Matiyu 12:32 - Sabahagiꞌ Kitab Tawrat: Panagnaan ni Awwal Jaman maka Kitab Injil

³² Damikiyan, soysoy ina mitsala pangka ni kapasal Anak Manusiyaꞌ, taampun gi du meꞌ Tuhan. Sugaꞌ soysoy ina māꞌ pabuwatan Rū Sutsiꞌ yana pabuwatan seytan, mastiꞌ yaꞌ na ya koleꞌ kaampunan saumu-umu.”

Matiyu 12:32 ပူးပေါင်းရင်းမြစ်များ

Matiyu 11:19

Pag sunuꞌ ku, Anak Manusiyaꞌ, sukat ku palamud nginum-mangan ni siga tukang ninga sukay ka siga pagkahi da baldusa, baꞌ-bāꞌ jama, lagak na baw ku, boꞌ na, palalango lagi ku. Sugaꞌ biyahun na luu. San du ina pooy meꞌ jama nuwak tōꞌ kami ka si Yahiya, tumatandaꞌ du sina mintu bong soy ngantanan pamiki tuwaꞌ.”

Matiyu 12:31

“Baan ta kam banahan, san gi sina oy dusa manusiyaꞌ sampay bitsala da pangka pa Tuhan, dari gi pinuwasan. Sugaꞌ soysoy ina māꞌ pabuwatan Rū Sutsiꞌ yana pabuwatan seytan, mastiꞌ yaꞌ na ya koleꞌ kaampunan.

Matiyu 12:8

Boꞌ na, ni hāl Llaw Pahali ina, meꞌ aku itu Anak Manusiyaꞌ, luu kapatut ku magbayaꞌ bong oy pataꞌ pinabuwat atawa niyaꞌ ni Llaw Pahali.”

Matiyu 13:22

“Kuwan tanaꞌ looy ma meka lumput itingan na man bani looy bay tumiluꞌ, tuwaꞌ pa sagannap ma bay kale umanat Tuhan sampay pitsayaꞌ, sugaꞌ wā sila hanggaw ni hāl meꞌ da llum ni junyaꞌ. Taboo-boo sila magsiꞌ meꞌ napsu da ni sīn. Dari song hallom, umanat Tuhan njawom atay da, bong dalil ta pa tinanom, lay na limbo leꞌ lumput sampay yaꞌ du buwaꞌ.

Matiyu 13:39

Banta ma naburan lumput yana Ibilis. Timpu ngattom, yana llaw dambuli. Maka sagannap ma tukang ngattom yana siga malaikat.

Matiyu 13:40

Yana meꞌ siga lumput kinumpo boꞌ tinunu, meꞌ naa du sina mintu katuwaꞌ ni mimon jama ma bay takawum meꞌ Ibilis pag taabut llaw dambuli.

Matiyu 13:55

Iya bina anak tukang kayu looy sadjaꞌ maka katoonan tabi du nneꞌ na si Mariyam maka siga danganakan na si Yaꞌkub, si Yusup, si Saymon maka si Judas.

Matiyu 8:20

Tampung si Isa, “Mamiki doꞌ ko ba paayad. Gam gi ina ga sattuwa tawun, luu gi katattogan man da patannaꞌ sangom-sangom. Minsan ga manuk-manuk, luu du ka sāng da. Boꞌ aku, Anak Manusiyaꞌ, yaꞌ san luu patulihan ku.”

Malkus 10:30

malaingkan lipat min dahatus gi sina tungbas Tuhan ni jataꞌ na. Sasang na masi gi ntuu ni junyaꞌ, ndang binuwanan na sina ya siga lumaꞌ, siga danganakan, siga induꞌ-mmaꞌ, ga anak sampay ga tanaꞌ. Boꞌ na, pag mintu takka pa ahirat, koleꞌ gi sina ya kasampulnaan nyawa ma yaꞌ luu katapusan na. Sugaꞌ halloman na ntuu ni junyaꞌ, mastiꞌ lumangga doꞌ sina ya njawom laug sabapan pangando na niyaku.

Malkus 3:28

Na sabap sila bay māꞌ luu seytan na muwanan iya kawasa, yuk na ninsila, “Baan ta kam banahan, san gi sina oy dusa manusiyaꞌ sampay bitsala da pangka pa Tuhan, dari gi pinuwasan. Sugaꞌ soysoy ina māꞌ pabuwatan Rū Sutsiꞌ yana pabuwatan seytan, mastiꞌ yaꞌ na ya koleꞌ kaampunan labba man junyaꞌ sampay pa ahirat. Inaa na sina dusa ma yaꞌ tapuwasan saumu.”

Lukas 12:10

“Soysoy ina malaat aku, yana Anak Manusiyaꞌ, taampun gi du. Sugaꞌ soysoy ina malaat pabuwatan Rū Sutsiꞌ, yaꞌ na sina ya inampun.

Lukas 16:8

“Dari pag tasayu bōs looy bong oy bay pabuwat manijel looy, yuk na, ‘Tud akkahan la lalla looy. Tud alistu ya ngulihal bintaha na.’ ” Dari yuk si Isa lagi, “Ndang mas akkahan sina jama ma mandang jaꞌ hāl junyaꞌ ngulihal bintaha para dī da man sagannap ma ngisbat Tuhan.

Lukas 18:30

mastiꞌ mas meka labi man naa kaayaran takoleꞌ na halloman na ni junyaꞌ tuu. Boꞌ na, koleꞌ gi ya kasampulnaan nyawa saumu-umu labba man junyaꞌ sampay pa ahirat.”

