Malkus 9:28 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁸ Paddus meꞌ looy, lay na ga si Isa moleꞌ. Pag taabut sila-sila sa njawom lumaꞌ, tilaw ga mulit na niiya, “Ongoy lay la yaꞌ siꞌ bay tapōꞌ kami seytan anak-anak looy?”

Malkus 9:28 ပူးပေါင်းရင်းမြစ်များ

Matiyu 13:10

Pag-anu siꞌ, pasōng na baw pa mman si Isa siga mulit na nilaw, yuk da, “Tuwan, ongoy ko lay la ngandalil man nu noan sila?”

Matiyu 13:36

Pag lupus si Isa magnasihat, lai na mbanan na siga baanan jama ndooy boꞌ na paasok pa jawom disu lumaꞌ. Kuwan siga mulit na, lay du mmeꞌ niiya boꞌ da nohoꞌ binaan, yuk da, “Tuwan, bong dari, pahatiyan doꞌ kami kamaatunan dalil looy siꞌ pasal lumput ni huma.”

Matiyu 15:15

Dari yuk si Pitel ni si Isa, “Tuwan, pahatiyan doꞌ kami la bitsala nu ni kapasal pakaradjaan ma katamak ni jama.”

Malkus 2:1

Luu jaꞌ siꞌ daka dangoy ngallaw bay pingkaꞌ, lay na baw si Isa pabeleng pa Kapelniyum. Pag taaka jaꞌ siꞌ meꞌ jama luu na ya ni lumaꞌ,

Malkus 3:20

Pag-anu, lay na baw si Isa ka ga rasul na pilay pa disu lumaꞌ man da pahantiꞌ. Ndooy siꞌ, meka na baw jama kumpo-kumpo pabalik sampay yaꞌ na san luu masa man ga si Isa kasakap mangan.

Malkus 4:10

Pag lay jaꞌ moleꞌ ga baanan jama looy siꞌ, ilooy sa tamban ni si Isa yana ga rasul na sikasapu-duwa ka siga mulit na kasohean. Pag-anu siꞌ, tinilaw na baw ya meꞌ da bong oy kamaatunan dalil looy siꞌ.

Malkus 4:34

Tuktuk na noan sila, wā ya ngandalil. Sugaꞌ pag taabut sila-sila sa ka ga mulit na, lay du passaꞌ na kamaatunan siga dalil looy labbasakayi.

Malkus 7:17

Lay jaꞌ siꞌ lakka si Isa ka ga mulit na man baanan ga jama looy, lay sila paasok pa jawom lumaꞌ. Pag-anu siꞌ, ilooy ma tinilaw du ya meꞌ siga mulit na pasal bay tōꞌ na siꞌ.

Malkus 9:27

Sugaꞌ lay na pin hinelaꞌ meꞌ si Isa tangan na sampay lay na du ya nangge.

Malkus 9:29

Tampung si Isa, “Siga seytan meꞌ looy ilay yaꞌ takoleꞌ pinōꞌ bong kam yaꞌ makutuꞌ meꞌ bi maku duwaa.”