Malkus 9:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Mindangoy ko, luu na baw duwai tayiꞌ baliyu ngaliput sila. Maka luu gi suwara pōꞌ man jawom tayiꞌ baliyu looy, yuk na, “Inaa ina Anak ku, kakasi ku. Indanan bi bitsala na.”

Malkus 9:7 ပူးပေါင်းရင်းမြစ်များ

Matiyu 27:43

Baꞌ-bāꞌ na, mangando ya pa Tuhan maka mangaku ya Anak Tuhan. Bong ina ya kinaasean meꞌ Tuhan, mastiꞌ tinabang jaꞌ ya batnaa.”

Matiyu 27:54

Na kuwan kapitan sundalu ka ga soheꞌ na siꞌ ma nganjagahan si Isa, pag ndaꞌ da linug na lahat sampay mimon ma bay tasakup da ndooy, tud bay tawu sila. Dari yuk da, “Tud bana du la lalla tuu Anak Tuhan.”

Matiyu 3:17

Maka luu suwara man sulgaꞌ, yuk na, “Ituu tu Anak ku, kakasi ku. Kasulutan ku banahan niiya.”

Malkus 1:11

Maka luu suwara man sulgaꞌ, yuk na, “Kau ina Anak ku, kakasi ku. Kasulutan ku banahan ningkau.”

Malkus 9:6

Na ngkon si Pitel bay mitsala meꞌ looy sabap ni kaehe tawu na, yaꞌ na katoon-toonan na bong oy pataꞌ halling na ninsila.

Malkus 9:8

Pus meꞌ looy, sasang ga si Pitel magliling-liling, sarunduun du dangan-dangan si Isa sa takita da ndooy.

Lukas 3:22

maka luu na Rū Sutsiꞌ duwai meꞌ dagbos atsang boꞌ na nampi taꞌ baran na. Boꞌ luu gi suwara man sulgaꞌ, yuk na, “Kau ina Anak ku, kakasi ku. Kasulutan ku banahan ningkau.”

Yahiya 1:34

Boꞌ na, pagka tud lay na du bay takita ku meꞌ looy, ituu situ man ku kabāꞌ na basta tud mawjud du lalla looy Anak Tuhan.”

Yahiya 1:49

Pag tabista si Natanyel talus si Isa, ilooy ma yuk na, “Tuwan Guru, tud bana-bana du bitu la kau na Anak Tuhan, sultan bangsa kami Israil!”

Yahiya 12:28

Dari yuk na pa Tuhan, “Maꞌ, ilooy jaꞌ pabuwatun niyaku ma moo kabantugan ni awon nu.” Pag-anu siꞌ, ilooy ma pōꞌ suwara man sulgaꞌ nampungan iya, yuk na, “Ndang lay na situ ku koleꞌ kabantugan njataꞌ nu. Boꞌ koleꞌ gi ku sina mintu kabantugan njataꞌ nu pabalik.”

Yahiya 19:7

Pag tampung baanan ga Yahudi looy, “Bong baw bina saraꞌ kami binean, subay ya pinapatoy sabap mangaku ya Anak Tuhan.”

Yahiya 20:31

Sugaꞌ kasohean lay patabeꞌ ku ntuu supaya kam pitsayaꞌ si Isa yana Almasi, maka iya Anak Tuhan. Batan bong ina kam pitsayaꞌ na niiya, malaingkan koleꞌ kam kasampulnaan nyawa saumu-umu.

Yahiya 5:18

Dari sabap meꞌ looy halling si Isa, magdaruhun na meꞌ siga pa-mmean Yahudi miha jalan man da mapatoy iya. Batan sarī man ngalangga saraꞌ pasal Llaw Pahali, lay gi ya ngawnan Tuhan Mmaꞌ na, magsisibuꞌ dī na ka Tuhan.

Yahiya 5:37

Lagiꞌ na, Mmaꞌ ku ina ma bay mapitu aku, iya mismu bay māꞌ bong soy ku. Sat na jaꞌ, yaꞌ kam bay pingkaꞌ kale suwara na atawa pun ngita iya balharapan.

Yahiya 6:69

Kami itu pitsayaꞌ jaꞌ ningkau maka katoonan kami kau na ilooy ma bay tinunaꞌ Mahasutsiꞌ lakka man Tuhan.”

Yahiya 9:35

Na si Isa baw siꞌ tu, pag taaka na lay pinōꞌ lalla looy man langga, ilooy ma lay du piniha meꞌ na. Pag tatammu na, tilaw na niiya, “Pitsayaꞌ ko ni Anak Manusiyaꞌ?”

Salsila siga Rasul 1:9

Paddus si Isa mitsala ninsila, ilooy ma lay na ya inangkat pa taꞌ langit ni pag-awpan da sasang da maiman. Sampay yaꞌ na ya takita kalimbuhan meꞌ tayiꞌ baliyu.

Salsila siga Rasul 7:37

Maka Boꞌ Musa na silay bay nunaꞌ ni bangsa tabi Israil, ilooy ma yuk na, ‘Ni sinōng, luu sina disu nabi meꞌ aku du pinatakka meꞌ Tuhan pa mman bi. Iya ilay mintu meꞌ aku du turunan bangsa tabi Israil.’ ”

Salsila siga Rasul 8:36

Sasang da palanja, lay na sila nakka disu lugar bohean. Pag-anu, yuk manijel looy ni si Pilip, “Alay la boheꞌ. Bong siꞌ kadarihan ningkau, pandihun doꞌ ku.”

Hibrani 2:1

Na pagka meꞌ looy na ehe hagaꞌ Anak Tuhan, subay kanna tabi umanat na, taggahaꞌ lay na baw mintu kitabi patā man kabanahan.

2 Pitel 1:17

Kami mismu bay soheꞌ na taꞌ punu jaman Mmaꞌ na Tuhan bay matannaan iya sahayaꞌ sampay muwanan iya kabantugan mehe. Bay gi takale kami suwara Tuhan Sangat Kawasa ndooy pōꞌ man taꞌ langit jaman na magpalman, ilooy ma yuk na, “Inaa ina Anak ku, kakasi ku. Kasulutan ku banahan niiya.”

1 Yahiya 5:20

Damikiyan, katoonan tabi na du luu na bay pitu Anak Tuhan pa junyaꞌ. Maka lay na ya muwanan kitabi pangahati supaya dari na kitabi lungbid ka Tuhan sabanna. Pag batnaa tibuuk na kitabi ka Tuhan sabanna sabap meꞌ tabi tibuuk na ka Anak na si Isa Almasi. Iya ina Tuhan sabanna maka poonan kasampulnaan nyawa ma yaꞌ luu katapusan na.

Siga Pakaradjaan bay Pinalahil 1:7

Indanan bi sa. Takka jaꞌ sina mintu si Isa Almasi liput leꞌ tayiꞌ baliyu sampay takita meꞌ mimon manusiyaꞌ. Minsan sagannap ma bay ngalansang iya taꞌ tehang, ngita iya du sina bbos-bbos. Maka manusiyaꞌ ina mintu man mimon kabangsa-bangsahan magkarukkaan na ni kasasso da bay nuwak iya. Na ilooy ilay siꞌ ma bay sabbut ku, tattap binakbul jaꞌ sina mintu. Amin.