Matiyu 11:25 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁵ Pus si Isa halling meꞌ looy, yuk na na baw pa Tuhan, “Maꞌ, meꞌ kau Papuꞌ mimon-mimon taꞌ gumi sampay taꞌ langit, magsuku ku ningkau. Batan kabanahan ma bay limbuhan nu ni siga jama ma milang dī da halul-akka ka lawom pangahati, palahil nu na ni jama ma kuhi tinoan meꞌ karuha anak-anak.

Matiyu 11:25 ပူးပေါင်းရင်းမြစ်များ

Panagnaan 14:19

Lay gi supaatan na si Ibram, yuk na, “Ibram, kamura-murahan binuwanan na pin ko barakat meꞌ Tuhan Mahatinggi ma bay mapayak gumi ka langit.

Panagnaan 14:22

Iya tampung si Ibram, “Sapahan ku baw pa Papuꞌ ku, yana Tuhan Mahatinggi ma bay mapayak gumi ka langit,

Matiyu 16:17

Yuk si Isa niiya, “Saymon, anak si Yahiya, sinupaatan ko batan pangahati nu pasal aku lay na pinalahil ningkau meꞌ Mmaꞌ ku ni sulgaꞌ, saꞌ man kapandoyan manusiyaꞌ.

Matiyu 21:16

Dari yuk siga imam ka ga guru looy ni si Isa, “Yaꞌ kina takale nu bong oy bitsala ga anak-anak naa?” Yuk si Isa, “Takale ku bina. Ongoy, yaꞌ kilay bay batsa bi suwat jawom kitab? Yuk na, ‘Minsan siga anak-anak, mehe-dikiꞌ, pinabadja meꞌ Tuhan mudji iya.’ ”

Lukas 22:42

Yuk na, “Maꞌ, bong siꞌ ko kuhi, hawasan nu na kamalasahiyan ma bay gantaꞌ nu njataꞌ ku. Sugaꞌ subay baw kahandak nu binean, saꞌ ga niyaku.”

Lukas 23:34

Pag-anu, lay si Isa maku duwaa, yuk na, “Maꞌ, ampunun doꞌ sila batan yaꞌ tasayu da bong oy pabuwat da.” Kuwan ga sundalu ndooy, lay pinagsarī-sarī meꞌ da pakayan si Isa, boꞌ pinagkimbuan meꞌ da bong mamooy sukuꞌ ni dangan.

Yahiya 11:41

Dari siꞌ, lay na du lakkahan da batu looy. Pag-anu, lay si Isa pahangad sambayan na halling, “Ū Maꞌ, magsuku lay ku duwan nu.

Yahiya 12:27

Pag-anu siꞌ yuk si Isa, “Tud susa atay ku batnaa sabapan kamalasahiyan ma song inawop meꞌ ku. Tud sobot pamiki ku bong oy subay halling ku ni Mmaꞌ ku. Bong ku nohoꞌ pinuwasan niiya, yaꞌ baw sikatuwaꞌ sabap ituu na situ ndang bay maksud ku pitu.”

Yahiya 12:28

Dari yuk na pa Tuhan, “Maꞌ, ilooy jaꞌ pabuwatun niyaku ma moo kabantugan ni awon nu.” Pag-anu siꞌ, ilooy ma pōꞌ suwara man sulgaꞌ nampungan iya, yuk na, “Ndang lay na situ ku koleꞌ kabantugan njataꞌ nu. Boꞌ koleꞌ gi ku sina mintu kabantugan njataꞌ nu pabalik.”

Salsila siga Rasul 17:24

Iya na sina Tuhan ma bay mapayak junyaꞌ sampay mimon isi na pa jawom, pa poan. Iya na Magbayaꞌ ni mimon-mimon taꞌ babaw junyaꞌ sampay ni sulgaꞌ. Yaꞌ ya maglumaꞌ ni siga langga ma bay jaꞌ pinabuwat meꞌ manusiyaꞌ.

1 Korin 2:10

Na siga supaat looy ilay siꞌ, lay na pinalahil meꞌ Tuhan ningkitabi man tabang Rū Sutsiꞌ muwanan kitabi pangahati. Batan katoonan Rū Sutsiꞌ mimon-mimon. Minsan hāl ma sinipuk banahan njawom atay Tuhan, katoonan na du.

2 Korin 3:14

Salla na, kuwan pagkahi ku bangsa Israil, labba man maruhuꞌ ngabut sampay batnaa, tud tohas kōk da. Sangkon tuktuk da matsa saraꞌ Nabi Musa, masi du yaꞌ tahati da kamaatunan na. Dari ko ngawon, tambun ni luwa Nabi Musa meꞌ lay na sinaynan pa jataꞌ pamiki da. Bong ina saꞌ Papuꞌ ngalakka, yaꞌ na kuhi lakka tambun ni pamiki da.