Matiyu 12:28 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁸ Na sabap Rū Tuhan bay muwanan aku kawasa-kapatut man ku mapōꞌ siga seytan, tumatandaꞌ luu na takka pamarinta Tuhan pa mman bi.

Matiyu 12:28 ပူးပေါင်းရင်းမြစ်များ

Matiyu 12:18

“Ituu itu sosohoan ku ma bay peneꞌ ku. Iya ina kakasi ku ma kasulut banahan niyaku. Patannaꞌ ku sina Rū ku niiya. Maka iya ina mintu masaplag bong pooy meꞌ mimon kabangsa-bangsahan taitung meꞌ ku intong.

Matiyu 12:29

“Belsibul ilay meꞌ sapantun lalla basag kawasa na wā nganjagahan lumaꞌ na paayad. Yaꞌ luu kaasok lumaꞌ na ngahawasan altaꞌ na bong yaꞌ du bay kalabihan kawasa na. Sugaꞌ bong luu ngantanan kawasa mas mehe man lalla looy, taingkot na lalla looy sampay tahawasan na altaꞌ na.

Matiyu 21:31

Pag-anu, tilaw si Isa ni siga pa-mmean looy, “Bong kaam, mamooy ilay bay ngasip mmaꞌ da?” Pag tampung da, “Ilooy bilay ma siyaka.” Yuk si Isa, “Dari ongoy baw ilay ilooy ya disu akig bi? Baan ta kam banahan, siga tukang ninga sukay sampay siga puta, luu na paasok pa jawom pamarinta Tuhan duhuꞌ gi man kaam.

Matiyu 21:43

“Hantak bitsala looy ilay siꞌ, pagka yaꞌ kam kuhi pitsayaꞌ ni kabanahan, kinaddoan na sina mintu sukuꞌ bi ni pamarinta Tuhan, boꞌ ndean jama sarī ma taasahan mmeꞌ ni kahandak Tuhan.

Matiyu 4:24

Dari siꞌ habal pasal si Isa lay na magkanatan ni sikaliput lahat ngabut sampay pa Siriya. Sangkon, meka na jama bay moo soheꞌ da ma sakihan pa mman na. San gi oy saki da, minsan jama sineytan, jama binilaw-bawi, jama matoy baran da, lay jaꞌ du kaulian meꞌ na sikamimon.

Matiyu 6:33

Sangkon pakutuun bi na meꞌ bi mmeꞌ ni pamarinta Tuhan maka akigun bi kaintongan Tuhan. Basta ina inaa numbul satu ningkaam, malaingkan Tuhan sa muwanan kaam mimon ma kagunahan ningkaam.

Malkus 1:15

yuk na, “Taabut na situ waktu binakbul ilooy ma bay tinunaꞌ mattoꞌ. Batan tapit na katakka pamarinta Tuhan. Sangkon nawbat na kam maka pitsayaꞌ na kam ni umanat mahap ma pinamahalayak na.”

Malkus 11:10

Sinupaatan pamarinta jama naa ma pagantiꞌ ni pagkasultan bboꞌ tabi Sultan Daud! Pudji tabi Tuhan ni sulgaꞌ!”

Malkus 16:17

“Na sagannap ma pitsayaꞌ niyaku, meka sina mintu sipat kawasa tapōꞌ da. Kapalakka na sina sila siga seytan man jawom baran jama makoy awon ku. Maka kabitsala gi sina sila ni jinisan pallun ma yaꞌ san bay pingkaꞌ kapandoyan da.

Lukas 10:11

‘Indanan bi. Luu na silay siꞌ pamarinta Tuhan bay patapit pa mman bi, sugaꞌ lay jaꞌ tuwak bi. Sangkon sampay momok tanaꞌ daira bi ma ngakkot ni sinilas kami, papasan kami na tandaꞌ yaꞌ na luu lamud kami ningkaam.’ ”

Lukas 11:20

Padahal, ilooy ilay siꞌ kon ku kapalakka siga seytan man sabapan kawasa-kapatut Tuhan ni jataꞌ ku. Maka ilooy na silay siꞌ buktiꞌ mehe luu na pamarinta Tuhan takka pitu pa mman bi.”

Lukas 16:16

Yuk si Isa lagi, “Na halloman yaꞌ gi bay pōꞌ si Yahiya ma Tukang Mandi, bohoꞌ saraꞌ Nabi Musa sampay na mimon suwat kanabi-nabihan bay pinasaplag. Sugaꞌ labba man jaman si Yahiya ngabut sampay batnaa, luu na umanat mahap pasal pamarinta Tuhan pinasaplag. Maka manusiyaꞌ sikamimon, pinagbuli-bulihan na binoo paasok pa jawom okoman pamarinta na.

Lukas 9:2

Pus meꞌ looy, lay na sila sinohoꞌ ngalataan lahat masaplag umanat mahap pasal pamarinta Tuhan sampay nohoꞌ ngulian jama ma sakihan.

Suwat si Pol pa mman Baanan Sukuꞌ si Isa ndooy ni Rom 14:17

Kamasaꞌ ni sabana na, bong hāl meꞌ nginum-mangan, yaꞌ du sina luu kabigiꞌ-bigian na ni pamarinta Tuhan. Ilooy ya hagaan ni pamarinta na yana kaintongan, kasalassayan ka kagakan njawom atay tabi lakka man Rū Sutsiꞌ.

Kolossa 1:13

Kitabi itu lay na pinaddusan meꞌ Tuhan man jawom komkoman Ibilis ma magbayaan jama njawom lindom. Sampay lay na tabi hinalin meꞌ Tuhan pa jawom pamarinta Anak na, yana kakasi na.

Hibrani 12:28

Sangkon, pagka Tuhan bay matabeꞌ kitabi ni pamarinta na ma yaꞌ tajogjog, subay kitabi magsuku niiya sampay kinanna meꞌ tabi ehe aseꞌ na ningkitabi. Maka sumba tabi ya ni lanan magpataꞌ niiya, hati na, ni kaehe maltabat tabi ka tawu tabi niiya.

1 Yahiya 3:8

Sugaꞌ sagannap ma amu-amu buwat dusa, tumatandaꞌ anak Ibilis sila. Kon sila taawnan anak Ibilis batan Ibilis ndang nabiat buwat dusa labba man awwal tagnaꞌ lagi. Lipara bay na pinapitu Anak Tuhan pa junyaꞌ ngalangkat kawasa Ibilis ma moo-moo manusiyaꞌ buwat dusa.