Matiyu 12:45 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴⁵ Dari magti seytan looy ngaddoꞌ siga pagkahi na pituꞌ seytan maat gi man iya, boꞌ boo na balik pa bay limpaꞌ na maglumaꞌ. Pag toklas na, jama looy ma bay sineytan, malasahi gi man sibuwa. Bong nnaꞌ ta pa jama ni angkat-angkatan batnaa, tud malasahi sina mintu sila sabap yaꞌ sila bay kuhi pitsayaꞌ ni kabanahan.”

Matiyu 12:45 ပူးပေါင်းရင်းမြစ်များ

Matiyu 12:24

Pag takale siga Parisi bitsala ga jama looy, yuk da, “Ē, kon na bina kapōꞌ seytan man jawom baran jama batan bay ya binuwanan kawasa meꞌ Belsibul, panghuluꞌ siga seytan.”

Matiyu 12:44

honaꞌ-honaꞌ na, gam na ya pabeleng pa bay limpaꞌ na njawom baran jama looy. Dari pag takka na, takita na na jama looy meꞌ sapantun lumaꞌ lassa, bay na pinatimmos boꞌ yaꞌ lagi magjama.

Matiyu 17:21

Sugaꞌ jinis seytan meꞌ looy ilay, yaꞌ tapōꞌ meꞌ bi bong kam yaꞌ doꞌ duhuꞌ maku duwaa maka puwasa.”

Matiyu 23:15

“Siya-siya kam, siga guru saraꞌ agama ka ga Parisi! Magbawuꞌ-bawuꞌ jaꞌ kam sutsiꞌ. Padile padilawut na kam maglanan bong pin kam nammu jaꞌ san lasa disu jama binuwat mulit bi. Pag lay jaꞌ kam nammu, sabapan tōꞌ bi, magdaruhun gi kalaatan na. Pag toklas na, mangkin na ya pataꞌ pinidjalaꞌ ni nalkaꞌ labi gi man kaam.

Matiyu 23:24

Kaam ina subay ga pa-mmean buta nondaꞌ jama buta. Magtuyuꞌ baw kam mean siga aturan ma yaꞌ puntukan. Sugaꞌ bong panohoan ma hagaan, yaꞌ san paruli bi. Kaam ina, tigiꞌ baw kam ngalakkahan taliyaw man jawom inuman bi, sugaꞌ nallon baw kam untaꞌ katibuukan na.

Malkus 16:9

Na si Isa siꞌ tu bay llum balik, tuwaꞌ ni llaw Ahad subu alab lagi. Pag-anu, duhuꞌ bay tammuhan na yana si Mariyam man Magdala. Iya na silay bay pingkaꞌ luu seytan na pituꞌ bay llakkahan meꞌ si Isa.

Malkus 5:9

Tilaw si Isa niiya, “Soy ina awon nu?” Pag tampung seytan looy, “Aku tu si Libuhan, batan biddaꞌ na situ eka kami njawom lalla tuu.”

Lukas 11:26

Dari magti sina seytan looy ngaddoꞌ siga pagkahi na pituꞌ seytan maat gi man iya, boꞌ boo na pa bay limpaꞌ na maglumaꞌ. Pag toklas na ina, jama looy ma bay sineytan, malasahi gi man sibuwa.”

Epesus 6:12

Banta ta ina saꞌ manusiyaꞌ, arapun siga seytan ni antalaan ma moo-moo jama buwat maat. Sila ilay ngantanan kawasa-kapatut magbayaan mimon manusiyaꞌ ma masi njawom lindom ntuu ni junyaꞌ.

Hibrani 10:39

Kahapan kuwan kitabi baw itu, yaꞌ tabeꞌ ni sagannap ma patatak. Jama meꞌ sila ilay, song hallom minulkaan du. Boꞌ kitabi itu tabeꞌ ni sagannap ma salamat sabap takkoꞌ pangando tabi.