Matiyu 12:33 - Sabahagiꞌ Kitab Tawrat: Panagnaan ni Awwal Jaman maka Kitab Injil

³³ Yuk si Isa lagi ninsila, “Manusiyaꞌ ina meꞌ karuha poon kayu. Tiyap-tiyap poon kayu mahap, mastiꞌ buwaꞌ na ina mahap du. Sugaꞌ bong ina poon kayu maat, mastiꞌ buwaꞌ na maat du. Sangkon ni buwaꞌ na takila bi jaꞌ sina bong poon kayu mahap atawa maat.

Matiyu 12:33 ပူးပေါင်းရင်းမြစ်များ

Matiyu 23:26

Kaam siga Parisi subay ga kam jama buta. Sutsiun bi doꞌ ba duhuꞌ njawom atay bi supaya sutsiꞌ na du kam ni poan.

Lukas 3:9

Bong yaꞌ tasayu bi, tapit na sina hisab Tuhan njataꞌ bi bong kam yaꞌ kuhi nawbat ka mōꞌ kawul-piil mahap. Tuhan ina sibuꞌ du karuha na ka jama saddiya ka kapa na nabbongan ga poon kayu ma yaꞌ kuhi buwaan, boꞌ hiniyakan pa jawom api.”

Yaꞌkub 3:12

Damikiyan, yaꞌ sina luu poon igira magbuwaꞌ jaytun, atawa poon anggul magbuwaꞌ igira. Maka yaꞌ du luu jama koleꞌ boheꞌ langngin man dilawut. Damikiyan behe ta pun, yaꞌ du dari bosbos mitsala mahap, bosbos maat.

Yaꞌkub 4:8

Patapit na kam pa Tuhan, boꞌ na patapit pa mman bi. Kaam ma amu-amu buwat dusa, labbahan bi na dusa bi. Kaam ma duwa-duwa pikilan bi, patattogun bi na pamiki bi mmeꞌ ni Papuꞌ.