Malkus 9:50 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵⁰ “Bong inawnan timus, ndang mahap. Sugaꞌ bong meꞌ sapantun lay na lungay maasin na, niyaꞌ na sina tapabalik. Yaꞌ na luu kapansahaliyan na samasakali. Sangkon kuwan kaam, daa palungayun bi kapansahaliyan bi ni pagkahi bi manusiyaꞌ. Maka ngulihal na pin kam meꞌ bi njawom kasalassayan ka sila.”

Malkus 9:50 ပူးပေါင်းရင်းမြစ်များ

Matiyu 5:13

Yuk si Isa lagi, “Kaam ina ma mmeꞌ niyaku meꞌ sapantun timus ma muwan hāp lassa ni lawuk, batan kaam moo kaayaran ni manusiyaꞌ. Sugaꞌ bong kam ina meꞌ sapantun timus ma lay lungay maasin na, yaꞌ du luu pūs bi. Timus meꞌ looy ilay, gam na tinimanan sadjaꞌ pa poan pinabiya giniok-giok meꞌ jama.

Malkus 9:34

Sugaꞌ diyam-diyam jaꞌ sila, batan iyaꞌ sila māꞌ lay sila magjawap pasal soy sila patingkat ni baanan da.

Malkus 9:49

Yuk si Isa lagi, “Mimon ina manusiyaꞌ tinimusan jaꞌ ka api. Hatiyan na, mimon manusiyaꞌ mastiꞌ lumingkaꞌ jaꞌ njawom jinisan kamalasahiyan ma nongkad hāp-laat njawom atay da.

Suwat si Pol pa mman Baanan Sukuꞌ si Isa ndooy ni Rom 12:18

Pagbuli-bulihan bi mogbogan kasalassayan ka mimon jama.

2 Korin 13:11

Katapusan bitsala ku, siga danganakan, pagakun bi atay bi. Pagbuli-bulihan bi mogbogan kawul-piil ayad. Kannahun bi banahan palbiatan ku maka tuyuan bi meꞌ bi dambuwaꞌ atay. Miha kam jalan man bi wā njawom kasalassayan ka pagkahi bi. Bong siꞌ ina bean bi jaꞌ, inunungan jaꞌ sina kam meꞌ Tuhan, yana poonan aseꞌ ka kasannangan.

Galatiya 5:22

Boꞌ jama ma pinagbayaan meꞌ Rū Sutsiꞌ ina, sibuꞌ karuha da ka poon kayu ayad jaꞌ buwaꞌ na. Batan jinisan kahapan takita ni kawul-piil da, yana aseꞌ, kagakan, sannang atay, pasensiya, bbuwatan ayad ni pagkahi da ka arat mahap. Tapangandohan sila

Epesus 4:29

Timanan bi na mimon bitsala maat atawa lakaꞌ-lakaꞌ. Ilooy ya poun bi yana bitsala ma katabang atawa ma kasambu ni nyawa sagannap ma kale.

Pilipi 1:27

Sugaꞌ san gi oy katuwaꞌ niyaku, inaa puntukan banahan, basta subay pataꞌ jaꞌ kawul-piil bi ka kaam jama ma mmeꞌ ni umanat mahap pasal Almasi. Meꞌ naa ina, luu-yaꞌ ku luu nnaa, taaka ku du sina mintu kaam sama-sama magtuyuꞌ kalnaꞌ Almasi. Maka sibuꞌ-sibuꞌ kam magmaksud maka dambuwaꞌ atay bi nanggehan umanat mahap mari jama pitsayaꞌ ni si Isa.

Kolossa 3:12

Sangkon meꞌ kaam ina kakasi Tuhan maka sutsiꞌ na sampay lay na kam bay pineneꞌ binuwat sukuꞌ na, subay kam manimbang ni jama ka buwat mahap ninsila. Subay diyoꞌ ka lammaꞌ pangatayan bi. Maka subay tahaꞌ pasensiya bi.

Kolossa 4:6

Bila kam magbitsala ka sila, subay kam magmaltabat ninsila maka makoy bitsala mahap. Maka miha kam lawang man bi matabeꞌ bitsala ma kasambu ni nyawa da. Maka subay kam saddiya ka tampung ayad bong luu nual kaam. Bong siꞌ ina kam kabitsala meꞌ looy siꞌ, sibuꞌ du kam ka bay nongan sila lawuk tabaan.

1 Tesaloneka 5:13

Tud subay sila pag-aratan bi maka kaasean bi banahan sabapan pabuwatan da ngayaran kaam. Maka pagbuli-bulihan bi meꞌ bi mogbogan kasalassayan bi dambaanan.

2 Timuti 2:22

Sangkon, san meka meꞌ pag-umuhan nu taboo-boo meꞌ napsu da buwat jinisan karupangan, bong kau, basta palawak ko man arat-tabiat meꞌ looy. Iya pakutuun, yana kaintongan, pangando ni si Isa, aseꞌ ni jama maka kasalassayan. Sagannap ma ngisbat Papuꞌ ni kasutsiꞌ atay da, ndang meꞌ naa sina angan-angan da.

Hibrani 12:14

Pagbuli-bulihan bi miha kasalassayan ka mimon manusiyaꞌ. Maka subay kam sutsiꞌ. Batan yaꞌ sina mintu luu sikita ka Papuꞌ bong ya yaꞌ sutsiꞌ.

Yaꞌkub 1:20

Batan bong ina jama lasu, yaꞌ luu tapōꞌ da arat-tabiat intong ma nulut ni kahandak Tuhan.

1 Pitel 3:8

Na dambuli man inaa, meꞌ kaam sukuꞌ si Isa sikamimon, subay kam dambuwaꞌ atay maka sikaddoꞌ-kaddoꞌ parasahan. Subay kam sikaaseꞌ-kaaseꞌ meꞌ karuha jama magdanganakan. Sipanimbang-panimbang kam maka subay diyoꞌ pangatayan bi saliꞌ-saliꞌ.