Matiyu 12:17 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁷ Dari sabap meꞌ looy, lay na binakbul njataꞌ na palman ma ndang bay sinuwatan meꞌ Nabi Isaya pasal Almasi, ilooy ma yuk Tuhan,

Matiyu 12:17 ပူးပေါင်းရင်းမြစ်များ

Matiyu 12:16

Sugaꞌ lay sila sinupali meꞌ na yaꞌ nohoꞌ māꞌ bong oy bay pabuwat na ninsila.

Matiyu 12:18

“Ituu itu sosohoan ku ma bay peneꞌ ku. Iya ina kakasi ku ma kasulut banahan niyaku. Patannaꞌ ku sina Rū ku niiya. Maka iya ina mintu masaplag bong pooy meꞌ mimon kabangsa-bangsahan taitung meꞌ ku intong.

Matiyu 13:35

Sabap meꞌ looy, lay na binakbul palman Tuhan ma bay sinuwatan meꞌ disu nabi njawom kitab, ilooy ma yuk na, “Bbos-bbos ngandalil jaꞌ ku man ku noan sila siga pakaradjaan ma ndang bay llimbuhan labba man jaman junyaꞌ bay pinapayak.”

Matiyu 21:4

Dari lay jaꞌ siꞌ lumān ga mulit si Isa ilooy ma duwa, takita da na kuraꞌ looy ka anak na. Luu jaꞌ siꞌ bay taboo da pa mman si Isa, lay na inampihan meꞌ da anak kuraꞌ looy ka sammek boꞌ lay na bakuraꞌ si Isa. Dari lay na binakbul palman ma ndang bay sinuwatan meꞌ disu nabi, ilooy ma yuk na, “Baan nu siga jama ni Zayon, ‘Ndaun bi ba, alu na Sultan bi takka pa mman bi. Diyoꞌ sina pangatayan na. Iya ina takka bakuraꞌ taꞌ anak kuraꞌ jaꞌ.’ ”

Matiyu 8:17

Sabap meꞌ looy, lay na binakbul ilooy ma bay tinunaꞌ meꞌ Nabi Isaya maruhuꞌ-ruhuꞌ, ilooy ma yuk na, “Lay tinanggung meꞌ na kasusahan tabi sampay lay ulian na siga saki tabi.”

Lukas 21:22

Batan ilooy na silay mintu masa man jama Jerusalem llabuan meꞌ Tuhan mulkaꞌ. Ilooy ilay siꞌ ndang bay sinuwat meꞌ kanabi-nabihan njawom kitab.

Lukas 24:44

Pag lupus, yuk na, “Bay waktu tabi dambuwaꞌ, ndang bay kam baan ku meꞌ tuu: Saꞌ ba, yuk ku, mimon ma bay sinuwatan meꞌ Nabi Musa ka ga kanabi-nabihan ilooy kasohean sampay na njawom Kitab Jabul pasal aku talpaksaꞌ binakbul jaꞌ?”

Yahiya 10:35

Boꞌ kitab ina, ndang katoonan tabi na du yaꞌ tabaluba saumu. Na bong sila man Tuhan bay magpalman bay awnan na siga tuhan,

Yahiya 12:38

Dari lay na binakbul bay tunaꞌ Nabi Isaya, ilooy ma yuk na, “Ū Papuꞌ, yaꞌ bitu luu pitsayaꞌ ni umanat kami. Minsan sila bay na pinakitahan kawasa nu, masi sila yaꞌ pitsayaꞌ.”

Yahiya 19:28

Na si Isa siꞌ tu, katoonan na lupus na mimon pabuwatan ma bay sinukuꞌ niiya. Pag-anu yuk na, “Tohoꞌ la kallong ku.” Pag takale meꞌ siga sundalu halling na, lay sila ngingkotan sammek ni tōng kayu-kayu boꞌ tinalloban pa jawom pangannaan pannoꞌ leꞌ tubaꞌ anggul bahal. Pag-anu, boꞌ inangkat pa behe si Isa. Dari sabap meꞌ looy, lay na binakbul tunaꞌ njawom kitab pasal tubaꞌ anggul bahal ndean iya taabut na katohoan kallong.

Salsila siga Rasul 13:27

Sugaꞌ kuwan kaekahan jama ndooy ni Jerusalem ka ga pa-mmean da, yaꞌ bay tasayu da ga si Isa na yana Almasi, tukang nalamat bay pinapitu meꞌ Tuhan. Subay siꞌ katoonan da na batan sila ngantanan kitab man siga tunaꞌ pasal iya bay sinuwatan meꞌ kanabi-nabihan. Boꞌ ilooy na silay siꞌ pinagbatsa ni siga langga da tuktuk Llaw Pahali. Sangkon sapatut na, subay ya bay hinasi meꞌ da, sugaꞌ gam pin lay gi ya sohoꞌ da binotangan hukuman kapatoy. Dari sabapan pabuwatan da, lay na binakbul siga tunaꞌ njawom kitab.