Malkus 9:25 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁵ Pag takita si Isa magsasōng na pin eka jama bahuklud pasōng pa mman na, padpad masi haluhaya, yuk na ni seytan looy njawom baran anak-anak looy, “Seytan, kau ma tukang maumawan jama, pōꞌ na ko! Maka daa na ko paasok pa jawom anak-anak naa bbalik!”

Malkus 9:25 ပူးပေါင်းရင်းမြစ်များ

Matiyu 12:22

Pag-anu siꞌ, luu na baw disu lalla buta ka umaw leꞌ seytan binoo pa mman si Isa. Iya siꞌ tu lay du kaulian meꞌ si Isa sampay ngita na ya maka kabitsala na.

Matiyu 17:18

Luu jaꞌ siꞌ, lay na sohoꞌ si Isa seytan njawom baran anak-anak looy pōꞌ. Dari lay du pōꞌ sampay magti kaulian na anak-anak looy.

Malkus 9:15

Luu jaꞌ siꞌ si Isa takita meꞌ baanan jama looy, takurat sila sampay magti du sila sonse nampang iya.

Malkus 9:24

Pag tampung mmaꞌ anak-anak looy, “Pitsayaꞌ ku Tuwan! Sugaꞌ tabangun doꞌ ku supaya yaꞌ na ku duwa-duwa pitsayaꞌ.”

Malkus 9:26

Pag-anu, magti du killahap seytan looy sampay magkuweregan na anak-anak looy meꞌ na, boꞌ na pōꞌ. Dari siꞌ meꞌ hantang mayat na anak-anak looy sampay meka na ga bay kapahalling, “Lay na bitu matoy anak-anak naa.”

Lukas 11:14

Na luu disu llaw, lay si Isa sitammu ka disu lalla ma yaꞌ na kabitsala sabap sineytan ya. Dari lay na papōꞌ si Isa seytan man jawom baran lalla looy sampay kabitsala na ya pabalik. Pag ndaꞌ ga baanan jama ndooy meꞌ looy, tud bay haylan sila.

Lukas 4:35

Pag-anu siꞌ, ilooy ma sinaggong na seytan looy meꞌ si Isa, yuk na, “Daa ko hibuk! Pōꞌ na ko man jawom baran lalla naa!” Dari ilooy ma magti lalla looy humantak meꞌ seytan na ni awpan da sambayan seytan na lay na pōꞌ lahi. Sugaꞌ yaꞌ du baw bay kongoy-kongoy lalla looy.

Lukas 4:41

Kasohean jama ndooy sineytan. Sugaꞌ paddus na pin si Isa nohoꞌ siga seytan da pōꞌ, magti du sila lakka man jawom baran ga jama looy. Pag pōꞌ da, kakillahapan howap, yuk da, “Kau ina Anak Tuhan!” Sugaꞌ lay sila sinaggong meꞌ si Isa yaꞌ nohoꞌ mitsala. San katoonan da iya na Almasi ma bay njanjiꞌ meꞌ Tuhan, yaꞌ baw ya doman pinamāꞌ meꞌ da bong soy ya.

Lukas 9:42

Na sasang anak-anak looy binoo pa mman si Isa, patakka na baw seytan na. Dari lay ya humantak meꞌ seytan na sampay lay na baw ya magkuweregan. Sugaꞌ pag saggong si Isa seytan na, ilooy ma lay na palakka sampay kaulian na anak-anak looy. Pag-anu siꞌ, lay na ya pinabalik meꞌ si Isa pa mman mmaꞌ na.

Salsila siga Rasul 16:18

Na hangat pinagsibalik-balik meꞌ danda looy halling meꞌ looy llaw pa dangallaw, dugahan na si Pol. Dari lay ya pateleꞌ sambayan na halling ni seytan njawom baran danda looy, yuk na, “Ni kawasa awon si Isa Almasi, sohoꞌ ta na ko palakka man jawom baran danda naa.” Dari siꞌ, sarunduun du lay lakka seytan na.

Suwat Lakka man si Jūd 1:9

Minsan baw Mikail yana disu malaikat langkaw banahan kawasa-kapatut na, yaꞌ du bay nawakka buwat meꞌ sila. Batan jaman Mikail ilay bay magsaggaꞌ ka Ibilis pasal mayat Nabi Musa, yaꞌ du ya bay nawakka madiyoꞌ Ibilis. Ilooy du bay halling na niiya, “Papuꞌ sa bahalaꞌ naggong kau.”