Lukas 23:34

Pag-anu, lay si Isa maku duwaa, yuk na, “Maꞌ, ampunun doꞌ sila batan yaꞌ tasayu da bong oy pabuwat da.” Kuwan ga sundalu ndooy, lay pinagsarī-sarī meꞌ da pakayan si Isa, boꞌ pinagkimbuan meꞌ da bong mamooy sukuꞌ ni dangan.

Lukas 7:34

Pag sunuꞌ Anak Manusiyaꞌ, yana aku, san ku mangan kinakan biyasa sampay nginum tubaꞌ anggul meꞌ karuha kaekahan manusiyaꞌ, baꞌ-bāꞌ bi lagak na baw ku maka palalango lagi. Maka sukat ku palamud ni siga tukang ninga sukay ka ga pagkahi da baldusa, pinalaat na baw ku meꞌ bi.

Yahiya 7:12

Na kuwan siga baanan jama ndooy baw siꞌ tu, meka na maghigung-higungan si Isa. Yuk kasohean, “Jama mahap silay ya.” Sugaꞌ kasohean baw siꞌ tu halling, “Daa kam ba hidjab. Magsian jama jaꞌ bilay ya.”

Yahiya 7:39

Na boheꞌ llum ilay ma bay inawnan meꞌ si Isa, yana Rū Sutsiꞌ ma song pinaasok ni soysoy pitsayaꞌ niiya. Sugaꞌ hallang-hallangan looy, yaꞌ gi bay pinaasok Rū Sutsiꞌ pa jawom atay jama sabap yaꞌ gi si Isa bay pabeleng pa sulgaꞌ.

Yahiya 7:52

Yuk da baw siꞌ tu, “Uy, batiꞌ ta bitu jama Jalil du ko. Maliksaꞌ teꞌ ko njawom kitab. Yaꞌ silay luu tatammu nu nabi bay tinunaꞌ pōꞌ man Jalil.”

Salsila siga Rasul 3:19

Sangkon, nawbat na kam boꞌ bi lillaꞌ na pa Tuhan supaya pinuwasan na dusa bi.

Epesus 1:21

Ndooy ilay, Almasi ngantanan kawasa-kapatut langkaw banahan. Patingkat ya man mimon anakkuraꞌ ka sultan sampay ga malaikat ka seytan. Bong inawnan sagannap ma magkawasa, yaꞌ luu awon langkaw lumabi man niiya labba man siga angkat-angkatan sibuwa sampay saumu-umu, labba man junyaꞌ tuu sampay pa ahirat.

1 Timuti 1:13

Lay ku peneꞌ na minsan ku bay pingkaꞌ malaat iya maruhuꞌ. Sarī gi, daran ku bay ngalaugan siga sukuꞌ na. Boꞌ yaꞌ luu pag-agak bila ku minsanaꞌ sila na. Lipara, yaꞌ du baw ku bay tuwaꞌ mulkaꞌ. Gam pin lay gi ku panimbangan Papuꞌ Isa, batan halloman ku yaꞌ gi bay pitsayaꞌ niiya, kalaatan bay pabuwat ku ni kaawam ku sadjaꞌ.

1 Timuti 1:15

Na ituu tu bitsala kanaalla ka pataꞌ kinanna meꞌ sikamimon: Maksud si Isa Almasi bay pitu pa junyaꞌ supaya tasalamat na siga baldusa. Man ku kasiguru, batan bong kinawnan baldusa, yaꞌ luu bay lumabi man aku.

1 Timuti 4:8

Bong kitabi nganad dī tabi man mabasagan baran tabi, luu du baw paluntungan na dangkitiꞌ. Sugaꞌ bong kitabi nganad dī tabi ngikut arat-tabiat Tuhan, tud mehe paluntungan na. Batan saꞌ sina sat paluntungan ni junyaꞌ tuu takoleꞌ tabi, arapun sampay ni ahirat koleꞌ du kitabi paluntungan.

1 Timuti 6:17

Na ni kapasal sukuꞌ si Isa ma dayahan meꞌ altaꞌ junyaꞌ, daa sila sohoun langkaw atay da. Maka daa sila sohoun mangasa ni altaꞌ batan bosbos ina luu, bosbos lungay. Ilooy ya subay asahan da yana Tuhan, batan iya sina muwanan kitabi mimon-mimon para ni kagakan tabi.

2 Timuti 4:10

Gunahan niyaku tabang, batan si Demas lay na pilay pa Tesaloneka. Lay na ku mbanan na sabap hagaan niiya nganduwan napsu na ni hāl junyaꞌ. Kuwan si Keresen, lay pa Galatiya. Kuwan si Taytus, lay pa Dalmatiya.

Taytus 2:12

Aseꞌ-tabang Tuhan ina ningkitabi matomoꞌ kainagon tabi nimanan kawul-piil ma yaꞌ nulut ni kahandak na sampay nimanan oy-oy napsu ma maat. Maka aseꞌ-tabang Tuhan sina matomoꞌ kainagon tabi papatong mamiki ka buwat kaintongan sampay ngakig arat-tabiat na halloman tabi ni junyaꞌ tuu.

Yaꞌkub 1:27

Ilooy ya binilang meꞌ Mmaꞌ tabi Tuhan agama sabanna ma yaꞌ luu tamak na, meꞌ tuu: Subay kita nulung ga iluꞌ-iluꞌ iyatin ka ga bawu danda ma njawom tiksaꞌ. Maka subay kita patā man mimon kalaatan ma pinaabak meꞌ siga jama ma yaꞌ ngisbat Tuhan.