Matiyu 10:26 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁶ Yuk si Isa lagi, “Daa kam tawuhan siga jama ma lammis ningkaam. Batan mimon pabuwatan da ma sinipuk, luu jaꞌ sina masa bungka kalaatan da. Batan oy-oy ina bay llimbuhan, bbos-bbos tinayang du. Maka oy-oy bay sinipuk, pinalahil du ni sinōng.

Matiyu 10:26 ပူးပေါင်းရင်းမြစ်များ

Matiyu 10:28

Daa na kam tawu ni jama ma takaya da mapatoy baran bi. Ndang-ndang yaꞌ du sina takaya da mapatoy nyawa bi. Arapun ilooy ya subay katawuhan bi yana Tuhan sabap labba man baran bi sampay nyawa bi ina tapabinasa du meꞌ na njawom nalkaꞌ.

Malkus 4:22

Intong na, pag pōꞌ kabanahan, mimon ma bay llimbuhan, pinalahil na. Damikiyan, mimon ina ma bay sinipuk, kinatoonan na.

Lukas 24:47

Maka yuk si Isa, “Luu gi bay sinuwatan subay pinasaplag umanat mahap pasal Almasi ni mimon kabangsa-bangsahan nagnaꞌ mantuu ni Jerusalem. Subay jama binaan bong tawbatan da dusa da maka pitsayaꞌ ni Almasi, malaingkan inampun na sila meꞌ Tuhan.

Lukas 8:17

Batan basta ina lay na ginowet palitaan, yaꞌ luu saꞌ karantaan meꞌ na. Intong na, pag pōꞌ kabanahan, mimon ma bay llimbuhan, pinalahil na. Damikiyan, mimon ma bay sinipuk, kinatoonan na.

Salsila siga Rasul 1:8

Sugaꞌ subay katoonan bi, binuwanan du sina kam kawasa pag mintu kam pinatannaan na Rū Sutsiꞌ. Dari masaplag na sina kam mintu pasal aku ni Jerusalem sampay ni sikaliput Yahudiya ka Samariya, maka sampay pa sika-mpat pidju alam.”

Salsila siga Rasul 4:13

Pag ndaꞌ baanan siga pa-mmean agama ndooy nawakka ga si Pitel ka si Yahiya mitsala, tud bay jayip sila. Batan katoonan da yaꞌ san sila iskulan maka jama biyasa sadjaꞌ sila. Sugaꞌ hangat sila ngaliling, takila da na sila sikaduwa ndang bay lungbid ka si Isa.

Salsila siga Rasul 4:19

Sugaꞌ iya tampung si Pitel ka si Yahiya, “Pamikihan bi teꞌ ba bong mamooy numan ni kahandak Tuhan: Subay kaam binean atawa iya?

1 Korin 4:5

Sangkon daa subay na pin kam os-os manding pabuwatan jama. Agarun bi na doꞌ katakka Papuꞌ. Iya sa mungka mimon ma bay sinipuk sampay mimon niyat atay jama. Bong ina mintu mahap du niyat atay da, koleꞌ jaꞌ sina sila saliꞌ-saliꞌ sanglit Tuhan.

1 Pitel 3:14

Sugaꞌ sawpama kam bay bininsanaꞌ sabap meꞌ bi paintong, mastiꞌ luu supaat Tuhan njataꞌ bi. Sangkon daa kam hanggaw atawa tawu ni manusiyaꞌ.