Matiyu 10:23 - Sabahagiꞌ Kitab Tawrat: Panagnaan ni Awwal Jaman maka Kitab Injil

²³ Bila basag laug njataꞌ bi ni disu daira, lakka na kam, boꞌ bi pawus pa disu daira masaplag. Baan ta kam banahan, yaꞌ gi ina mintu bay katis mimon daira ntuu ni Israil taabut bi, luu na du Anak Manusiyaꞌ takka pa mman bi.”

Matiyu 10:23 ပူးပေါင်းရင်းမြစ်များ

Matiyu 16:27

Ni sinōng, pabeleng du situ Anak Manusiyaꞌ ka ga malaikat na pa junyaꞌ liput meꞌ sahayaꞌ Mmaꞌ na. Pag-anu, boꞌ na nungbasan mimon manusiyaꞌ ni oy-oy bay pabuwat da, mahap-maat.

Matiyu 16:28

Maka baan ta kam banahan, kasohean kam ma luu nangge ntuu, yaꞌ gi situ kam mintu bay matoy, ndang takita bi na katakka Anak Manusiyaꞌ ddas ka pamarinta na.”

Matiyu 2:13

Lay jaꞌ lakka ga lalla looy siꞌ ma halul-akka, lay na baw tinammuhan si Yusup meꞌ malaikat Tuhan njawom upihan, yuk na, “Sinohoꞌ na sina mintu meꞌ Sultan Herod siga sundalu na miha anak-anak naa supaya tapapatoy da. Bangun na ko! Boonun na anak-anak naa maka nneꞌ na lahi pa Ejip. Maglahat na doꞌ kam ndooy ngkod-ngkoran bi yaꞌ gi bay sohoꞌ ku pabeleng.”

Matiyu 23:34

Batan luu-luu ina mintu sohoꞌ ku pitu pa mman bi siga nabi ka ga jama halul-akka ka ga guru, kasohean llansang jaꞌ du meꞌ bi taꞌ tehang. Kuwan kasohean, pinawu-pawu meꞌ bi ni siga langga bi sampay inonse meꞌ bi padisu-padisu lahat.

Matiyu 23:36

Baan ta kam banahan, mulkaꞌ ma bay sabbut ku ilay siꞌ, mastiꞌ labuꞌ du sina mintu pa jataꞌ bi siga Yahudi ni angkat-angkatan batnaa.”

Matiyu 24:27

Batan pag ina mintu pabeleng na ku, yana Anak Manusiyaꞌ, tumatandaꞌ na ni sikamimon katakka ku, meꞌ karuha mangirat ninag taꞌ langit man mataallaw pa saddopan.”

Matiyu 24:30

Pag-anu, luu na pōꞌ man taꞌ langit sipat ni katakka Anak Manusiyaꞌ. Maka takita na sina ya duwai taꞌ tayiꞌ baliyu nahayaꞌ na ni kaehe kawasa na. Dari sikamimon manusiyaꞌ ma yaꞌ mmeꞌ niiya magkarukkaan na sina.

Matiyu 24:34

“Baan ta kam banahan, yaꞌ gi sina mintu katis matoy jama angkat-angkatan batnaa, ndang nagnaꞌ na binakbul ilooy ma bay sabbut ku siꞌ.

Matiyu 24:48

Sugaꞌ bong ilay ya ata maat, bbuwatan na minsanaꞌ pagkahi na ata maka nginum-mangan jaꞌ ya ka jama palalango. Njawom honaꞌ-honaꞌ na, hallom gi du takka papuꞌ na.

Matiyu 25:13

“Sangkon,” yuk si Isa, “subay ndang saddiya na kam, batan yaꞌ tatunaꞌ bi bong llaw oy atawa lisag dangoy katakka ku ni sinōng.”

Matiyu 26:64

Iya tampung si Isa niiya, “Meꞌ halling sambat nu na du bilay siꞌ. Maka baan ta kam banahan, luu du sina masa ni sinōng, takita bi Anak Manusiyaꞌ ningkōꞌ huwin pa kawnan man Tuhan Sangat Kawasa. Maka bbos-bbos takita bi du sina ya takka man sulgaꞌ taꞌ tayiꞌ baliyu.”

