bbūg ka insallan hamut inawnan mira.

Matiyu 2:20

Yuk malaikat looy, “Bangun na ko! Boonun na anak-anak naa maka nneꞌ na pabeleng pa Israil, batan lay na matoy jama looy ma bay doman mapatoy anak-anak naa.”

Malkus 2:21

Pag-anu, lay na baw si Isa ngandalil pasal tōꞌ na yaꞌ dari llamuran ka tōꞌ agama Yahudi, yuk na, “Yaꞌ sina luu jama nupakan badjuꞌ daan ka kakanaꞌ bahau, batan pag ina mintu pakallos tupak na, paehe jaꞌ geseꞌ na.

Malkus 6:3

Tukang kayu jaꞌ bina ya. Saꞌ ba, anak si Mariyam ya? Maka saꞌ ba, danganakan na yana ga si Yaꞌkub, si Joses, si Judas ka si Saymon? Sampay ga danganakan na ma danda, dambuwaꞌ du tabi lahat.” Dari yaꞌ sila kuhi pitsayaꞌ niiya.

Lukas 1:43

Jama oy doꞌ tu meꞌ aku taggahaꞌ luu na ga nneꞌ Papuꞌ ku takka pitu pa mman ku?

Lukas 2:33

Pag takale meꞌ siga induꞌ-mmaꞌ si Isa bay bitsala si Simiyun pasal anak da, tud bay inu-inu sila.

Lukas 2:34

Pus meꞌ looy, lay doꞌ sila pakuhan si Simiyun supaat. Maka yuk na ni si Mariyam, “Gantaan man Tuhan, sabapan anak-anak tuu, meka sina mintu bangsa Israil binasa sabap meꞌ da yaꞌ pitsayaꞌ niiya. Sugaꞌ meka du baw sina salamat man sabapan na du. Iya ina mintu yana padduman ma magmundaan manusiyaꞌ pa Tuhan. Salla na, meka jama nuwak iya.

Lukas 2:48

Pag takita jaꞌ siꞌ ya meꞌ ga induꞌ-mmaꞌ na, tud bay jayip sila ngita iya lay pasakot ni baanan guru. Pag tilaw nneꞌ na, “Ongoy doꞌ tu Toꞌ meꞌ tuu meꞌ nu bay buwat induꞌ-mmaꞌ nu? Lataꞌ na man kami bay miha kau ni kagawa kami!”

Lukas 2:51

Pag-anu siꞌ, lay na ya mmeꞌ ni induꞌ-mmaꞌ na moleꞌ pa Nasaret. Halloman na njawman da, mmeꞌ jaꞌ ya ni kahandak da. Na mimon bay kadarihan na siꞌ yaꞌ na lakka-lakka man jawom atay nneꞌ na.

Lukas 8:10

Pag tampung si Isa, “Kaam, siga mulit ku, ndang sinukuꞌ sina ningkaam pinahatiyan hāl pamarinta Tuhan ma yaꞌ gi bay lahil maruhuꞌ. Sugaꞌ bong ni siga jama sarī ma yaꞌ pitsayaꞌ niyaku, ngkod ngandalil jaꞌ ku man ku noan sila. Kon ku buwat meꞌ looy supaya san sila ngita, sibuꞌ du sila ka yaꞌ ngita. Maka san sila kale, yaꞌ du sila kahati.

Yahiya 19:25

Na ndooy siꞌ ni bihing tehang man si Isa bay llansang, luu nangge baanan karandahan, yana nneꞌ si Isa ka danganakan nneꞌ na ka si Mariyam yana nda si Klopas maka si Mariyam man Magdala.

Yahiya 2:1

Pag lay jaꞌ pingkaꞌ duwa ngallaw, luu na baw ngawin ni kawum inawnan Kana ndooy ni Jalil. Nneꞌ si Isa pun luu du ndooy.

Yahiya 2:12

Paddus meꞌ looy siꞌ, lay na baw ga si Isa palūd pa Kapelniyum ka ga nneꞌ na, ga danganakan na ma lalla sampay ga mulit na. Pag-anu siꞌ, lay doꞌ sila pahantiꞌ ndooy daka dangoy ngallaw du.

Yahiya 2:5

Pag-anu siꞌ, yuk nneꞌ na ni siga tukang motang ndooy, “Bong ya nohoꞌ kaam, asipun bi jaꞌ, ha?”

Yahiya 7:10

Sugaꞌ pus ga danganakan na bay palakka, lay du ya bay patuhut dangan-dangan na pa paballangan looy mari yaꞌ tasayu jama.

Yahiya 7:3

Dari kuwan siga danganakan si Isa, buwatan da nohoꞌ iya mmeꞌ, yuk da, “Daa doꞌ ko ba hangat ni lahat tuu na jaꞌ. Gam na ko pa Yahudiya supaya takita na du pabuwatan nu meꞌ siga mulit nu kasohean ndooy.

Yahiya 7:5

Na sila ilay siꞌ bay mitsala meꞌ looy man da bay madiyoꞌ iya batan yaꞌ sila pitsayaꞌ niiya san sila danganakan na.

Salsila siga Rasul 1:14

Sila ilay ndang daran kumpo-kumpo ndooy maku duwaa. Maka luu gi kasohean danda sampay na si Mariyam, yana nneꞌ si Isa, ka siga siyali si Isa ma lalla daran du mmeꞌ ninsila maku duwaa.

1 Korin 9:5

Maka saꞌ ba, luu du kapatut kami handa ni danda ma pitsayaꞌ ni si Isa sampay moo nda kami padisu-padisu lahat? San baw ga si Pitel ka siga rasul si Isa kasohean sampay siga danganakan si Isa moo nda da du. Boꞌ na, sapatut na, siga nda da pun subay du binalanjaan meꞌ siga jamaa.

Galatiya 1:19

Boꞌ sasang ku ilay siꞌ ndooy, yaꞌ san ku bay sitammu ka siga rasul si Isa kasohean sarī man si Yaꞌkub, yana danganakan Papuꞌ Isa.