Malkus 9:27 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁷ Sugaꞌ lay na pin hinelaꞌ meꞌ si Isa tangan na sampay lay na du ya nangge.

Malkus 9:27 ပူးပေါင်းရင်းမြစ်များ

Matiyu 9:25

Lay jaꞌ siꞌ pinōꞌ baanan ga jama looy, lay na si Isa paasok pa jawom bilik anak-anak looy. Pag lay jaꞌ ntanan na tangan na, magti du bangun anak-anak looy.

Malkus 1:31

Pag-anu siꞌ, pasōng na si Isa pa mman danda looy maka lay na helaꞌ na tangan na binangun. Dari siꞌ, sarunduun du lakka lammun na sampay iya na ga bay motangan sila.

Malkus 1:41

Dari siꞌ, kapaluuy na si Isa ni lalla looy sampay purut na na lalla looy sambayan na halling, “Kuhi ku ba. Kaulian na sina ko.”

Malkus 5:41

Pag-anu, inantanan na meꞌ si Isa tangan anak-anak looy sambayan na halling niiya ni pallun Yahudi, “Talita, kum.” Hatiyan na, “Nang, bangun na ko.”

Malkus 8:23

Sugaꞌ lay doꞌ tondaꞌ si Isa lalla looy man tangan binoo palawak-lawak man kalumaan ndooy. Tā-tā jaꞌ siꞌ sila, ilooy ma lay luraan si Isa mata lalla looy. Pag-anu, boꞌ tinappak meꞌ na. Tilaw na ni lalla looy, “Ngita na ko?”

Malkus 9:26

Pag-anu, magti du killahap seytan looy sampay magkuweregan na anak-anak looy meꞌ na, boꞌ na pōꞌ. Dari siꞌ meꞌ hantang mayat na anak-anak looy sampay meka na ga bay kapahalling, “Lay na bitu matoy anak-anak naa.”

Malkus 9:28

Paddus meꞌ looy, lay na ga si Isa moleꞌ. Pag taabut sila-sila sa njawom lumaꞌ, tilaw ga mulit na niiya, “Ongoy lay la yaꞌ siꞌ bay tapōꞌ kami seytan anak-anak looy?”

Salsila siga Rasul 23:19

Pag-anu siꞌ, lay doꞌ tinondaꞌ lalla looy man tangan meꞌ komandel palawak dangkitiꞌ mari duwang-duwangan jaꞌ sila. Pag-anu siꞌ, tinilaw na ya meꞌ komandel, yuk na, “Oy siꞌ tu Toꞌ bāꞌ nu niyaku?”

Salsila siga Rasul 3:7

Pag-anu siꞌ, ilooy ma hinelaꞌ na tangan na meꞌ si Pitel pinatangge. Dari sarunduun du takka na anggawtaꞌ battis na sampay buku-buku na.

Salsila siga Rasul 9:41

Pag-anu, ilooy ma inantanan na tangan na meꞌ si Pitel pinatangge. Pag lupus, lay na linganan si Pitel siga bawu looy siꞌ ka ga pagkahi da sukuꞌ si Isa. Pag-anu, lay na sila pinakitahan llum na si Tabita pabalik.