Matiyu 12:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Tampung si Isa, “Uy, hantak bitsala bi, maat pabuwatan siga mulit ku meꞌ naa. Bong siꞌ ina bay bana ningkaam, labi na saꞌ maat bay pabuwatan Sultan Daud mattoꞌ. Yaꞌ gi kilay bay tabatsa bi njawom kitab bong oy bay pabuwat na bay jaman da kalingantuhan ka ga soheꞌ na?

Matiyu 12:3 ပူးပေါင်းရင်းမြစ်များ

Matiyu 12:2

Pag takita meꞌ siga Parisi ndooy, yuk da ni si Isa, “Ndaun doꞌ ba ga mulit nu. Llaw Pahali bitu batnaa. Yaꞌ dari ngattuꞌ ni llaw tuu.”

Matiyu 12:4

Saꞌ ba, lay ya bay paasok pa jawom langga boꞌ lay paku na tinapay ma bay sinongan pa Tuhan sampay lay du kakan da ka ga soheꞌ na? Mingkan ilay siꞌ, tinapay meꞌ looy tagga ni saraꞌ kinakan leꞌ soysoy sarī man siga imam. Ulihan mandooy, yaꞌ du ga Sultan Daud bay taawnan magsāꞌ.

Matiyu 12:5

Bong ina bean ta pamiki bi, tuktuk siga imam buwat ni langga mehe sasang Llaw Pahali, mastiꞌ maat du. Sugaꞌ yaꞌ du luu kabāꞌ magsāꞌ sila, batan saꞌ ba, bay du tabatsa bi njawom kitab talpaksaꞌ ninsila buwat taat ni langga mehe sampay ni Llaw Pahali?

Matiyu 19:4

Tampung si Isa ninsila, “Ongoy, yaꞌ kam kina bay matsa jawom kitab jaman Tuhan bay mapayak manusiyaꞌ? Lay silay ya buwat disu lalla ka disu danda.

Matiyu 21:16

Dari yuk siga imam ka ga guru looy ni si Isa, “Yaꞌ kina takale nu bong oy bitsala ga anak-anak naa?” Yuk si Isa, “Takale ku bina. Ongoy, yaꞌ kilay bay batsa bi suwat jawom kitab? Yuk na, ‘Minsan siga anak-anak, mehe-dikiꞌ, pinabadja meꞌ Tuhan mudji iya.’ ”

Matiyu 22:31

Na ni kapasal jama pinakallum, mastiꞌ lay na du bay tabatsa bi njawom kitab ilooy ma yuk Tuhan,

Malkus 12:10

Yuk si Isa lagi, “Kahalan anak dapu kabbun looy ilay siꞌ magtuntun du ka suwat njawom kitab ma pinagbatsa meꞌ bi, ilooy ma yuk na, ‘Batu ma bay tinimanan meꞌ siga tukang buwat lumaꞌ batu, ilooy ya bay dari patingkat kapansahaliyan na man sikamimon.

Malkus 12:26

Na buktiꞌ man tabi mindoga jama matoy pinakallum lagi, mamintang jaꞌ kam ni ilooy ma bay tabatsa bi njawom suwat Nabi Musa. Saꞌ ba, lay ya kale suwara Tuhan pōꞌ man poon kayu-kayu noleyab na meꞌ api? Yuk Tuhan niiya, ‘Aku na situ Tuhan ma sinumba meꞌ ga Nabi Ibrahim, Nabi Isahak ka Nabi Yaꞌkub.’

Lukas 10:26

Yuk si Isa niiya, “Ni jawom saraꞌ Nabi Musa ma bay batsa nu, pooy baw lay la?”

Lukas 6:3

Tampung si Isa, “Uy, hantak bitsala bi, maat pabuwatan siga mulit ku meꞌ naa. Bong siꞌ ina bay bana ningkaam, labi na saꞌ maat bay pabuwatan Sultan Daud mattoꞌ. Yaꞌ gi kilay bay tabatsa bi njawom kitab bong oy bay pabuwat na bay jaman da kalingantuhan ka ga soheꞌ na?