Matiyu 1:21 - Sabahagiꞌ Kitab Tawrat: Panagnaan ni Awwal Jaman maka Kitab Injil

²¹ Pag maddi na ina mintu, lalla anak na. Awnan nu ya si Isa, hati na tukang nalamat, sabap iya na sina mintu nalamat siga sukuꞌ na mari sila yaꞌ minulkaan sabapan bay dusa da.”

Matiyu 1:21 ပူးပေါင်းရင်းမြစ်များ

Panagnaan 17:19

“Ohoꞌ ba,” yuk Tuhan, “sugaꞌ meꞌ halling ku na siꞌ, luu du sina mintu anak bi ka si Sara. Pag pōꞌ na, awnan nu si Isahak. Iya na sina mintu sampay na ga panubuꞌ na ma pasunuꞌ ngantanan pagsulutan ta ma yaꞌ tabaluba saumu.

Panagnaan 17:21

Sugaꞌ bong baw ni bay pagsulutan ta siꞌ, basta subay labuꞌ pa anak nu si Isahak. Yaꞌ na du sina hallom, pinamaddihan na du ya meꞌ si Sara, magkulang-labi ni buwan tuu ni taun tuu ma sinōng.”

Panagnaan 18:10

Na disu ni siga bisita looy siꞌ yana Tuhan. Pag-anu, yuk na ni si Ibrahim, “Ni taun tuu ma sinōng magkulang-labi ni buwan tuu, pabeleng du ku pitu. Pag pitu ku ina mintu pabalik, ndang anakan na sina si Sara lalla.” Na si Ibrahim siꞌ tu ka si Sara ndang tud toa na sampay tupa na ga si Sara. Na si Sara siꞌ tu, ndang luu ni bukutan da pakale-kale ni bihing behe lawang. Dari pag takale na halling bisita da meꞌ looy,

Matiyu 1:25

Sugaꞌ yaꞌ gi sila bay pingkaꞌ ubay ngkod-ngkoran yaꞌ gi bay pinamaddihan anak na. Pag maddi si Mariyam, lalla du bana anak na. Sampay lay na du bay inawnan si Isa meꞌ si Yusup.

Lukas 1:13

Sugaꞌ yuk malaikat looy niiya, “Daa ko ba tawu Jakariya. Aku itu bay sinohoꞌ mahati kau kinabbul na meꞌ Tuhan bay duwaa nu maku anak. Battong na sina mintu nda nu. Pag maddi na, lalla anak na. Awnan bi sa ya si Yahiya.

Lukas 1:31

Pakale ko. Song battong na sina ko. Pag maddi nu ina mintu, lalla anak nu. Awnan nu sa ya si Isa.

Lukas 2:11

Sangom tuu du siꞌ, luu na tukang nalamat bahau jaꞌ bay pinamaddihan ndooy ni bay daira Sultan Daud. Anak-anak looy ilay yana Almasi, Papuꞌ ma bay njanjiꞌ meꞌ Tuhan.

Lukas 2:21

Na ngabut jaꞌ siꞌ wawuꞌ ngallaw umu anak-anak looy, lay na inislam. Maka lai na du inawnan si Isa, yana awon ma bay ndean leꞌ malaikat looy waktuhan na yaꞌ gi bay pinabattongan meꞌ nneꞌ na.

Yahiya 1:29

Pag meꞌ sumawung, takita si Yahiya na si Isa pasōng pa mman na. Dari yuk na ni baanan jama ndooy, “Alu na lalla ma ginalla Bili-bili Tuhan ma muwasan dusa manusiyaꞌ.

Yahiya 4:42

Dari halling da siꞌ man danda looy, “Saꞌ na situ sat ni bay tuntut nu man kami pitsayaꞌ niiya, batan kami na mismu lay na du kale bitsala na. Maka tabista kami na basta tud iya na tukang nalamat manusiyaꞌ.”

Salsila siga Rasul 13:23

Yuk si Pol lagi ninsila, “Na hallom maka hallom na, luu na baw pōꞌ disu panubuꞌ Sultan Daud yana si Isa, tukang nalamat ma bay njanjiꞌ meꞌ Tuhan ni bangsa tabi Israil.

Salsila siga Rasul 3:26

Na panubuꞌ looy ilay siꞌ yana Ilooy ma Sutsiꞌ, ma wā mmeꞌ ni kahandak Tuhan, yana si Isa. Iya bay pinapitu meꞌ Tuhan duhuꞌ pa mman bangsa tabi Yahudi nabangan kitabi nikutan mimon kalaatan tabi.”

Salsila siga Rasul 4:12

Na iya ilay, isu-isu iya kasalamat ningkitabi. Batan yaꞌ luu taꞌ babaw junyaꞌ sarī man iya bay papitu Tuhan nalamat manusiyaꞌ.”

Salsila siga Rasul 5:31

Pag batnaa, lay na ya pinatingkōꞌ meꞌ Tuhan pa bihing na huwin pa kawnan njawom kabantugan mehe. Maka lay na ya binuwat panghuluꞌ maka tukang nalamat. Kon meꞌ looy, supaya tabuwanan na na kitabi bangsa Israil lawang man tabi nawbatan mimon dusa tabi, boꞌ tabi koleꞌ na kaampunan.

Taytus 2:14

Iya ilay, lay na ga bay nongan umu na kalnaꞌ kitabi supaya tapaddusan na na kitabi man tabiat tabi buwat dusa, maka supaya tapasutsiꞌ na kitabi. Batan kahandak na ina, luu na sukuꞌ na ma tinagi buwat mahap, ma pabiddaꞌ man kasohean manusiyaꞌ.

Hibrani 7:25

Sangkon, tapajatu na na banahan nalamat sagannap ma doman mahap na pa Tuhan, basta sila pitsayaꞌ jaꞌ niiya. Iya ilay llum saumu-umu maka wā ya makuhan sila timbang pa Tuhan.

1 Yahiya 1:7

Sugaꞌ bong itu kitabi tattog njawom dantaꞌ meꞌ karuha Tuhan, dambuwaꞌ atay na kitabi. Maka puwas na dusa tabi sabapan lahaꞌ Anak Tuhan, yana si Isa. Sangkon sutsiꞌ na kitabi.

1 Yahiya 3:5

Sugaꞌ ndang katoonan bi na du, Almasi bay pitu pa junyaꞌ supaya tapuwasan na dusa manusiyaꞌ. Boꞌ iya ilay, yaꞌ luu dusa na samasakali.

Siga Pakaradjaan bay Pinalahil 7:14

Pag tampung ku, “Tuwan, yaꞌ katoonan ku. Kau ya bina toon.” Dari yuk na niyaku, “Inaa na sina ga jama ma bay na lumingkaꞌ njawom kabinsanaan mehe. Labbasakayi sila bay mopoan juba da ka lahaꞌ Bili-bili looy supaya poteꞌ na, hati na, puwas na dusa da.