Matiyu 10:17 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁷ Iyakin kam batan luu sina mintu masa bi sinungkuban sampay binoo gi pa mman baanan kapakihan nohoꞌ hinukum. Boꞌ llagpiꞌ gi sina kam ni pag-awpan siga jamaa ni siga langga da.

Matiyu 10:17 ပူးပေါင်းရင်းမြစ်များ

Matiyu 10:18

Kasohean ina kam binoo gi pa awpan siga gubnul ka ga sultan nohoꞌ hinukum sabap meꞌ bi mmeꞌ niyaku. Sugaꞌ ingatun bi inaa na sina lawang man bi masaplag umanat mahap ninsila sampay ni siga jinisan bangsa kapil.

Matiyu 20:19

Pag-anu, boꞌ ku pina-ntan na baw ni bangsa Rom binuwat kalabbiyan, boꞌ llagpiꞌ ka llansang gi taꞌ tehang sampay matoy. Sugaꞌ pag ina mintu taabut ni katallu ngallaw, pinakallum du ku.”

Matiyu 23:34

Batan luu-luu ina mintu sohoꞌ ku pitu pa mman bi siga nabi ka ga jama halul-akka ka ga guru, kasohean llansang jaꞌ du meꞌ bi taꞌ tehang. Kuwan kasohean, pinawu-pawu meꞌ bi ni siga langga bi sampay inonse meꞌ bi padisu-padisu lahat.

Matiyu 26:59

Na kuwan siga imam langkaw ka mimon pagkahi da paki njawom baanan Sanhidrin, miha na pin saksiꞌ nohoꞌ mitnahan si Isa supaya tasohoꞌ da na pinapatoy.

Matiyu 5:22

Sugaꞌ batnaa, ituu jaꞌ meꞌ ku maka kaam: Minsan ina lasu jaꞌ kam ni pagkahi bi, mastiꞌ piligru du kam kalabuan hukuman. Maka soysoy mahallingan pagkahi na, ‘Yaꞌ luu guna nu,’ mastiꞌ piligru du ya binoo pa baanan Sanhidrin hinukum. Maka soysoy ngawnan pagkahi na manusiyaꞌ dupang, mastiꞌ piligru du ya pinidjalaꞌ ni api nalkaꞌ.

Malkus 13:12

“Ni sinōng, luu sina jama ma yaꞌ pitsayaꞌ niyaku taaku da minsan danganakan da langgung nohoꞌ pinapatoy sabap meꞌ da mmeꞌ niyaku. Damikiyan, luu du sina mintu siga induꞌ-mmaꞌ ma yaꞌ pitsayaꞌ niyaku taaku da minsan anak da mismu nohoꞌ pinapatoy. Kasohean anak pun, bong tasayu da induꞌ-mmaꞌ da mmeꞌ niyaku, mastiꞌ binanta du meꞌ da sampay taaku da lagi nohoꞌ pinapatoy.

Malkus 13:9

“Na kuwan kaam ina, iyakin kam batan luu sina mintu masa bi sinungkuban sampay binoo gi sina kam pa mman baanan kapakihan nohoꞌ hinukum. Boꞌ llagpiꞌ gi kam ni pag-awpan siga jamaa ni siga langga da. Kasohean ina kam binoo gi pa awpan siga gubnul ka ga sultan nohoꞌ hinukum ninsila sabap meꞌ bi mmeꞌ niyaku. Sugaꞌ sabap meꞌ looy, luu na dapat bi masaplag umanat mahap ninsila.

Lukas 12:11

“Na luu du sina mintu masa bi sinungkuban sabap mmeꞌ na kam niyaku, boꞌ bi binoo pa langga atawa pa lumaꞌ saraꞌ hinukum. Pag ina mintu luu na katuwaꞌ ningkaam meꞌ looy, daa na kam hanggaw bong pooy meꞌ bi nampung atawa oy subay halling bi.

Yahiya 11:47

Dari bbuwatan siga Parisi ka ga imam langkaw, magti bay nawag baanan Sanhidrin binoo isun. Kumpo jaꞌ siꞌ sila sikamimon, yuk da, “Pooy tu pamiki tabi? Lalla looy ilay, meka na pabuwatan kahaylan-haylan bay pinōꞌ meꞌ na.

Yahiya 16:2

Batan luu sina mintu masa bi yaꞌ pinadari nindak langga sabap meꞌ bi mmeꞌ niyaku. Boꞌ kasohean kam ina sampay pinapatoy lagi. Sila ilay ma doman mapatoy kaam, kanna da katabang pa Tuhan bong sila buwat kaam meꞌ looy.

Salsila siga Rasul 17:14

Dari magti si Pol sinohoꞌ leꞌ siga pagkahi na sukuꞌ si Isa patangkaw pa kalawakan ndooy ni tapiyan mari tahan na mmeꞌ patuwak taꞌ adjung. Sugaꞌ kuwan ga si Saylas ka si Timuti, lay na doꞌ tamban ndooy ni Bereya.

Salsila siga Rasul 22:19

“Sugaꞌ yuk ku, ‘Papuꞌ, balangkali baw ba sila kuhi pakale ni bitsala ku. Ndang-ndang katoonan da na du daran ku padisu-padisu langga nungkub ka nganjīl sampay mawu-pawu sagannap ma pitsayaꞌ ningkau.

Salsila siga Rasul 26:11

Maka kansang gi ku padisu-padisu langga miha sila ma mmeꞌ ni si Isa. Luu-luu tatammu ku, lay jaꞌ du pidjalaꞌ ku balangkali sila takoleꞌ ku na pinaggos nikutan si Isa sampay malaat iya. Ni kagigit tabbuk ku, lay gi ku ngalataan siga daira ni katāhan bong pin sila tapidjalaꞌ ku jaꞌ.

Salsila siga Rasul 9:2

maku katarangan mari luu kapatut na nungkuban soysoy tatammu na, danda ka lalla, ma mmeꞌ ni tōꞌ si Isa. Kainagon na moo katarangan looy man na makitahan siga pa-mmean ni kalangga-langgahan bangsa Yahudi ndooy ni Damaskus. Batan doman ya sumunsayaꞌ nungkuban siga sukuꞌ si Isa, boꞌ binoo pa Jerusalem njīl.

Pilipi 3:2

Iyakin kam sabap luu sina nnaa kasohean mōꞌ tōꞌ palsu. Sila ina tadalil pa idoꞌ pangeket, batan tōꞌ da ina kabinasa ni jama. Baꞌ-bāꞌ da, bong kitabi yaꞌ bay inislam, yaꞌ kitabi dari sukuꞌ Tuhan.

Hibrani 11:36

Luu gi silay kasohean, sabapan pangando da, bay lumingkaꞌ binuwat kalabbiyan sampay llagpiꞌ. Kasohean pinusas na ga ka karina sampay tajīl gi.