Matiyu 11:27 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁷ Pag-anu, yuk si Isa na baw ni baanan jama ndooy, “Mimon-mimon lay na hinalap meꞌ Mmaꞌ ku niyaku. Yaꞌ luu toon njawom atay ku sarī man Mmaꞌ ku. Damikiyan, yaꞌ du luu toon njawom atay Mmaꞌ ku sarī man aku ka sagannap ma karomanan ku baan ku.

Matiyu 11:27 ပူးပေါင်းရင်းမြစ်များ

Matiyu 28:18

Pag-anu, yuk si Isa ninsila, “Sikamimon kapatut ni sulgaꞌ sampay ni junyaꞌ lay na ndean aku.

Lukas 10:22

Pag-anu, yuk si Isa na baw ni baanan ga jama ndooy, “Mimon-mimon lay na hinalap meꞌ Mmaꞌ ku niyaku. Yaꞌ luu toon njawom atay ku sarī man Mmaꞌ ku. Damikiyan, yaꞌ du luu toon njawom atay Mmaꞌ ku sarī man aku ka sagannap ma peneꞌ ku pinakitau.”

Yahiya 1:18

Na inawnan Tuhan, yaꞌ bay pingkaꞌ takita leꞌ manusiyaꞌ. Sugaꞌ lay na baw ya pinalahil ningkitabi meꞌ Anak tungga na, yana Tuhan du ma tattap njawom atay Mmaꞌ na.

Yahiya 10:15

Yana meꞌ kami ka Mmaꞌ ku lungbid, damikiyan, meꞌ naa du meꞌ kami ka siga bili-bili ku lungbid. Maka songan ku jaꞌ sina mintu umu ku kalnaꞌ sila.

Yahiya 13:3

Pus da siꞌ mangan, lay doꞌ si Isa nangge boꞌ na ngurusan juba na. Pag-anu, boꞌ na basahan ka tuwala. Na iya siꞌ tu, katoonan na du lay na dean Mmaꞌ na niiya kawasa-kapatut njataꞌ mimon-mimon. Maka katoonan na du iya lakka man Tuhan, damikiyan, Tuhan du polean na. Sugaꞌ san meꞌ looy, lay gi ya magpadiyoꞌ ni siga mulit na.

Yahiya 17:6

“Lay na du situ ku bay malahil arat-tabiat nu ni siga jama ma bay hinalap meꞌ nu niyaku. Meꞌ sila ndang sukuꞌ nu ma bay pa-ntan nu niyaku, lay na du kinanna meꞌ da palman nu.

Yahiya 3:35

Biddaꞌ na sina aseꞌ Tuhan ni Anak na sampay lay na pa-ntan na mimon-mimon niiya.

Yahiya 6:46

Sugaꞌ saꞌ baw lay siꞌ hantak bitsala ku ga luu jama bay pingkaꞌ ngita Mmaꞌ ku, batan yaꞌ luu manusiyaꞌ bay ngita Tuhan sarī man ilooy ma bay lakka mman na.

Yahiya 7:29

Boꞌ aku itu, katoonan ku ya sabap lakka man iya ku. Iya bay mapitu aku.”

1 Pitel 3:22

Na si Isa ilay, lay na inangkat pa sulgaꞌ sampay luu na ya ni bihing Tuhan huwin pa kawnan. Ndooy ilay, iya magbayaan mimon malaikat ka mimon ma ngantanan kawasa-kapatut mahap-maat.

1 Yahiya 2:23

Maka soysoy māꞌ yaꞌ ya pitsayaꞌ Almasi yana Anak Tuhan, lawak ya man Mmaꞌ Almasi. Sugaꞌ soysoy mangaku Almasi yana Anak Tuhan, mastiꞌ lungbid ya ka Mmaꞌ Almasi.

2 Yahiya 1:9

Batan soysoy yaꞌ tattap mmeꞌ ni tōꞌ Almasi, boꞌ magsiꞌ lagi, mastiꞌ yaꞌ ya tibuuk ka Tuhan. Sugaꞌ soysoy tattap mmeꞌ ni tōꞌ Almasi, malaingkan tibuuk ya ka Tuhan sampay Anak na.