Matiyu 10:28 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁸ Daa na kam tawu ni jama ma takaya da mapatoy baran bi. Ndang-ndang yaꞌ du sina takaya da mapatoy nyawa bi. Arapun ilooy ya subay katawuhan bi yana Tuhan sabap labba man baran bi sampay nyawa bi ina tapabinasa du meꞌ na njawom nalkaꞌ.

Matiyu 10:28 ပူးပေါင်းရင်းမြစ်များ

Matiyu 10:26

Yuk si Isa lagi, “Daa kam tawuhan siga jama ma lammis ningkaam. Batan mimon pabuwatan da ma sinipuk, luu jaꞌ sina masa bungka kalaatan da. Batan oy-oy ina bay llimbuhan, bbos-bbos tinayang du. Maka oy-oy bay sinipuk, pinalahil du ni sinōng.

Matiyu 25:46

Pag-anu, yuk si Isa, “Na siga jama meꞌ looy ilay ma bay sabbut ku siꞌ dambuli, llakkahan na silay mintu sampay minulkaan saumu-umu. Boꞌ siga jama looy ma intong, binuwanan na kasampulnaan nyawa njawom okoman Tuhan saumu-umu.”

Matiyu 5:22

Sugaꞌ batnaa, ituu jaꞌ meꞌ ku maka kaam: Minsan ina lasu jaꞌ kam ni pagkahi bi, mastiꞌ piligru du kam kalabuan hukuman. Maka soysoy mahallingan pagkahi na, ‘Yaꞌ luu guna nu,’ mastiꞌ piligru du ya binoo pa baanan Sanhidrin hinukum. Maka soysoy ngawnan pagkahi na manusiyaꞌ dupang, mastiꞌ piligru du ya pinidjalaꞌ ni api nalkaꞌ.

Yahiya 5:29

Pag-anu, pōꞌ du sila. Kuwan sagannap ma bay buwat kaintongan, binuwanan na kaallum ma yaꞌ luu katapusan na njawom okoman Tuhan. Kuwan sagannap ma bay buwat kalaatan, kalabuan jaꞌ sina hukuman.”

Salsila siga Rasul 21:13

Sugaꞌ iya tampung si Pol, “Ongoy kam nangisan aku? Daa na ba gangguun bi iman ku. Daa palagi sat njīl, san kapatoy ndooy ni Jerusalem atas ku du kalnaꞌ Papuꞌ Isa.”

Hibrani 10:31

Boꞌ katawu-tawu sina mintu ni soysoy bay kalabuan hukuman Tuhan sabanna ma llum saumu-umu.

Hibrani 11:35

Maka luu gi karandahan bay kapatoyan, sugaꞌ sabapan pangando da, lay na llum pabalik kakasi da. Sugaꞌ luu du baw silay sukuꞌ Tuhan bay sigi-sigi pinakissahan paddi ngabut sampay man da matoy sabap meꞌ da yaꞌ kuhi ngalabbahan pangando da pa Tuhan. Bong siꞌ ilay sila bay kuhi ngalabba, mastiꞌ lay jaꞌ sila pinōꞌ. Sugaꞌ honaꞌ-honaꞌ da, gam na tatasan da supaya sila sannang pag mintu taabut pinakallum pabalik mimon manusiyaꞌ.

Yaꞌkub 4:12

Disu du sina poonan saraꞌ maka isu-isu iya huwis sabanna, yana Tuhan. Damikiyan, iya du ngantanan kawasa-kapatut nalamat manusiyaꞌ atawa ngahansu sila. Sangkon subay kam yaꞌ os-os manding pagkahi bi pa kalaatan batan yaꞌ luu kapatut bi ngahukum.

1 Pitel 3:14

Sugaꞌ sawpama kam bay bininsanaꞌ sabap meꞌ bi paintong, mastiꞌ luu supaat Tuhan njataꞌ bi. Sangkon daa kam hanggaw atawa tawu ni manusiyaꞌ.

Siga Pakaradjaan bay Pinalahil 2:10

Na mari katoonan bi, luu gi sina mintu kabinsanaan mehe tuwaꞌ njataꞌ bi. Kasohean kam ina tajīl man kapandoyan Ibilis. Sinuwayan sina mintu pangando bi niyaku. Njawom sapū ngallaw yaꞌ sina luu hantiꞌ laug njataꞌ bi. Sugaꞌ daa kam tawu. Magkanaalla jaꞌ kam mmeꞌ niyaku san gi man bi matoy, boꞌ bi sa tungbasan ku ka kaallum ma yaꞌ luu katapusan na.