Matiyu 12:25 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁵ Sugaꞌ tasayu si Isa du bong oy njawom pamiki da taggahaꞌ lay sila kapahalling meꞌ looy. Dari man na makitahan sila bitsala da yaꞌ luu katuwaꞌ-tuwaan na, yuk na ninsila, “Bong sawpama luu disu sultan, boꞌ raayat na wā sibonoꞌ, saꞌ ba, song hallom yaꞌ na luu takapin raayat na? Atawa pun, bong nnaꞌ ta pa daira, bong mayul na wā magsaggaꞌ ka siga kunsihal na, saꞌ ba, yaꞌ du natas pagkamayul na? Damikiyan, minsan dampalūng, bong buwatan da wā sasaꞌ-manasaꞌ, malaingkan yaꞌ du luu kasongan da.

Matiyu 12:25 ပူးပေါင်းရင်းမြစ်များ

Matiyu 9:4

Na si Isa siꞌ tu, ndang katoonan na njawom pamiki da. Dari yuk na ninsila, “Marean ta kanna bi yaꞌ luu kawasa-kapatut ku muwasan dusa.

Malkus 2:8

Na si Isa siꞌ tu, ndang katoonan na du njawom pamiki da. Dari yuk na ninsila, “Marean ta kanna bi yaꞌ luu kawasa-kapatut ku muwasan dusa.

Yahiya 21:17

Pag-anu siꞌ, lay gi pinamintallu meꞌ si Isa nilaw, yuk na, “Saymon, anak si Yahiya, tud kaasean nu du ku kina?” Si Pitel siꞌ tu, tud bay susa pagka min tallu na ya bay tinilaw. Dari yuk na, “Papuꞌ, katoonan nu du bina mimon-mimon. Maka katoonan nu du bina kaasean ta ko.” Yuk si Isa, “Bong meꞌ naa, basta pakanun sa siga bili-bili ku.

1 Korin 2:11

Yana meꞌ ilooy njawom pamiki tabi yaꞌ kinatoonan meꞌ manusiyaꞌ sarī man dī tabi, damikiyan, yaꞌ du luu toon njawom pamiki Tuhan sarī man Rū na.

Galatiya 5:15

Na bong ina kam yaꞌ sikaaseꞌ-kaaseꞌ sampay wā kam sasaꞌ-manasaꞌ, malaingkan buwat jaꞌ kam dī bi subay ga idoꞌ sitokob-tokob. Song hallom, sikalangkat-kalangkat na sina kam dambaanan.

Hibrani 4:13

Tuhan ina yaꞌ talimbuhan. Mimon-mimon mastiꞌ takita na jaꞌ. Boꞌ na, iya na sina mintu man tabi paawop magsabanna ni mimon bay pabuwat tabi.

Siga Pakaradjaan bay Pinalahil 16:19

Boꞌ lay na ga sobak tallu Babilon, daira tanyag looy. Sampay katis na ga lubu siga daira ni sikaliput junyaꞌ. Dari ilooy na silay siꞌ hisab njataꞌ jama Babilon sabapan kalaatan da. Tud yaꞌ du bay takupan Tuhan kajahatan da. Dari lay na pupusan Tuhan mulkaꞌ na njataꞌ ga jama Babilon sabap biddaꞌ na duga na ninsila. Ibaratan nginum, pinaggos na sila nginum inuman pait saꞌ alang-alang.

Siga Pakaradjaan bay Pinalahil 2:23

Mimon ma mmeꞌ meꞌ uwahan na, papatoy ku du sina. Dari pag mintu meꞌ looy, tabista na sina meꞌ mimon baanan sukuꞌ ku, mastiꞌ tasayu ku jaꞌ bong oy njawom atay manusiyaꞌ ka pamiki da. Maka aku du nungbasan sila saliꞌ-saliꞌ magbēꞌ ka pabuwatan da mahap-maat.