Malkus 9:20 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁰ Pag-anu siꞌ, lay na boo da anak-anak looy pa mman si Isa. Pag takita si Isa meꞌ seytan njawom baran anak-anak looy, sarunduun du anak-anak looy magkuweregan sampay humantak, boꞌ na magligiran sampay ngalappuꞌ na ga behe na.

Malkus 9:20 ပူးပေါင်းရင်းမြစ်များ

Malkus 1:26

Pag-anu siꞌ, sabapan seytan na, pakuwereg na lalla looy. Maka killahap na seytan na lān na pōꞌ lahi.

Malkus 9:18

Bila patakka na seytan na, sarunduun ya humantak sambayan na magkuweregan. Maka ngalappuꞌ na ga behe na sambayan na magkattop sampay ngatto na ga baran na. Dari lay na situ ku siꞌ maku tulung ni siga mulit nu nohoꞌ malakka seytan na, sugaꞌ yaꞌ du bay takoleꞌ da.”

Malkus 9:19

Yuk si Isa, “Uy la, angkat-angkatan batnaa tud kulang bitu pangando da pa Tuhan! Meꞌ noy na pin doꞌ tu hallom ku dambuwaꞌ ka kaam natasan arat bi boꞌ bi pitsayaꞌ?” Pag-anu, yuk na ni lalla looy siꞌ, “Bōn na pitu anak nu.”

Malkus 9:21

Tilaw si Isa ni mmaꞌ na, “Meꞌ noy na tu hallom anak nu meꞌ tuu?” Tampung na, “Man kadikiꞌ na gi sina Tuwan.

Malkus 9:26

Pag-anu, magti du killahap seytan looy sampay magkuweregan na anak-anak looy meꞌ na, boꞌ na pōꞌ. Dari siꞌ meꞌ hantang mayat na anak-anak looy sampay meka na ga bay kapahalling, “Lay na bitu matoy anak-anak naa.”

Lukas 4:35

Pag-anu siꞌ, ilooy ma sinaggong na seytan looy meꞌ si Isa, yuk na, “Daa ko hibuk! Pōꞌ na ko man jawom baran lalla naa!” Dari ilooy ma magti lalla looy humantak meꞌ seytan na ni awpan da sambayan seytan na lay na pōꞌ lahi. Sugaꞌ yaꞌ du baw bay kongoy-kongoy lalla looy.

Lukas 9:39

Tud malasahi na ya meꞌ seytan. Bila patakka na seytan na, killahap na ga ya, boꞌ magkuweregan lagi sampay ngalappuꞌ na ga behe na. Adak yaꞌ na situ luu hantiꞌ na pinakaat meꞌ seytan na.

Lukas 9:42

Na sasang anak-anak looy binoo pa mman si Isa, patakka na baw seytan na. Dari lay ya humantak meꞌ seytan na sampay lay na baw ya magkuweregan. Sugaꞌ pag saggong si Isa seytan na, ilooy ma lay na palakka sampay kaulian na anak-anak looy. Pag-anu siꞌ, lay na ya pinabalik meꞌ si Isa pa mman mmaꞌ na.

Yahiya 8:44

Kaam ina, Ibilis mmaꞌ bi. Dari ilooy karomanan bi pinabuwat, siga pabuwatan ma nulut ni kahandak na. Ibilis ina ndang tukang mapatoy labba man tagnaꞌ. Bong inawnan hāl kabanahan, yaꞌ ya doman palamud sabap yaꞌ luu niiya kabanahan. Bong ya mitsala, dustaꞌ jaꞌ, batan ndang pangandustaꞌ ya. Lagiꞌ na, ndang iya poonan dustaꞌ.

1 Pitel 5:8

Iyakin kam maka papatong kam mamiki sabap Ibilis ina, yana banta bi, doman jaꞌ nasat supaya kam patatak man si Isa. Sibuꞌ du sina karuha Ibilis ka halimaw ngallong, parampong-parampong miha sabbatan na.