Matiyu 12:18 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁸ “Ituu itu sosohoan ku ma bay peneꞌ ku. Iya ina kakasi ku ma kasulut banahan niyaku. Patannaꞌ ku sina Rū ku niiya. Maka iya ina mintu masaplag bong pooy meꞌ mimon kabangsa-bangsahan taitung meꞌ ku intong.

Matiyu 12:18 ပူးပေါင်းရင်းမြစ်များ

Matiyu 12:17

Dari sabap meꞌ looy, lay na binakbul njataꞌ na palman ma ndang bay sinuwatan meꞌ Nabi Isaya pasal Almasi, ilooy ma yuk Tuhan,

Matiyu 17:5

Pag-anu, sasang si Pitel siꞌ mitsala, liput na sila meꞌ tayiꞌ baliyu poteꞌ malaas, ninag na. Maka luu gi suwara pōꞌ man jawom tayiꞌ baliyu looy, yuk na, “Inaa ina Anak ku, kakasi ku. Kasulutan ku banahan niiya. Indanan bi bitsala na.”

Malkus 1:11

Maka luu suwara man sulgaꞌ, yuk na, “Kau ina Anak ku, kakasi ku. Kasulutan ku banahan ningkau.”

Malkus 9:7

Mindangoy ko, luu na baw duwai tayiꞌ baliyu ngaliput sila. Maka luu gi suwara pōꞌ man jawom tayiꞌ baliyu looy, yuk na, “Inaa ina Anak ku, kakasi ku. Indanan bi bitsala na.”

Lukas 23:35

Na baanan jama siꞌ tu, luu na pin ndooy nangge-nangge maimanan si Isa. Boꞌ luu du ndooy siga pa-mmean Yahudi ngaludjum iya, yuk da, “Bay baw ya katabang jama, subay siꞌ tabang na du dī na bong tud mawjud iya na Almasi ma bay pineneꞌ meꞌ Tuhan magsultan.”

Lukas 3:22

maka luu na Rū Sutsiꞌ duwai meꞌ dagbos atsang boꞌ na nampi taꞌ baran na. Boꞌ luu gi suwara man sulgaꞌ, yuk na, “Kau ina Anak ku, kakasi ku. Kasulutan ku banahan ningkau.”

Lukas 4:18

“Inassob na ku meꞌ Rū Sutsiꞌ batan lay ku pineneꞌ meꞌ na masaplag umanat mahap pa mman siga jama miskin. Sinohoꞌ ku meꞌ na mahati sagannap ma tapalisu njawom komkoman Ibilis, inaa, bukaꞌ na lawang man da pōꞌ. Maka sinohoꞌ ku pitu masaplag ni sagannap ma buta supaya sila ngita na maka ni sagannap ma tinakkon mari sila kapaddus na.

Lukas 9:35

Boꞌ lay gi sila kale suwara pōꞌ man jawom tayiꞌ baliyu looy, yuk na, “Inaa ina Anak ku bay peneꞌ ku majatu garaꞌ ku. Indanan bi bitsala na.”

Yahiya 3:34

Batan pagka Almasi bay pinapitu meꞌ Tuhan, mastiꞌ masampay jaꞌ ya palman Tuhan. Boꞌ tumatandaꞌ du batan njataꞌ na man Tuhan bay matannaꞌ mimon kawasa Rū Sutsiꞌ.

Salsila siga Rasul 11:18

Pag bay takale meꞌ siga Yahudi looy tuntut si Pitel, bohoꞌ da lay na patagong nahawi. Pag-anu, boꞌ da mudji Tuhan. Maka yuk da, “Bong bilay meꞌ looy, lay na du hati buwanan Tuhan ga bangsa saꞌ Yahudi lawang man da nawbatan dusa da supaya sila koleꞌ na du kasampulnaan nyawa saumu-umu.”

Salsila siga Rasul 14:27

Luu jaꞌ siꞌ sila takka ni Antiyok, lay tawag da sagannap sukuꞌ si Isa ndooy. Kumpo jaꞌ siꞌ sila, lay na ga si Pol nuntut mimon bay pabuwat da man tabang Tuhan ni jataꞌ da. Maka lay gi sila nuntut bong pooy meꞌ Tuhan bay mukaꞌ puad siga bangsa saꞌ Yahudi pitsayaꞌ na ni si Isa.

Epesus 1:6

Sangkon tud pataꞌ Tuhan pinudji. Biddaꞌ na ehe aseꞌ na njataꞌ tabi ma tibuuk ka kakasi na, yana si Isa Almasi.

Kolossa 1:1

Ituu itu aku, yana si Pol, disu rasul si Isa Almasi man kahandak Tuhan. Itu suwat kami ka danganakan tabi si Timuti

Kolossa 1:13

Kitabi itu lay na pinaddusan meꞌ Tuhan man jawom komkoman Ibilis ma magbayaan jama njawom lindom. Sampay lay na tabi hinalin meꞌ Tuhan pa jawom pamarinta Anak na, yana kakasi na.

1 Pitel 2:4

Na kitabi itu ma pitsayaꞌ ni si Isa ginalla lumaꞌ Tuhan sabap luu na Rū Tuhan bay pinaasok pa jawom atay tabi. Dari ko ngawon, kitabi itu meꞌ sapantun batu llum man Tuhan buwat lumaꞌ na. Kuwan si Isa, meꞌ sapantun batu lambu ma llum man lumaꞌ Tuhan pinatangge mari pagon. Sugaꞌ minsan ya hagaan saꞌ alang-alang sampay bay pineneꞌ meꞌ Tuhan, bay gi du ya tinuwak meꞌ manusiyaꞌ. Boꞌ kitabi baw itu, lay na kitabi nibuuk dī tabi ka iya. Pag toklas na, lay na kitabi dari siga imam sutsiꞌ. Dari yana meꞌ siga imam maruhuꞌ nongan kulban pa Tuhan, kitabi pun luu du songan tabi pa Tuhan, yana dī tabi buwat kahandak na. Boꞌ hinasi jaꞌ kitabi meꞌ Tuhan sabap lay na kitabi sinutsiꞌ meꞌ si Isa Almasi.

2 Pitel 1:17

Kami mismu bay soheꞌ na taꞌ punu jaman Mmaꞌ na Tuhan bay matannaan iya sahayaꞌ sampay muwanan iya kabantugan mehe. Bay gi takale kami suwara Tuhan Sangat Kawasa ndooy pōꞌ man taꞌ langit jaman na magpalman, ilooy ma yuk na, “Inaa ina Anak ku, kakasi ku. Kasulutan ku banahan niiya.”