Malkus 9:18 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁸ Bila patakka na seytan na, sarunduun ya humantak sambayan na magkuweregan. Maka ngalappuꞌ na ga behe na sambayan na magkattop sampay ngatto na ga baran na. Dari lay na situ ku siꞌ maku tulung ni siga mulit nu nohoꞌ malakka seytan na, sugaꞌ yaꞌ du bay takoleꞌ da.”

Malkus 9:18 ပူးပေါင်းရင်းမြစ်များ

Matiyu 15:22

Ndooy siꞌ, luu disu danda bangsa Kanan lay pilay pa mman si Isa nganjunjung, yuk na, “Ū Tuwan, panubuꞌ Sultan Daud, panimbangan doꞌ ku sabap tud malasahi la anak ku bay inasok meꞌ seytan.”

Matiyu 17:16

Bay na silay ya boo ku pa mman ga mulit nu sugaꞌ yaꞌ du bay takoleꞌ da.”

Matiyu 8:12

Sugaꞌ meka sina mintu bangsa Yahudi ma subay siꞌ tabeꞌ ni jawom pamarinta Tuhan hiniyakan pa jawom lindom tangob-tangoban. Ndooy ilay, mag-ulawi na sila sampay magkattop naggaan paddi.”

Malkus 11:23

Baan ta kam banahan, minsan gi ina punu naa, bong yuk bi, ‘Pungkad ko, boꞌ nu ngahiyakan dī nu pa dilawut,’ mastiꞌ ngasip jaꞌ sina bong kam yaꞌ duwa-duwa pitsayaꞌ nduwan meꞌ Tuhan paku bi.

Malkus 9:17

Na yaꞌ gi siꞌ bay tatampungan da si Isa, yuk disu lalla ni baanan looy, “Tuwan Guru, luu situ siꞌ la anak ku umaw meꞌ seytan bay boo ku pitu. Bong siꞌ dari, junjung ku na ningkau, ulian doꞌ ya.

Malkus 9:19

Yuk si Isa, “Uy la, angkat-angkatan batnaa tud kulang bitu pangando da pa Tuhan! Meꞌ noy na pin doꞌ tu hallom ku dambuwaꞌ ka kaam natasan arat bi boꞌ bi pitsayaꞌ?” Pag-anu, yuk na ni lalla looy siꞌ, “Bōn na pitu anak nu.”

Malkus 9:20

Pag-anu siꞌ, lay na boo da anak-anak looy pa mman si Isa. Pag takita si Isa meꞌ seytan njawom baran anak-anak looy, sarunduun du anak-anak looy magkuweregan sampay humantak, boꞌ na magligiran sampay ngalappuꞌ na ga behe na.

Malkus 9:26

Pag-anu, magti du killahap seytan looy sampay magkuweregan na anak-anak looy meꞌ na, boꞌ na pōꞌ. Dari siꞌ meꞌ hantang mayat na anak-anak looy sampay meka na ga bay kapahalling, “Lay na bitu matoy anak-anak naa.”

Salsila siga Rasul 7:54

Pag lay jaꞌ takale meꞌ baanan kapakihan ndooy bitsala si Esteben, ilooy ma tud sinalaputan na tabbuk da.

Suwat Lakka man si Jūd 1:13

Pabuwatan da ina kaiyaꞌ-iyaꞌ. Sibuꞌ du karuha da ka lamba dilawut ma sigi-sigi nuran boboꞌ ma kasabu jaꞌ ni tapiyan. Hangat sila magsian jama, subay ga sila potean gaga yaꞌ taasahan man mindoga. Sugaꞌ ndang luu na silay lugar lindom saꞌ na gantaꞌ na bay hinalliꞌ ninsila. Boꞌ yaꞌ na silay mintu sila kapōꞌ mandooy saumu-umu.