Malkus 8:38 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁸ “Jama ni angkat-angkatan batnaa ina tinagi buwat dusa. Yaꞌ sila kanaalla pa Tuhan. Sugaꞌ indanan bi. Soysoy ina iyaꞌ mangaku mmeꞌ niyaku atawa pun iyaꞌ mōꞌ tōꞌ ku, malaingkan iyaꞌ du ku mangaku iya sukuꞌ ku pag beleng ku, yana Anak Manusiyaꞌ, ddas ka kabantugan Mmaꞌ ku ka siga malaikat man sulgaꞌ.”

Malkus 8:38 ပူးပေါင်းရင်းမြစ်များ

Matiyu 12:39

Sugaꞌ tampung si Isa, “Tud maat jama angkat-angkatan batnaa. Yaꞌ sila kanaalla pa Tuhan. Yaꞌ sila kuhi pitsayaꞌ bong sila yaꞌ bay pinakitahan sipat kawasa. Sugaꞌ yaꞌ du sila pinakitahan sipat sarī man meꞌ ilooy ma bay katuwaꞌ ni Nabi Yunus mattoꞌ.

Matiyu 13:41

Bbuwatan Anak Manusiyaꞌ itu mintu nohoꞌ siga malaikat na pitu pa junyaꞌ ngumpo sikamimon ma bay moo-moo pagkahi da buwat dusa sampay mimon ma yaꞌ mean siga panohoan na.

Matiyu 16:27

Ni sinōng, pabeleng du situ Anak Manusiyaꞌ ka ga malaikat na pa junyaꞌ liput meꞌ sahayaꞌ Mmaꞌ na. Pag-anu, boꞌ na nungbasan mimon manusiyaꞌ ni oy-oy bay pabuwat da, mahap-maat.

Matiyu 16:28

Maka baan ta kam banahan, kasohean kam ma luu nangge ntuu, yaꞌ gi situ kam mintu bay matoy, ndang takita bi na katakka Anak Manusiyaꞌ ddas ka pamarinta na.”

Matiyu 16:4

Tud maat jama angkat-angkatan batnaa. Yaꞌ sila kanaalla pa Tuhan. Yaꞌ sila kuhi pitsayaꞌ bong sila yaꞌ bay pinakitahan sipat kawasa. Sugaꞌ yaꞌ du sila pinakitahan sipat sarī man meꞌ ilooy ma bay katuwaꞌ ni Nabi Yunus mattoꞌ.” Pag-anu siꞌ, lay na si Isa palakka mandooy.

Matiyu 24:30

Pag-anu, luu na pōꞌ man taꞌ langit sipat ni katakka Anak Manusiyaꞌ. Maka takita na sina ya duwai taꞌ tayiꞌ baliyu nahayaꞌ na ni kaehe kawasa na. Dari sikamimon manusiyaꞌ ma yaꞌ mmeꞌ niiya magkarukkaan na sina.

Matiyu 25:31

Yuk si Isa lagi, “Pag ina mintu takka Anak Manusiyaꞌ ni kaehe sahayaꞌ na haboyan mimon malaikat, ningkōꞌ na ya ni paningkoan kawasa-kapatut magsultan.

Matiyu 26:64

Iya tampung si Isa niiya, “Meꞌ halling sambat nu na du bilay siꞌ. Maka baan ta kam banahan, luu du sina masa ni sinōng, takita bi Anak Manusiyaꞌ ningkōꞌ huwin pa kawnan man Tuhan Sangat Kawasa. Maka bbos-bbos takita bi du sina ya takka man sulgaꞌ taꞌ tayiꞌ baliyu.”

Matiyu 8:20

Tampung si Isa, “Mamiki doꞌ ko ba paayad. Gam gi ina ga sattuwa tawun, luu gi katattogan man da patannaꞌ sangom-sangom. Minsan ga manuk-manuk, luu du ka sāng da. Boꞌ aku, Anak Manusiyaꞌ, yaꞌ san luu patulihan ku.”

Malkus 13:26

“Pus meꞌ looy, takita na sina Anak Manusiyaꞌ duwai njawom tayiꞌ baliyu ni kaehe kawasa na ddas ka sahayaꞌ na.

Malkus 14:62

Pag tampung si Isa, “Bana, aku na situ. Maka luu gi sina masa ni sinōng takita bi aku, Anak Manusiyaꞌ, ningkōꞌ huwin pa kawnan ni bihing Tuhan Sangat Kawasa. Maka takita bi du sina ku duwai man sulgaꞌ njawom tayiꞌ baliyu.”

