Matiyu 12:35 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁵ Jama mahap ina, mahap du kawul-piil da sabap kahapan jaꞌ kinanna njawom atay da. Boꞌ jama maat ina, maat du kawul-piil da sabap pannoꞌ atay da leꞌ kalaatan.

Matiyu 12:35 ပူးပေါင်းရင်းမြစ်များ

Matiyu 12:34

“Kaam tu siga Parisi, subay ga baanan sō latsunan. Yaꞌ kam kabitsala mahap sabap maat jaꞌ pangatayan bi. Batan oy-oy ina njawom atay manusiyaꞌ, inaa du sina pōꞌ man jawom behe da.

Matiyu 13:52

Pag-anu, yuk si Isa, “Soysoy ina guru lahal ni kitab kanabi-nabihan, boꞌ isbat na lagi tōꞌ ku pasal pamarinta Tuhan, sibuꞌ du ya ka jama dayahan. Bila ya magnasihat, dansusun du ya ka jama makitahan siga pagkahi na altaꞌ na ma bahau ka altaꞌ na man maruhuꞌ-ruhuꞌ lagi.”

Matiyu 7:17

Tiyap-tiyap poon kayu mahap, mastiꞌ mahap du buwaꞌ na. Sugaꞌ bong poon kayu maat, mastiꞌ maat du buwaꞌ na.

Lukas 6:45

Manusiyaꞌ pun ina meꞌ naa du. Bong jama mahap, mahap du kawul-piil na sabap kaayaran jaꞌ kinanna njawom atay na. Sugaꞌ bong jama maat, maat du kawul-piil na sabap kalaatan jaꞌ kinanna njawom atay na. Oy-oy ina kinanna njawom atay manusiyaꞌ, inaa du sina pōꞌ man jawom behe da.”

Epesus 4:29

Timanan bi na mimon bitsala maat atawa lakaꞌ-lakaꞌ. Ilooy ya poun bi yana bitsala ma katabang atawa ma kasambu ni nyawa sagannap ma kale.

Kolossa 3:16

Kannahun bi banahan mimon tōꞌ Almasi. Maka pakoyun bi na pangahati ma bay dean Tuhan ningkaam man bi sitoꞌ-tōꞌ atawa pun sipaintom-paintom. Maka ngalang kam siga kalangan pudji pa Tuhan meꞌ sapantun kalangan man jawom Kitab Jabul atawa kalangan sarī ma kasulut ni Tuhan tandaꞌ mehe meꞌ bi magsuku niiya.

Kolossa 4:6

Bila kam magbitsala ka sila, subay kam magmaltabat ninsila maka makoy bitsala mahap. Maka miha kam lawang man bi matabeꞌ bitsala ma kasambu ni nyawa da. Maka subay kam saddiya ka tampung ayad bong luu nual kaam. Bong siꞌ ina kam kabitsala meꞌ looy siꞌ, sibuꞌ du kam ka bay nongan sila lawuk tabaan.