Matiyu 12:31 - Sabahagiꞌ Kitab Tawrat: Panagnaan ni Awwal Jaman maka Kitab Injil

³¹ “Baan ta kam banahan, san gi sina oy dusa manusiyaꞌ sampay bitsala da pangka pa Tuhan, dari gi pinuwasan. Sugaꞌ soysoy ina māꞌ pabuwatan Rū Sutsiꞌ yana pabuwatan seytan, mastiꞌ yaꞌ na ya koleꞌ kaampunan.

Matiyu 12:31 ပူးပေါင်းရင်းမြစ်များ

Lukas 12:10

“Soysoy ina malaat aku, yana Anak Manusiyaꞌ, taampun gi du. Sugaꞌ soysoy ina malaat pabuwatan Rū Sutsiꞌ, yaꞌ na sina ya inampun.

Salsila siga Rasul 7:51

Pus meꞌ looy, nagnaꞌ na baw si Esteben nusunan baanan kapakihan ndooy, yuk na, “Kaam ina, tud tohas kōk bi. Subay ga kam kapil yaꞌ doman mmeꞌ ni kahandak Tuhan maka yaꞌ doman pakale ni umanat na. Sibuꞌ du kam ka jaman kabboꞌ-bboan tabi wā nulang Rū Sutsiꞌ.

Hibrani 10:26

Na bong ina lay na kitabi pitsayaꞌ ni kabanahan pasal si Isa, pag-anu boꞌ tabi nahadjaꞌ na baw amu-amu buwat dusa, yaꞌ na sina luu tasongan pa Tuhan man muwasan dusa tabi.

Hibrani 10:29

Na bong meꞌ naa bohat pidjalaꞌ ni jama ma bay nuwak saraꞌ, labi na saꞌ bohat pidjalaꞌ ni sagannap ma nikutan Anak Tuhan saula-ula puus boboꞌ sadjaꞌ ya. Sat da saꞌ māꞌ yaꞌ na luu kapansahaliyan lahaꞌ si Isa bay pinaduwai. Padahal, lahaꞌ na ilay bay man da pingkaꞌ sinutsiꞌ sampay muwan kasāhan ni pagsulutan bahau antaraꞌ Tuhan ka manusiyaꞌ. Ga jama meꞌ looy ilay, sibuꞌ du sila ka bay mahinaꞌ Rū Sutsiꞌ ma bay masampayan sila aseꞌ.

Hibrani 6:4

mari song patakkoꞌ na pin pangando tabi ni Almasi. Batan bong ina jama lay na ngalabbahan pangando da niiya, siya-siya sila. Bistahun bi doꞌ, lay na sila pingkaꞌ pinadantaan pamiki da, maka lay na takissa da kaayaran ladjikiꞌ man sulgaꞌ ma yaꞌ luu sibuꞌ sabanding na. Sampay lay na sila pinaasokan Rū Sutsiꞌ. Sarī gi, lay na sila ngissa kaayaran ma bay njanjiꞌ njawom palman Tuhan. Sampay lay na sila ngissa kawasa njataꞌ da sasang da njawman pamarinta Tuhan ma bahau jaꞌ takka ni masa tuu. Na bong ilay ga jama meꞌ looy lay na patatak, tunmanūn na silay meꞌ da pinatawbat balik sabap sibuꞌ du sila ka bay ngalansang Anak Tuhan taꞌ tehang pabalik. Batan man sabapan da, awon si Isa binuwat na ga kalabbiyan.

1 Yahiya 1:9

Sugaꞌ bong kitabi magsabanna pa Tuhan ni bay dusa tabi, mastiꞌ inampun jaꞌ kitabi meꞌ na. Maka sinutsiꞌ na pin pangatayan tabi meꞌ na mari yaꞌ na luu kalaatan tabi. Batan Tuhan ina intong ka kanaalla numan bay janjiꞌ na.

1 Yahiya 5:16

Na katapusan bitsala ku, bong kita ngita disu danganakan ta sukuꞌ si Isa buwat dusa, subay ya pakuhan ta duwaa supaya ya pinanimbangan meꞌ Tuhan sampay sinampulnaꞌ nyawa na pabalik. Sugaꞌ bong baw dusa na yana ilooy disu ma katiksaꞌ ni nyawa saumu-umu, san kita yaꞌ na mahusaan dī ta makuhan iya duwaa.