Matiyu 10:5 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵ Pag-anu siꞌ, lay na sohoꞌ si Isa siga lalla looy siꞌ sikasapu-duwa ngalataan lahat masaplag. Sugaꞌ yaꞌ gi sila bay lakka, tugun si Isa ninsila, “Daa na doꞌ kam pilay pa siga kawum jama saꞌ Yahudi atawa pun pa siga daira pinaglahatan meꞌ bangsa Samariya.

Matiyu 10:5 ပူးပေါင်းရင်းမြစ်များ

Matiyu 22:3

Sakap jaꞌ siꞌ mimon, ilooy ma lay na sohoꞌ sultan looy siga tindog na ngaddoꞌ sagannap ma bay pahati na. Sugaꞌ yaꞌ sila kuhi mmeꞌ.

Matiyu 4:15

“Ndooy ni lahat panubuꞌ ga si Zebulun ka si Naptali, ndooy ni Jalil ni bihing danaw pa dambilaꞌ man Sōng Juldan, luu jinisan bangsa saꞌ Yahudi.

Malkus 6:7

Na disu llaw, lay linganan si Isa ga mulit na sikasapu-duwa pa bihing na. Luu jaꞌ siꞌ, lay sila sohoꞌ na ngalataan lahat masaplag duwa-duwa maglimbang paninggai-paninggai jaꞌ tiluꞌ da. Maka lay gi sila buwanan na kawasa-kapatut malakka siga seytan.

Lukas 10:1

Pus meꞌ looy, lay na baw Papuꞌ Isa meneꞌ pitumpuꞌ-duwa jama ni baanan ma mmeꞌ niiya. Pag-anu, boꞌ da sohoꞌ na lumān masaplag pa siga daira ka ga kakawum-kawman ma song tiniluꞌ meꞌ na. Meꞌ na bay nohoꞌ sila lumān, duwa-duwa maglimbang paninggai-paninggai jaꞌ tiluꞌ da.

Lukas 10:33

“Yaꞌ hallom, pasunuꞌ na baw disu lalla bangsa Samariya. Pag takita na lalla looy, kapaluuy ya san iya bangsa kinagigitan meꞌ bangsa Yahudi.

Lukas 17:16

Pag takka na pa mman si Isa, lay ya sujud ni awpan na sambayan na magsuku. Iya ilay siꞌ bangsa Samariya.

Lukas 9:1

Na luu disu llaw, lay linganan si Isa ga rasul na sikasapu-duwa nohoꞌ kumpo pa bihing na. Luu jaꞌ siꞌ, lay sila buwanan na kawasa-kapatut malakka siga seytan sampay ngulian jama sakihan.

Lukas 9:2

Pus meꞌ looy, lay na sila sinohoꞌ ngalataan lahat masaplag umanat mahap pasal pamarinta Tuhan sampay nohoꞌ ngulian jama ma sakihan.

Yahiya 17:18

Batnaa sohoꞌ ku na sila ngalataan junyaꞌ masaplag umanat nu meꞌ karuha aku du bay sohoꞌ nu pitu pa junyaꞌ.

Yahiya 20:21

Pag-anu siꞌ, lay na baw si Isa halling pabalik, “Kasannangan ningkaam. Yana meꞌ Mmaꞌ ku bay mapitu aku nohoꞌ masaplag umanat mahap, damikiyan, sohoꞌ ta na du kam ngalataan lahat masaplag.”

Yahiya 4:20

Pagka meꞌ naa, bong dari, luu tilaw ku ningkau. Ga kabboꞌ-bboan kami bangsa Samariya, bay man da numba Tuhan, taꞌ punu naa. Boꞌ kaam baw bangsa Yahudi, baꞌ-bāꞌ bi, subay ni Jerusalem man jama numba Tuhan. Bong kau, mamooy lay la tuwaꞌ?”

Yahiya 4:5

Ndooy siꞌ ni Samariya, lay na sila nakka pa bihing disu daira inawnan Saykal, tapit pa tanaꞌ ma bay ndean meꞌ Nabi Yaꞌkub ni anak na si Yusup maruhuꞌ-ruhuꞌ.

Yahiya 4:9

Yuk danda looy baw siꞌ tu, “Hati, kau bangsa Yahudi, ongoy baw taggahaꞌ ko nohoꞌ pinainuman niyaku? Aku bitu bangsa Samariya.” Ngkon na bay halling meꞌ looy sabap bangsa Yahudi tanyag yaꞌ kuhi maglamud ka bangsa Samariya.

Yahiya 7:35

Dari siꞌ, sitilaw-tilaw na ga siga pa-mmean Yahudi, yuk da, “Paninggai doꞌ ilay tiluꞌ lalla looy yaꞌ san konoꞌ ya tatammu tabi? Marean ta pilay ya pa lahat sarī man kasohean pagkahi tabi Yahudi maglahat, boꞌ na noan bangsa Greek ndooy.

Yahiya 8:48

Pag tampung siga Yahudi ndooy, “Tud bana du hati bay halling kami kau bangsa Samariya, boꞌ sineytan gi ko.”

Salsila siga Rasul 1:8

Sugaꞌ subay katoonan bi, binuwanan du sina kam kawasa pag mintu kam pinatannaan na Rū Sutsiꞌ. Dari masaplag na sina kam mintu pasal aku ni Jerusalem sampay ni sikaliput Yahudiya ka Samariya, maka sampay pa sika-mpat pidju alam.”

Salsila siga Rasul 10:45

Dari kuwan siga Yahudi sukuꞌ si Isa ma bay mmeꞌ ni si Pitel, tud bay jayip sila pag ndaꞌ da sampay bangsa saꞌ Yahudi lay na du kaladjikian pinatannaan Rū Sutsiꞌ.

Salsila siga Rasul 8:1

Pag-anu siꞌ, lay na kinubu si Esteben meꞌ siga jama ma ngisbat Tuhan. Boꞌ tud bay mag-ulawi sila. Sugaꞌ kuwan si Sol siꞌ tu, gam pin nanglitan sagannap ma bay mapatoy si Esteben. Boꞌ lay gi ya magtuyuꞌ-tuyuꞌ mabinasa baanan sukuꞌ si Isa. Bbuwatan na, padisu-padisu lumaꞌ ngangguyud-guyud sila pa poan, danda lalla, boꞌ da inisi njawom jīl. Dari siꞌ, labba man llaw kapatoy si Esteben, magdaruhun na pin basag laug sampay kabinsanaan njataꞌ mimon ma mmeꞌ ni si Isa ndooy ni Jerusalem. Na hangat sila bininsanaꞌ, meka na sila bay maglahiyan man Jerusalem, sampay lay na sila magsaw-simpāk pa kakawum-kawman ni sikaliput Yahudiya ka Samariya. Ilooy sa bay tamban ni Jerusalem yana siga rasul si Isa.

1 Tesaloneka 2:16

Batan pag ndaꞌ da kami masaplag supaya luu dapat kabangsa-bangsahan saꞌ Yahudi salamat, buwatan da nulang kami. Tamba-manamba na pin eka dusa da sampay man da na song kalabuan mulkaꞌ Tuhan.