Malkus 8:37

San du ina dangoy pilak bay tapumpung na, yaꞌ du sina sukup man na ngalakkat nyawa na man jawom katiksaan.

Lukas 19:26

“Yuk sultan, ‘Pilayun bi na ba. Baan ta kam banahan, sagannap ina ma magkanaalla makoy ilooy ma bay ndean sila, sinampunan gi paeka ninsila. Boꞌ sagannap ma yaꞌ kanaalla, san luu dangkitiꞌ du bay ndean sila, mastiꞌ kinaddoan du sina mman da.’

Lukas 9:26

“Soysoy ina iyaꞌ mangaku mmeꞌ niyaku ka tōꞌ ku, malaingkan aku, yana Anak Manusiyaꞌ, iyaꞌ du ku mangaku iya sukuꞌ ku pag beleng ku pa junyaꞌ ddas ka kawasa lakka man kami ka Mmaꞌ ku sampay ga malaikat na.

Yahiya 1:14

Na Palman ilay bay dari manusiyaꞌ sampay lay gi pingkaꞌ magdambuwaꞌ ka kami. Biddaꞌ na ehe aseꞌ na maka bana sadjaꞌ mimon bitsala na. Kami mismu bay kasakup ehe kaayaran na, yana kaayaran Anak tungga ma bay pitu lakka man Mmaꞌ na Tuhan.

Yahiya 12:34

Pag-anu siꞌ, tilaw kasohean ni baanan jama ndooy, yuk da, “Tuwan, pasal bay halling nu siꞌ talpaksaꞌ Anak Manusiyaꞌ inangkat taꞌ tehang, soy lay la Anak Manusiyaꞌ looy ma bay awnan nu siꞌ? Bong iya na Almasi, pooy meꞌ nu kabāꞌ pinapatoy ya inangkat taꞌ tehang? Batan pamāꞌ kitab, inawnan Almasi, llum saumu-umu.”

Yahiya 5:27

Maka sabap aku Anak Manusiyaꞌ, lay na du ku buwanan Mmaꞌ ku kapatut ngahukum manusiyaꞌ.

Salsila siga Rasul 10:22

Pag tampung da, “Tuwan, kami tu la siga sosohoan disu kapitan sundalu inawnan si Kolniliyus. Iya ilay jama intong maka tawu pa Tuhan. Pinagmaltabatan ya meꞌ mimon pagkahi bi Yahudi ni lahat kami. Bahau jaꞌ silay ya bay tinammuhan meꞌ disu malaikat man Tuhan. Tugun malaikat looy niiya nohoꞌ doꞌ ko kinaddoꞌ pa lumaꞌ na supaya takale na na umanat nu.”

Salsila siga Rasul 5:41

Pag lakka ga rasul looy man baanan Sanhidrin, tud bay gāk sila batan kabantugan mehe ninsila bay natas pinakiyaꞌ kalnaꞌ awon si Isa.

Suwat si Pol pa mman Baanan Sukuꞌ si Isa ndooy ni Rom 1:16

Tud manganna situ ku ni kawasa Tuhan njawom umanat mahap tuktuk na pinasaplag. Sangkon yaꞌ ku loman masaplag. Batan katoonan ku mimon jama ma pitsayaꞌ ni umanat mahap tattap jaꞌ nammu kasalamatan, nagnaꞌ man bangsa Yahudi sampay pa kabangsa-bangsahan ma saꞌ Yahudi.

Galatiya 6:14

Boꞌ aku tu, ilooy du pinag-abbu meꞌ ku yana kapatoy Papuꞌ tabi si Isa Almasi taꞌ tehang kalnaꞌ kitabi. Meꞌ ku ngingat, bay pagkajama ku maruhuꞌ lay na tabeꞌ ni si Isa nilansang taꞌ tehang. Pag batnaa, sarī na pagkajama ku. Sangkon lay na matoy kainagon ku ni kalaatan ma pinaabak meꞌ jama ma mandang hāl junyaꞌ. Boꞌ jama ma mandang hāl junyaꞌ ina, yaꞌ du luu kainagon da ni siga pakaradjaan ma hagaan niyaku.

