Malkus 9:9 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁹ Na pag lūd da man taꞌ punu looy, lay doꞌ sila inamay-amayan meꞌ si Isa, yuk na, “Daa kam māꞌ ni soy maka soy na pasal ilooy ma bay tasakup bi siꞌ. Noy mintu ku, yana Anak Manusiyaꞌ, bay na matoy sampay pinakallum pabalik boꞌ bi māꞌ.”

Malkus 9:9 ပူးပေါင်းရင်းမြစ်များ

Matiyu 12:19

Yaꞌ ya magjawap ka jama. Pag pasampay na umanat na, yaꞌ ya ngahowap atawa mitsala pahaddo ni mayran meꞌ kasohean.

Matiyu 12:40

Batan yana meꞌ iya tallum bahangi tallu ngallaw bay njawom battong daying mehe, boꞌ na pōꞌ, damikiyan Anak Manusiyaꞌ pun itu mintu, tallum bahangi tallu ngallaw du njawom kubu, boꞌ na pōꞌ du.

Matiyu 16:21

Na pus meꞌ looy, nagnaꞌ na baw si Isa mahati siga mulit na bong oy katuwaꞌ niiya ni sinōng. Yuk na, “Aku itu, talpaksaꞌ niyaku pilay na pa Jerusalem. Ndooy ilay mintu, subay ku natasan jinisan kabinsanaan meꞌ siga matatoa ni agama ka ga imam langkaw sampay ga guru saraꞌ agama, boꞌ pinapatoy lagi ku. Sugaꞌ pag ina mintu taabut ni katallu ngallaw, llum na du sina ku pabalik.”

Matiyu 27:63

yuk da, “Tuwan, baꞌ-bāꞌ lalla looy ma pangandustaꞌ jaman na llum, paddus tallu ngallaw, llum du ya konoꞌ pabalik.

Matiyu 8:4

Pag-anu, yuk si Isa niiya, “Amay-amay daa ko maꞌ-māꞌ ni jama ga aku bay ngulian kau. Arapun pilay na ko pa mman imam nohoꞌ maliksaꞌ kuwit nu mari tasaksiꞌ na na yaꞌ na ko inipu. Pag-anu, boꞌ nu nong kulban meꞌ ndang bay tinaat ni saraꞌ Nabi Musa supaya kinatoonan na meꞌ mimon lay na ko kaulian.”

Malkus 5:43

Sugaꞌ lay sila inamay-amayan meꞌ si Isa yaꞌ nohoꞌ māꞌ ni jama bong oy bay pabuwat na. Maka lay na sohoꞌ na anak-anak looy pinakan ninsila.

Malkus 7:36

Pus meꞌ looy, lay gi si Isa ngamay-ngamayan baanan jama ndooy yaꞌ nohoꞌ māꞌ pasal ilooy ma bay tasakup da. Sugaꞌ minsan sila bay sinupali, mangkin lay gi tinanyagan meꞌ da.

Malkus 9:10

Dari lay na du asip da bay tugun na. Sugaꞌ papiha-piha na pin baw sila bong oy hiyak bitsala na pinakallum ya pabalik.

Malkus 9:8

Pus meꞌ looy, sasang ga si Pitel magliling-liling, sarunduun du dangan-dangan si Isa sa takita da ndooy.

Lukas 24:46

Maka lay gi ya maintoman sila tunaꞌ njawom kitab, ilooy ma yuk na, “Almasi ina talpaksaꞌ lumingkaꞌ njawom kabinsanaan sampay pinapatoy, sugaꞌ pinakallum du ya ni katallu ngallaw.”

Lukas 9:36

Paddus suwara looy siꞌ, pag ndaꞌ ga si Pitel, si Yahiya ka si Yaꞌkub, dangan-dangan si Isa sa nangge ndooy. Na ilooy siꞌ sikamimon ma bay tasakup ga si Pitel, yaꞌ gi bay pamāꞌ da ni soysoy jaꞌ jaman looy.