Matiyu 11:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

^11-14 Maka yuk si Isa, “Bong kam pitsayaꞌ ni bitsala ku, tahati bi jaꞌ silay si Yahiya ma Tukang Mandi yana Nabi Eliyas ma bay tinunaꞌ pabeleng pitu duhuꞌ man katakka Almasi. Baan ta kam banahan, bong inawnan manusiyaꞌ, yaꞌ luu bay pinamaddihan patingkat labi man si Yahiya. Sugaꞌ ni batnaa, soysoy ina tumabeꞌ na ni pamarinta Tuhan, san du pooy diyoꞌ na ni bandingan manusiyaꞌ, malaingkan patingkat gi ya man si Yahiya. “Na katakka pamarinta Tuhan ina, ndang bay na tinunaꞌ meꞌ mimon kanabi-nabihan sampay bay gi sinabbut ni saraꞌ Nabi Musa. Dari labba man waktu si Yahiya bay nagnaꞌ masaplag ngabut sampay batnaa, bohoꞌ binakbul na katakka pamarinta Tuhan. Salla na, luu na pin baw jama jahat naggaꞌ sagannap ma doman tabeꞌ ni pamarinta Tuhan.

Matiyu 11:11 ပူးပေါင်းရင်းမြစ်များ

Matiyu 11:10

Batan luu silay suwat njawom kitab lay na binakbul njataꞌ si Yahiya, ilooy ma yuk Tuhan ni Almasi, ‘Bbos-bbos luu sina sohoꞌ ku duhuꞌ man kau disu sosohoan ku masaplag mari saddiya na jama ni katakka nu.’ ”

Matiyu 3:1

Luu jaꞌ daka dangon taun, takka na baw si Yahiya ma Tukang Mandi masaplag ni lahat lau-lau yaꞌ maglumaꞌ ndooy ni Yahudiya.

Matiyu 3:11

Maka yuk si Yahiya lagi, “Luu gi sina pasunuꞌ niyaku tā biddaꞌ na langkaw kawasa-kapatut na man niyaku. Yaꞌ san ku tawop makkasan ingkot tumpaꞌ na. Aku tu mandi kaam ka boheꞌ jaꞌ tandaꞌ lay na kam nawbat. Boꞌ iya ina mintu, man na mandi kaam, Rū Sutsiꞌ ka api.

Matiyu 5:19

Sangkon san gi panohoan bantuk yaꞌ puntukan, soysoy bay ngalangga sampay moo-moo lagi ya siga pagkahi na ngalangga, inawnan ya pinakadiyoꞌ ni jawom pamarinta Tuhan. Sugaꞌ soysoy ina ngasip sampay noan siga pagkahi na mari sila ngasip du, malaingkan initung ya langkaw njawom pamarinta Tuhan.

Lukas 1:15

Iya ina mintu mehe hagaꞌ na ni bandingan Tuhan. Ndang ssob na ya meꞌ Rū Sutsiꞌ labba man kūn induꞌ na lagi. Subay ya yaꞌ nginum tubaꞌ anggul atawa oy-oy na pin inuman makalango.

Lukas 7:28

Yuk si Isa lagi, “Baan ta kam banahan, bong inawnan manusiyaꞌ, yaꞌ luu bay pinamaddihan patingkat labi man si Yahiya. Sugaꞌ ni batnaa, soysoy ina tumabeꞌ na ni pamarinta Tuhan, san du pooy diyoꞌ na ni bandingan manusiyaꞌ, malaingkan patingkat gi ya man si Yahiya.”

Lukas 9:48

Pag-anu, yuk na ninsila, “Ngaddoꞌ kam matakaddam ni anak-anak tuu. Soysoy ina ngahasi jama diyoꞌ pangkat na meꞌ karuha anak-anak tuu kalnaꞌ aku, sibuꞌ du sina ya ka ngahasi aku. Damikiyan, sagannap ma ngahasi aku, saliꞌ du sila ka bay ngahasi ilooy ma bay mapitu aku. Indanan bi, soysoy ina pinakadiyoꞌ pangatayan na ni baanan bi, iya na sina patingkat man sikamimon.”