1 Tesaloneka 2:19

Kainagon kami sitammu na kitabi pabalik batan pangando bi ni Papuꞌ tabi si Isa poonan kagakan mehe ningkami. Maka sabapan pangando bi, tatantu kami magsasōng na pin meꞌ bi nulut kahandak Tuhan ngabut sampay pa katapusan. Meꞌ kami ngingat, kaam ina meꞌ sapantun karuna dorogan ma bay sinangon taꞌ kōk kami man kami koleꞌ kabantugan pag beleng Papuꞌ Isa.

1 Tesaloneka 3:13

Meꞌ looy ilay, tattap na pin kasutsian bi maka yaꞌ luu sutsutan njataꞌ bi ni pag-awpan Mmaꞌ tabi Tuhan pag beleng Papuꞌ tabi si Isa ka siga malaikat na.

2 Timuti 1:12

Boꞌ ituu na situ kon ku tiksaꞌ ntuu njawom jīl. Kamasaꞌ, yaꞌ du tu ku iyaꞌ batan katoonan ku ilooy ma asahan ku, yana si Isa Almasi. Boꞌ na, tatantu ku du mastiꞌ takaya na jaꞌ ngayaran ma bay pa-ntan ku niiya ngabut sampay llaw katapusan.

2 Timuti 1:16

Sugaꞌ kuwan si Onesiporus ka ga paglūng na, kamura-murahan pinanimbangan du sila meꞌ Papuꞌ. Batan takdang na ilay bay takka pitu pa Rom, yaꞌ bay luu katagong na miha ngkod-ngkoran ku yaꞌ gi bay tatammu na. Yaꞌ san ya bay iyaꞌ takita magpangandaꞌ aku san ku bay taingkot ka karina. Daran ya bay magamgaman aku.

2 Timuti 1:8

Sangkon daa na ko tawu maan jama pasal Papuꞌ ta. Damikiyan, daa na du ko tawu mangaku ga aku soheꞌ nu sukat ku njawom jīl. Gam pin, magpalapay na ko niyaku natasan oy-oy kamalasahiyan kalnaꞌ umanat mahap pasal Papuꞌ ta. Ndang-ndang luu du kawasa Tuhan nganggaosan kita.

Hibrani 11:16

Sugaꞌ iya bay agad da yana paglahat mahap gi man mimon paglahat ni junyaꞌ, yana paglahat man sulgaꞌ. Dari sabapan kainagon da magdautan daira ma ndang bay pinanyap meꞌ Tuhan ninsila, gāk sina Tuhan inawnan Tuhan da.

Hibrani 11:26

Maka honaꞌ-honaꞌ na, gam na ya natas pinadiyoꞌ sabapan holat na ni katakka Almasi bbos-bbos man na nnaa lakkop leꞌ mimon altaꞌ ni Ejip. Batan ilooy ya pandang na supaat man Tuhan ni sinōng.

Hibrani 13:13

Sangkon, meꞌ kitabi itu siga mulit si Isa, subay kitabi pilay pa mman na ni poan daira. Hati na, subay kitabi patuhut niiya minsan man tabi pinahinaꞌ sibuꞌ du ka bay lingkaan na.

Yaꞌkub 4:4

Bong ina pakaradjaan meꞌ naa paabak bi, yaꞌ kam magkanaalla pa Tuhan. Ilooy ya meꞌ punu njawom atay bi hāl junyaꞌ. Bong yaꞌ katoonan bi, tiyap-tiyap ina pakaradjaan junyaꞌ inisbat meꞌ bi, malaingkan nikutan kam Tuhan maka sibuꞌ du kam ka manta iya.

1 Yahiya 2:23

Maka soysoy māꞌ yaꞌ ya pitsayaꞌ Almasi yana Anak Tuhan, lawak ya man Mmaꞌ Almasi. Sugaꞌ soysoy mangaku Almasi yana Anak Tuhan, mastiꞌ lungbid ya ka Mmaꞌ Almasi.

1 Yahiya 2:28

Siga anak, darahan bi na pin meꞌ bi dambuwaꞌ atay ka Almasi supaya pag takka na, yaꞌ luu kinatawuhan meꞌ bi maka yaꞌ luu danan man bi iyaꞌ siawop ka iya.

Siga Pakaradjaan bay Pinalahil 14:10

yaꞌ luu pag-agak, mastiꞌ pinakissahan na sina mintu mulkaꞌ Tuhan. Ibaratan nginum, pinaggos na sila nginum inuman pait saꞌ alang-alang. Pinidjalaꞌ na sina sila ka api noleyab magsakot ka manilang ndooy ni awpan siga malaikat Tuhan ka Bili-bili looy.