Matiyu 10:19 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁹ Bila kam mintu sinumariya na, daa na kam hanggaw bong oy tampung bi. Ndang-ndang luu du sina Rū Tuhan ngunungan kaam sampay muwanan kaam bitsala pataꞌ man nampung.

Matiyu 10:19 ပူးပေါင်းရင်းမြစ်များ

Matiyu 10:18

Kasohean ina kam binoo gi pa awpan siga gubnul ka ga sultan nohoꞌ hinukum sabap meꞌ bi mmeꞌ niyaku. Sugaꞌ ingatun bi inaa na sina lawang man bi masaplag umanat mahap ninsila sampay ni siga jinisan bangsa kapil.

Matiyu 6:25

“Sangkon, daa na kam hanggaw ni hāl meꞌ bi llum, meꞌ sapantun hāl kinakan ka inuman sampay pamakoy bi. Pagka ina Tuhan bay muwanan kaam napas ka baran, labi na baw bong sat kinakan ka pamakoy saꞌ tapamuwan na.

Matiyu 6:31

Sangkon, daa na kam hanggaw ni kapasal pooy meꞌ bi koleꞌ kinakan ka inuman atawa pamakoy.

Matiyu 6:34

Sangkon, daa na kam hanggaw ni hāl ma inabut meꞌ bi sumawung. Saddong na siga problema ma luu ni llaw tuu, san daa na sampunan bi.”

Lukas 12:11

“Na luu du sina mintu masa bi sinungkuban sabap mmeꞌ na kam niyaku, boꞌ bi binoo pa langga atawa pa lumaꞌ saraꞌ hinukum. Pag ina mintu luu na katuwaꞌ ningkaam meꞌ looy, daa na kam hanggaw bong pooy meꞌ bi nampung atawa oy subay halling bi.

Lukas 12:12

Luu du sina Rū Sutsiꞌ maan kaam bong oy pataꞌ subay bitsala bi.”

Salsila siga Rasul 6:10

Sugaꞌ yaꞌ luu meꞌ da tumunga ni bitsala si Esteben sabap luu na pin Rū Sutsiꞌ magpandoyan iya ngandaawa.

Pilipi 4:6

Oy-oy jaꞌ katuwaꞌ ningkaam, daa kam susa. Gam pin maku kam pa Tuhan oy-oy jaꞌ gunahan ningkaam maka daa takupan bi muwan pagsukuhan niiya.

2 Timuti 4:17

Para na pin, jaman ku bay sinumariya, lai du ku bana inunungan meꞌ Papuꞌ Isa. Boꞌ bay gi ya nganggaosan aku masaplag umanat na labbasakayi ni mimon jama saꞌ Yahudi ndooy. Sat na jaꞌ, sasang ku ilay siꞌ bay sinumariya, parasahan ku subay ga ku hayop liput na meꞌ baanan halimaw. Kahapan, lay du ku sinalamat meꞌ Papuꞌ man bahaya looy.

Yaꞌkub 1:5

Bong luu ni baanan bi kulang pangahati, maku jaꞌ kam pa Tuhan. Kabuwanan jaꞌ sina kam batan Tuhan ina gāk nabangan mimon jama ma maku niiya. Boꞌ yaꞌ sina luu loog-loog atay na bong kitabi maku.