Matiyu 4:12

Song hallom, lay na baw taaka si Isa lay tasungkub si Yahiya ma Tukang Mandi sampay lay na tajīl. Dari lay na baw ya pabeleng pa Nasaret ndooy ni Jalil.

Malkus 13:26

“Pus meꞌ looy, takita na sina Anak Manusiyaꞌ duwai njawom tayiꞌ baliyu ni kaehe kawasa na ddas ka sahayaꞌ na.

Lukas 18:8

Gam pin, baan ta kam banahan, tabangan na gi sina sila pasiglaꞌ. Sugaꞌ san ina meꞌ naa na timbang Tuhan ninsila, pag beleng ku, yana Anak Manusiyaꞌ, luu gi kilay mintu jama pitsayaꞌ niyaku?”

Lukas 21:27

“Na pus meꞌ looy, takita na leꞌ sikamimon manusiyaꞌ aku, yana Anak Manusiyaꞌ, liput meꞌ tayiꞌ baliyu duwai pa junyaꞌ ddas ka kawasa mehe ka kabantugan saꞌ alang-alang.

Yahiya 7:1

Paddus meꞌ looy siꞌ, ndooy sa ni kakawum-kawman Jalil bay palanan si Isa. Yaꞌ na ya bay pilay pa Yahudiya sabap siga pa-mmean Yahudi ndooy doman na jaꞌ mapatoy iya.

Salsila siga Rasul 17:10

Pag ndaꞌ siga sukuꞌ si Isa ndooy meꞌ looy, honaꞌ-honaꞌ da gam na sohoꞌ da ga si Pol ka si Saylas halin pa daira Bereya. Dari sangom looy du, lay na ga si Pol tinuhiyan meꞌ siga sukuꞌ si Isa pa behe lān. Pag takka da ni Bereya, lay na baw sila paasok pa jawom langga siga Yahudi.

Salsila siga Rasul 17:14

Dari magti si Pol sinohoꞌ leꞌ siga pagkahi na sukuꞌ si Isa patangkaw pa kalawakan ndooy ni tapiyan mari tahan na mmeꞌ patuwak taꞌ adjung. Sugaꞌ kuwan ga si Saylas ka si Timuti, lay na doꞌ tamban ndooy ni Bereya.

Salsila siga Rasul 20:1

Paddus jaꞌ kahiluhalaan looy siꞌ, lay na tinawag meꞌ si Pol sagannap ma mmeꞌ ni si Isa ndooy. Luu jaꞌ siꞌ sila, lay gi sila paintoman na man na matakkoꞌ pangando da ni si Isa. Pag lupus, lay na ya muhun palakka, lān na song pilay pa Masidunya.

Salsila siga Rasul 8:1

Pag-anu siꞌ, lay na kinubu si Esteben meꞌ siga jama ma ngisbat Tuhan. Boꞌ tud bay mag-ulawi sila. Sugaꞌ kuwan si Sol siꞌ tu, gam pin nanglitan sagannap ma bay mapatoy si Esteben. Boꞌ lay gi ya magtuyuꞌ-tuyuꞌ mabinasa baanan sukuꞌ si Isa. Bbuwatan na, padisu-padisu lumaꞌ ngangguyud-guyud sila pa poan, danda lalla, boꞌ da inisi njawom jīl. Dari siꞌ, labba man llaw kapatoy si Esteben, magdaruhun na pin basag laug sampay kabinsanaan njataꞌ mimon ma mmeꞌ ni si Isa ndooy ni Jerusalem. Na hangat sila bininsanaꞌ, meka na sila bay maglahiyan man Jerusalem, sampay lay na sila magsaw-simpāk pa kakawum-kawman ni sikaliput Yahudiya ka Samariya. Ilooy sa bay tamban ni Jerusalem yana siga rasul si Isa.