Matiyu 12:44 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴⁴ honaꞌ-honaꞌ na, gam na ya pabeleng pa bay limpaꞌ na njawom baran jama looy. Dari pag takka na, takita na na jama looy meꞌ sapantun lumaꞌ lassa, bay na pinatimmos boꞌ yaꞌ lagi magjama.

Matiyu 12:44 ပူးပေါင်းရင်းမြစ်များ

Matiyu 12:29

“Belsibul ilay meꞌ sapantun lalla basag kawasa na wā nganjagahan lumaꞌ na paayad. Yaꞌ luu kaasok lumaꞌ na ngahawasan altaꞌ na bong yaꞌ du bay kalabihan kawasa na. Sugaꞌ bong luu ngantanan kawasa mas mehe man lalla looy, taingkot na lalla looy sampay tahawasan na altaꞌ na.

Matiyu 12:43

Maka yuk si Isa lagi, “Bong luu seytan bay pinōꞌ man jawom baran jama, magti sina ya pa lahat yaꞌ maglumaꞌ ma yaꞌ bohean miha pahaliyan na. Sugaꞌ bong ina ya yaꞌ nammu,

Matiyu 12:45

Dari magti seytan looy ngaddoꞌ siga pagkahi na pituꞌ seytan maat gi man iya, boꞌ boo na balik pa bay limpaꞌ na maglumaꞌ. Pag toklas na, jama looy ma bay sineytan, malasahi gi man sibuwa. Bong nnaꞌ ta pa jama ni angkat-angkatan batnaa, tud malasahi sina mintu sila sabap yaꞌ sila bay kuhi pitsayaꞌ ni kabanahan.”

Lukas 11:25

Dari pag takka na, takita na na jama looy meꞌ karuha lumaꞌ lassa na sampay lay na pinatimmos. Sugaꞌ masi du yaꞌ magjama.

Yahiya 12:6

Na sabana na, yaꞌ silay luu luuy si Judas ni jama miskin, arapun kon na bay halling meꞌ looy sabap panangkaw ya. Minsan iya bay hinalap ngantanan pangannaan sīn ni baanan ga si Isa, bbuwatan na daran ngulangan sīn da para ni dī na.

Yahiya 13:2

Sugaꞌ san meꞌ looy na siꞌ aseꞌ si Isa, luu gi disu mulit na bay kabuwanan pamiki meꞌ Ibilis nipu iya. Mulit looy ilay siꞌ yana si Judas, anak si Saymon Iskariyut. Pag taabut deꞌ kohap, lay na ga si Isa mangan ka ga mulit na.

Yahiya 13:27

Lay jaꞌ siꞌ sambut si Judas, ilooy ma inasok na ya meꞌ Ibilis. Pag-anu, yuk si Isa niiya, “Darahan nu na maksud nu deꞌ-dēꞌ.”

1 Korin 11:19

Kanna bi mareꞌ subay na pin kam magsulemaꞌ pamiki boꞌ tumatandaꞌ bong mamooy kam man Tuhan kasulutan.

Epesus 2:2

Jaman looy ilay, bbuwatan bi mandang hāl junyaꞌ jaꞌ sabap bay kam pinagmundaan meꞌ panghuluꞌ siga seytan, yana Ibilis. Iya ilay ndang magbayaan sagannap ma yaꞌ doman mmeꞌ ni kahandak Tuhan.

1 Yahiya 2:19

Ga jama ma nguntra ilay, lay du bay pingkaꞌ tabeꞌ ningkitabi, sugaꞌ lay na pasakkat. Bong ilay siꞌ tud bay dambuwaꞌ atay sila ka kitabi, yaꞌ du sila bay pasakkat. Sugaꞌ pagka lay na du sila pasakkat, tumatandaꞌ na saꞌ du sila pagkahi tabi sukuꞌ si Isa.

1 Yahiya 4:4

Boꞌ kaam ina, siga anak, sukuꞌ Tuhan na kam. Lay na sina kam tumanjataꞌ man siga guru palsu batan yaꞌ kam bay takoleꞌ pinagsian. Kon meꞌ looy sabap mas mehe gi kawasa Rū Tuhan ningkaam man kawasa Ibilis ma magbayaan siga jama ma saꞌ sukuꞌ Tuhan.