Matiyu 11:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Ni waktu looy siꞌ, kuwan si Yahiya ma Tukang Mandi, lay tajīl. Ndooy siꞌ, lay ya kaakahan pasal pabuwatan si Isa Almasi. Dari lay ya nohoꞌ mulit na kasohean pilay pa mman si Isa nohoꞌ nilaw.

Matiyu 11:2 ပူးပေါင်းရင်းမြစ်များ

Matiyu 1:17

Dari siꞌ, luu sapu-mpat pangkatan labba man jaman Nabi Ibrahim ngkod jaman Sultan Daud. Damikiyan, luu du baw sapu-mpat pangkatan labba man jaman Sultan Daud ngabut sampay pa jaman bangsa Israil bay tasungkub sampay binoo pa Babilon. Maka luu gi du baw sapu-mpat pangkatan labba man jaman bangsa Israil bay binoo pa Babilon ngabut sampay pa jaman man Almasi bay pinamaddihan.

Matiyu 14:3

Ngkon ilay Gubnul Herod bay mitsala meꞌ looy sabap hanggaw na ya pagka iya bay nohoꞌ si Yahiya sinungkuban sampay iningkotan boꞌ njīl. Kon na ilay bay nungkub sabap daran ya bay sinahawi meꞌ si Yahiya pasal kalaatan na bay ngagaw nda ariꞌ na si Pilip binuwat nda na. Awon danda looy siꞌ si Herodiyas.

Matiyu 4:12

Song hallom, lay na baw taaka si Isa lay tasungkub si Yahiya ma Tukang Mandi sampay lay na tajīl. Dari lay na baw ya pabeleng pa Nasaret ndooy ni Jalil.

Matiyu 9:14

Yaꞌ hallom, luu na baw siga mulit si Yahiya ma Tukang Mandi pilay pa mman si Isa, yuk da, “Kami itu ka ga Parisi daran puwasa, boꞌ siga mulit nu, niyaꞌ san. Ongoy lay la meꞌ looy?”

Malkus 6:17

Ngkon ilay Gubnul Herod bay mitsala meꞌ looy sabapan ilooy ma bay pabuwat na ni si Yahiya. Batan iya bay nohoꞌ si Yahiya sinungkuban sampay iningkotan boꞌ njīl. Kon na ilay bay nungkub sabap bay ya sinahawi meꞌ si Yahiya pasal kalaatan na bay ngagaw nda si Pilip, yana si Herodiyas. Boꞌ si Pilip ilay yana ariꞌ Gubnul Herod mismu.

Lukas 3:19

Pus mandooy, lay gi si Yahiya nahawi Gubnul Herod Antipas pasal dusa na bay ngagaw ipa na si Herodiyas binuwat nda na. Boꞌ meka gi jinisan kalaatan na bay binungka meꞌ si Yahiya.

Lukas 9:7

Na pag taaka Gubnul Herod pasal mimon bay kadarihan ga si Isa, yaꞌ na katoon-toonan na pamiki na sabap baꞌ-bāꞌ kasohean si Isa yana si Yahiya ma Tukang Mandi llum na pabalik.

Yahiya 4:1

Na song hallom, lay na baw kaakahan siga Parisi meka na jama mmeꞌ ni si Isa sampay lay na du pinandi meꞌ na. Boꞌ labi gi konoꞌ eka da man ni si Yahiya.