Matiyu 12:24 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁴ Pag takale siga Parisi bitsala ga jama looy, yuk da, “Ē, kon na bina kapōꞌ seytan man jawom baran jama batan bay ya binuwanan kawasa meꞌ Belsibul, panghuluꞌ siga seytan.”

Matiyu 12:24 ပူးပေါင်းရင်းမြစ်များ

Matiyu 10:25

Sangkon na mulit subay yaꞌ jayip bong ya lumangga meꞌ ilooy ma bay talingkaꞌ meꞌ guru na. Ata pun subay yaꞌ du ya jayip bong ya lumangga meꞌ ilooy ma bay talingkaꞌ meꞌ papuꞌ na. Dari meꞌ aku pa-mmean bi, bong itu ku tinawakkahan inawnan Ibilis, labi na kaam siga mulit ku saꞌ pinitnahan.”

Matiyu 9:32

Paddus jaꞌ bukut ga lalla looy siꞌ ma duwa, luu na baw disu lalla umaw binoo pa mman si Isa. Kon na umaw sabap lay ya inasok meꞌ seytan.

Matiyu 9:34

Sugaꞌ yuk siga Parisi baw, “Panghuluꞌ seytan bilay bay muwanan iya kawasa man na mapōꞌ siga seytan.”

Malkus 3:22

Na ndooy siꞌ, luu siga guru saraꞌ agama ma bay takka man Jerusalem bay mitsala si Isa, yuk da, “Lay na bilay ya inasok meꞌ Belsibul, panghuluꞌ siga seytan. Ilooy na silay poonan kawasa na malakka siga seytan.”

Lukas 11:14

Na luu disu llaw, lay si Isa sitammu ka disu lalla ma yaꞌ na kabitsala sabap sineytan ya. Dari lay na papōꞌ si Isa seytan man jawom baran lalla looy sampay kabitsala na ya pabalik. Pag ndaꞌ ga baanan jama ndooy meꞌ looy, tud bay haylan sila.

Lukas 11:15

Sugaꞌ yuk kasohean baw, “Ē, kon na bina kapalakka siga seytan man jawom baran jama batan bay ya binuwanan kawasa meꞌ Belsibul, yana panghuluꞌ siga seytan.”