Yahiya 1:15

Iya na silay ilooy ma bay binitsala meꞌ si Yahiya jaman na bay mandi jama. Jaman looy siꞌ, lay si Yahiya ngahowap masaplag pasal iya, yuk na, “Ituu na situ ilooy ma bay bāꞌ ku pasunuꞌ man aku. Sugaꞌ ni sabana na, duhuꞌ gi silay ya man aku sabap yaꞌ gi ku bay pinamaddihan, ndang luu na ya.”

Yahiya 10:41

Sasang na ndooy, meka na baw jama bay bahuklud pa mman na. Yuk da padisu-padisu, “Jaman si Yahiya la, yaꞌ bay pingkaꞌ mōꞌ siga sipat kawasa Tuhan. Sugaꞌ bong baw bay tunaꞌ na pasal lalla tuu, basta mawjud jaꞌ sikamimon.”

Yahiya 5:35

“Si Yahiya ilay, sibuꞌ karuha na ka disu sūꞌ dantaꞌ banahan ninag ni jawom lindom. Sampay bay du kam pingkaꞌ gāk samantalaꞌ meꞌ dantaꞌ na.

Yahiya 7:39

Na boheꞌ llum ilay ma bay inawnan meꞌ si Isa, yana Rū Sutsiꞌ ma song pinaasok ni soysoy pitsayaꞌ niiya. Sugaꞌ hallang-hallangan looy, yaꞌ gi bay pinaasok Rū Sutsiꞌ pa jawom atay jama sabap yaꞌ gi si Isa bay pabeleng pa sulgaꞌ.

1 Korin 15:9

Meꞌ ku ngingat, aku na pinakadiyoꞌ ni rasul si Isa sikamimon. Yaꞌ san ku tawop inawnan rasul na sabap bay ku ngalaugan sagannap ma pitsayaꞌ niiya.

1 Korin 6:4

Sangkon bong luu palkalaꞌ bi ka pagkahi bi, ongoy subay na pin sohoꞌ bi lagi hinukum ni siga jama sarī ma yaꞌ luu kabigiꞌ-bigian da ningkaam ma mmeꞌ ni si Isa?

Epesus 2:3

Kamasaꞌ, mimon ilay kitabi lay jaꞌ du bay lumingkaꞌ meꞌ looy jaman tabi bay maabak meꞌ nganduwan napsu tabi. Bay jaꞌ du kitabi buwat oy-oy kalaatan bay talangga pamiki tabi. Dari pagka meꞌ looy bay tabiat tabi, mastiꞌ tumiluꞌ jaꞌ kitabi pa jawom mulkaꞌ Tuhan meꞌ karuha mimon manusiyaꞌ ma yaꞌ ngisbat iya.

Epesus 3:8

Sabana na, ni mimon sukuꞌ Tuhan, aku ya labi yaꞌ tawop inawnan sukuꞌ na. Lipara, lay gi baw ku tapeneꞌ nohoꞌ masaplag ni siga bangsa saꞌ Yahudi pasal siga supaat mehe saꞌ taangan-angan ma takoleꞌ da bong sila tibuuk na ka Almasi.

2 Timuti 1:10

Boꞌ lai na situ pinalahil aseꞌ-tabang na pag taabut na bay mapitu si Isa Almasi pa junyaꞌ, yana tukang nalamat kitabi. Batan lay langkat si Isa kawasa kapatoy pag taabut na pinakallum pabalik. Maka lay gi ya masampay umanat mahap supaya soysoy pitsayaꞌ niiya koleꞌ kasampulnaan nyawa ma yaꞌ luu katapusan na.

Hibrani 11:40

Batan honaꞌ-honaꞌ Tuhan, mas mahap bong sila pinaagad ningkitabi ma dambuli supaya haboy na kitabi ka sila pinabuwat dambaanan ma yaꞌ na luu salla na pa Tuhan.

1 Pitel 1:10

Ni kapasal aseꞌ Tuhan nalamat kitabi, ndang bay silay tinunaꞌ meꞌ kanabi-nabihan. Sugaꞌ yaꞌ gi bay tumampak banahan ninsila. Sangkon wā sila papiha-piha bong oy kamaatunan bay tunaꞌ da.